Saikot SDO Complex hawng ani tah

Tuituiphai: April 24,2015 (Fri) 1PM khan Saikot hmunah Saikot Sub Divisional Office Complex chu Shri Okram Ibobi Singh, Chief Minister, Manipur chun ropui takin a hawng. Khuollien in Shri Okram Ibobi Singh, Chief Guest, Shri Gaikhangam, Deputy Chief Minister, Manipur, Functional President, Shri T.N. Haokip,MLA, Saikot Assembly Constituency, Guest of Honour hai an thang a. Hi hun hi  Shri Phungzathang Tonsing,Minister, (Health & FW,GAD,CADA), Manipur, Shri Dr. Chalton Lien Amo, MLA, Chaiman, HAC, Manipur, Shri Vungzagin Valte, MLA, Parliament Secretary, Shri T. Manga Vaiphei, MLA, Chairman,MTDC, Shri Ginsuanhao, MLA, Lalhrillien, MDC le Lunminthang Haokip ,IAS, D.C. Churachandpur, Lalnghet Hmar, Ex. MDC, President, District Congress Committee, Churachandpur, Upa Laldawnlien Varte, President, HYA, Gen. Hqrs, Pu Laltanpuia, President,HSA, Churachandpur Jt. Hqrs hai khawma an uop bawk.  

Saikot Sub Divisional Demand Committee le Village Chiefs haiin khuollien hai lawmthu hrilna le chawimawinain Hnam puon anin battir a, Pu Laldawnlien Varte, Gen.President, HYA  GHQ khawma Hmar po po aiin lawmthu hrilna hun a nei a. Hmar Necktie le Hmar puon-te Chief Minister a pek bawk. Khuollien hai hi program  dang pathum fena ding an la nei leiin an thaw ding an thaw zoin an suokdawk nawk nghal anih. 

Hi ang hun hi mipuiin hun sawt taka inthawka an lo thlir le nghakhla em em ani a. Kum 2011 khan nasa takin sawrkar na verna dingin Bandh hai chen khawm lo huoihawt ani a. Hienga Saikot Sub Divisional Office hawnga a hung um ta hi Saikot Sub Divisional Demand Committee, Village Authority le Hnam thuoitu haiin an lawm hle thu ei dawng a.  Hi program le inzawma khaw thenkhat hieng Muolvaiphei, Saikawt, Hmuntha, Muolbem,Khawpuibung, Valpakot le a dang dang intina pakhat bek hi hunsera thang dinga thupetu Village Authority hai kuomah le thuawi taka mipui mani sin maksana fe khawmhai kuomah lawmthu Press/Media fethlengin an hril bawk.

April 24, 2015 ni hin a hnuoia hmun hran hran suklanga um hai hi hawngna hunser hmang anih.
1. SDO/BDO Office Buildings: Samulamlan
2. SDO/BDO Office Buildings: Sangaikot
3. 33/11KV Power Sub-Station: Sangaikot
4. SDO/BDO Office Buildings: Saikot
5. TD Block Office Buildings: Lanva
6. TD Block Office Buildings: New Lamka
SDO/BDO Office Buildings: Tuibuong. 

- Alan Famhoite.