Hmasawnna Thar | 18 April, 2015

Tuolsung:

Jt. Student Union in bomb puok dodalnain rally an nei

CCPur: April 12, 2015 zingkara Lighthouse, CCPur­a 54Bn. BSF duty post bula bomb puok dodalnain zanikhan  CCPur­a  Student Organisation  4­  ZSF GHQ, KSO, HSA Jt. HQ. CCPur le MZP Manipur hai hmalaknain joint students union han Public Ground, CCPur­a inthawk DC, CCPur Office chen  lampui hrawna (rally) an nei. Rally­a hin CCPur khawpui sunga school tum tuma Class IX le a chungtieng inchuklai hai an \hang. 

    

T. Lalkhohao Haokip, President, KSO/CCPur chun DC Office­a hin DC a lo umnaw leiin student Organisation 4 hai aiawin T.K. Simte, MCS, Asst. Commissioner to DC/CCPur kuoma pek ding  Memorandum an hlan. T.K. Simte chun non­violence a student hai hmalakna chu lawmum a ti thu a hril a, District Administration khawmin mipui umna hmuna bomb sukpuoka um chu a dem hle thu  hi huna hin a hril.

    

Memorandum­a hin CCPur khawpui sunga inremna le muongna suksietna dinga vawikhat chau khawm ni lo bomb sukpuoka a um hlak an dem thu, Security thua Dist. Administration, Public  han  Security Interface an neizo ni tlawmte hnunga bomb sukpuoka um an hrietthiem naw thu an zieklang a. Tuta hnung inremna le muongna sukse thei dinga bomb puok a um nawk tanawna dinga District Administration le Security hai hma la dinga an ngenna hai an zieklang bawk.

TT Zuola in OC Parbung

CCPur:  Inspector T. Tlangthangzuol @ T.T. Zuola  chun  OC  Parbung Police station dingin a joint bakah  Inspector SK. Haomang chun OC Thanlon PC dingin a zawm.  Inspector  SK. Haomang hi OC/Chalwa PS a inthawka hung le TT Zuola hi CID Spl. Branch­a inthawka hung a nih.

    Hieng laizing hin  SP/CCPur chun  Lunkhoseh Lhouvum OC/Parbung  chu Inspector   CID (SB) chel ding le Dongkholian Misao, OC/Thanlon  chu Chalwa PS OC chel dingin a released.

Farmers training on Farm Water

CCPur:  Dist. Horti & Soil Conservation  Officer/CCPur hmalaknain zani 9:30AM a inthawk khan Hiangtam lamka, PTC Conference Hall­ah “Two Days Farmers Training program on ‘On Farm Water Management” \an a ni a, training hi NK. Paite, Dist. Hort. & SC/CCpur in a hawng a. Oct. - March thla dry session sunga Micro Irrigation chi 2­ Spring Kler Irrigation le Drip Irrigation hmanga thlai hai tui pek a pawimaw thu, Central Govt. chun Micro Irrigation  hi a ngai pawimaw  leiin an chawkna dingin 50% a hung pek a, state in 10%  le beneficiaries han 40%  chau an tum a, sum hi company­a deposit zovin M/s Wahengbam Irrigation Enterprise, Langathel, Thoubal in Jain Irrigation System, Maharastra state le \hangruolin beneficiaries hai kuoma hmangruo a pek hlak a nih tiin a hril. Traning sung hin Neihsial,HDO/CCpur; W.Jadumani Singh of M/S Wahengbam Irrigation Enterprises, Langathel, Thoubal Dist; S.Shyamjai Singh, HDO/CCpur; M.Jugindro Singh, AE (Hort & SC)/CCpur; H.Bisheswar Singh, HDO/CCpur  hai resource person in \hang an tih.

Kabir Puraskar Award hni thei

CCPur:  Kabir Puraskar Award 2015 dawng thei ding hai ta dingin May 13, 2015 chenin DC, CCPur Office­ah application peklut thei  ning a tih tiin DC, CCPur chun inhriettirna a siem.  Award hi Grade pathuma \he a ni a, Grade­I ah Rs 2 Lakhs, Grade­II ah Rs 1 Lakh le  Grade­III ah Rs 50,000/­ a nih. Hi Award hni thei ding hai chu hnam buoina leia mi hringna le ro thil hai sanhimna dinga  sinthawtu, India mi nina nei hai ning an tih. Thu chieng lem DC Office­a hin hriet thei ning a tih. Hi  Award hi civil mi nilo, Armed forces, Police forces, Fire Service le Govt. servant hiengang  tiengpanga inhni thei ding hai khawma hnina peklut thei ni bawk a tih.

Free Medical Camp nei

CCPur:   Zanikhan  Health Minister Phungzathang Tonsing chun New Lamka­a a chengna in, Salem House­a Mrs (L) Chhungi Memorial Park­ah  (L) T. Chhungi Memorial Free Medical Camp a hawng. Hi huna hin Mrs (L) T. Chhungi sunna hun minute khat sung Rev. B. Luaichinthang inrawinain  hmang a ni a, \awng\aina a nei bawk. Hi huna hin Minister le a nuhmei Sangte  le VIP le officials han candle an sit var bakah VIP han Chhungi thlanlungah par inhlanna an nei.

    

Health Minister chun hiengang Free Medical Camp hi follow­up nain vawi 1 la nei nawk tum a ni thu, hi camp­a \hang damnaw han damna an hung chang ngei a ditsak thu a hril. Free Medical Camp hi Directorate of Health huoihawtna hnuoia nei a ni  a,  Imphal­a inthawk Dr O Ibomcha, Director Health Services, Dr. Rajo Singh, Director Family Welfare le Dr Lokendro Singh, Director Ayush hai inrawinain doctors 20 chuong an hung a, anni lai hin Ayush doctor 10 an \hang a. CCPur district­a inthawk CMO/CCPur inrawinain doctor le Nurse \hahnem tak an \hanga, damnaw hai enin damdawi a thlawnin an sem.  Free medical camp a hin  ENT, EYE, Ortho, Skin, Medicine, Surgery, Paediatric, Dental le  Gyanea  hai a um  a, doctor han mi sangkhat chuong an en.

Thuro March, 2015 issue

CCPur:  Hmar Literature Society Journal THURO, March 2015 Quarter issue a suok n^wk tah. Tui\haphai kuom s<nga umhai ta dingin  Ralsun’s Store, (H Zaneisang’s Building) Rengkai; B A Thang Store, Sielmat; Eljai Store, Tiddim Road ; T K Medico, Tiddim Rd Opp UBI le Huoni Store, Khawmawi haia hmu thei ning a tih.

Manmasi Digest a suok nawk tah

CCPur: March­April, 2015  issue  Mammasi  Digest chu a suok nawk ta a, a zawrna hmun le Agent­hai kuoma inthawk  hmu le inchawk thei nawk a ni tah.

Edn. (S)­ah Joint meeting

CCPur:  April 18, 2015 (vawisun) hin Department Officials han Directorate of Education (S) Manipur, Imphal hmuna Manipur state sunga ZEO hai, DI of School Independent Charge  hai joint meeting neipui a tih. Hi ding le inzawm hin ZEO/CCPur chun zanikhan DI of  School hai meeting a neipui.

UZO Intellectual meeting

CCPur: Vawisun 10:00AM hin Zogal Hall, Zoveng­ah  UZO Intellectual meeting­cum­discussion program um a ta, UZO President  Chinlunthang le Kapsuanlian, MSW bakah Gouzalal Tungnung, VC, UZO han thuhrilna nei an ta, thu pawimaw tum tum hriltlang ni bawk a tih.

Headline:

Governor thar dinga hril rik hai lai Najma Heptulla le Yashwant Sinha hai an \hang

New Delhi: Tu tak hin India ramah Governor sin 9 le Union Territory pakhatah Lieutenant  Governor sin a ruok mek. Governor sin ruokna state­hai laia 5 hai chu Congress sawrkarna an ni a, chuonghai chu Assam, Himachal Pradesh, Meghalaya, Mizoram le Manipur hai an nih. Governor sin ruokna state danghai chu Bihar, Tripura, Telangana le Punjab hai an nih. Bihar a hin JD(U) party in sawrkarna an chel a; Tripura ah Left Parties han sawrkarna an chel a, Telangana ah Telangana Rashtra Samithi (TRS) in sawrkarna an chel a, Punjab a chun Akali Dal le BJP inkawpin sawrkar an chel. Chun, Puducherry a khawm Lieutenant Governor sin a ruok.

    

Governor thar ding hai ruotna le an hming puonglangna chu tuta inthawk haptakar khat sunga nei ni dingin official thusuok chun a hril. Ramdanga inzin PM, Narendra Modi chu vawisun hin New Delhi a hungtlung nawk ta ding a nih. PM ramdang inzin hungtlung pha leh Governor thar 9 le Lieutenant Governor pakhat hai hming hi sawrkar thlungpuiin rel felin a puonglang ding niin official thusuok chun a hril.

    

Governor thar 9 ruot dinga hril rik hai lai Union Minister of Minority Affairs (cabinet) ni lai mek, Union Minister hlui le BJP \huoitu hlun Yashwant Sinha,Delhi BJP \huoitu hlun Kabindra Purkayastha, General V.P. Malik le Arun Sathe hai an \hang. Prime Minister’s Office (PMO) chun Assam Governor dingin Army Officer hlui annawleh political background nei \ha ruot ding a la rel fel nawh.BJP in beiseina insang tak a neina state Assam a hin Muslim hai vote lak theina dingin Najma Heptullah ruot a ni el theia hril a nih.

    

Tuhin West Bengal Governor Keshari Nath Tripathi  chun additional charge in Bihar, Meghalaya le Mizoram Governor hai a chelsa mek a; Nagaland Governor Padmanabha Acharya chun additional charge in Assam le Tripura Governor hai a chelsa a; Haryana Governor Kaptan Singh Solanki chun additional charge in Punjab Governor le Chandigarh Administration a chel a; Rajasthan Governor Kalyan Singh in aditional charge in Himachal Pradesh Governor sin a chel a; Uttarakhand  Governor K.K. Paul in aditional in Manipur Governor a chelsa a, Andhra Pradesh Governor ESL  Narasimhan in Telangana Governor khawm a la chelsa mek a; Andaman & Nicobar Island Lt. Governor, Lt. General (retd) A.K. Singh in additional in Puducherry Lt. Governor sin a chel bawk a nih.

Imphal:

ADCs 6 hnuoia MDC election June 1 ­ah

Imphal:   Zanita CM O.Ibobi  Singh inrawina hnuoia CM conference  Hall­a Cabinet meeting chun  May 30, 2015 a Manipur tlangram biela Autonomous District Councils (ADCs) 6 hnuoia Cabinet meeting chun May 30, 2015 a nei dinga ti chu June 1, 2015 a nei lem dinga sawn hlat a nih. June 1, 2015 zing dar 7 a inthawk zantieng dar 4:30 chenin vote thlak thei ning a tih. May 30, 2015 hi Christian­hai ni pawimaw pakhat a ni leia inthlang hun hi sawn a nih tiin Education Minister le  Govt. Spokesperson M. Okendro chun zanikhan Chanchinbumihai kuomah a hril.

    

May 30 hi  Seventh Day Adventist hai ni pawimaw pakhat a nih.  Re­poll thaw \ul a um chun June 6, 2015, 7AM­4:30PM inkar sungin nei ning a tih. Vote tla hai tiemna June 10, 2015 a \an ning a ta, ADC lection process po po June 17, 2015 chena zo fel dinga ti a nih.  (with input from UNA)

Imphal­Moreh Road­ah Bandh

Imphal:  1st Manipur Rifles a Rifleman Laita Wanoireng Aimol (30) of Unapal Village, Chandel District thina le inzawma lungsen le lungawilo Unapal Village, Chandel District khaw mipui chun vawituk (18/4/2015) zing dar 6 a inthawk hun tiemchin um lovin Imphal­Moreh Road­ah Bandh an thaw ding thu an puonglang. Unapal khaw mipui chun Laita Wanoireng Aimol thina thuah thudik suisuoka puonglang ni raw seh ti ngennaa bandh hi an thaw tum niin an hril.

BJP National President a hung inzin ding

Imphal:  BJP National President Amit Shah  April 18 le 19, 2015 haia Imphal­ah a hung inzin ding leiin Bus le Winger hai chu BJP Office bul hnai Keishampat ah an innghat phal ninaw nih tiin Police  chun thusuok an siem.

MLA chengna inah pension sum

Imphal:  Zanikhan Sagolband A/C MLA R.K. Imo Singh chengna Inah hi biel huop sunga um Old Age Pensioner­hai kuomah an Old Age pension sum Social Welfare Department thawktu han an sem a, Green, White le  Black Card nei mi 350 velin tar pension sum hi an lak.

Others:

Darkar 2 sungin simkhawlei vawihni

Guwahati: Zani zingkar khan Assam state­ah darkar 2 sungin Simkhawlei vawihni an hning. A vawikhatna hi zing dar 3:35 in an hning \an a,  seconds 7 sung an hning a, a hrat dan chu richter scale 4.8 a nih. A vawihnina chu zing dar 5:50 in an hning nawk a, a hrat dan richter scale 3.8  niin Met. Department thusuok chun a hril. April 9, 2015 khan Sonitpur, Assam le West Garo Hills Meghalaya haiah  3.1 le 2.8 richter scale a hratin a lo inhning ta bakah  April 12, 2015 khan Chandel, Manipur­ah 3.5 richter scale a hratin simkhawlei a lo inhning ta bawk.

MP Governor ngenna pawm pek

Bhopal: Madhya Pradesh Governor, Ramnaresh Yadav in Professional  Examination Board (PEB) le inzawma case a nei sukbo dinga Madhya Pradesh High Court a ngenna a siem chu zanikhan Madhya Pradesh High Court in a pawm pek hri. Ramnaresh Yadav hin (PEB) in Forest Guard sin a laknaah candidates 5 a recommended ti leia Special Task  Force (STF) in case an siem khum a nih.

Sawrkarin vuongna chuongman Rs. 500­600 crore a bat

New Delhi: March 31, 2015 chen khan   sawrkar thlungpui chun Air India kuomah Vuongna chuongman Rs. 500­600 crore a bat niin offiial thusuok chun a hril. Vuongna chuongman bata um hi VVIP hai inzinkuolnaa an hmang a ni a, a hmang rawn tak le bat  hau tak chu Minister of Home Affairs le External Affairs Ministry hai  nia hril a nih. Air India hi kum 2012 a kha UPA sawrkar \hangpuinaa hung ngirsuok nawk a nih. UPA sawrkar chun a hung ngirsuok thei nawkna dingin Rs. 30,231 crore zet a pek a nih. December, 2014 chen khan chu Air India in sum hlawk  Rs. 14.6 crore a hmua hril a nih.

Ram Sai in pasal 1 a sir hlum

Udhamgamandalam: April 15, 2015 zan dar 10 vel khan A.Vijayakumar (38) chu Nilgiris a Nelliyalam khuoah ram Sai  helin a sir hlum. Vijaykumar hi TANTEA Company a thawk, a zan duty zo hnung in pana a fe laia ram Sai  hi a tuok a nih.  Forest Department  chun  a sunghai  kuomah zangnadawmna Rs. 3,00,000 an pek. Thla 3 liemta sung khan Nilgiris Hills a hin Sakei le ram Sai   in mi 5 zet an lo that ta bawk niin Forest officer chun a hril.

A ngaizawngnu hnar a at bawng

Patna: April 15, 2015 zan khan Bihar state a Siwan district a cheng Md. Azharuddin chu a  ngaizawngnu hai inah a va fe a, a ngaizawngnu hi a khat chauin a lo um leiin innei pui dingin a fiel a, a nuomnaw leiin a suollui bakah a hnar a at bawng pek niin Police han an hril. Tlangval dangin an dit ta nawna dinga a hnar hi a atbawng pek niin Azharuddin hin a mantu Police  hai a hril. A hma chun hieng nunghak le tlangvalhai hi innei dinga inhuol ta, sienkhawm nunghaknu le a sung han Azharuddin hi nungchang \halo a nih  ti an hriet leia innei an \hulpui nawk niin Police han an hril.

ISIS a inthawka vauna lekha

Chennai: DGP, Tamil Nadu Office le Chennai Press  Club  han kap dinga vauna lekha  le haptakar thara Chennai khawpuia bomb sukpuok dinga in­\hina April 15, 2015 khan ISIS pawla inthawk an hmu a, Police han uluk takin an suizui mek niin Police thusuok chun a hril. An vauna lekhaa chun, “Chennai ah hrietchieng RSS active terrorist 50 an um a, hienghai laia 10 bek kan kap hlum ding a nih” ti an ziek.

Forest Guard ram Saiin a that

Bankura: April 16, 2015 khan West Bengal state a Bankura district sunga Ongda Reserve Forest ah  Forest Guard, Swapan  Bauri (50) chu an In pana Cycle­a a fe laiin  ram Sai an tuokpui thut a, Sai hin a that. A ruong hi a sunghai kuomah pek le zangnadawmna Rs. 1,25,000 pek a nih tiiin Ayan Ghosh, DFO, Bankura chun a hril.

Masarat Alam Bhat man a nih

Srinagar: Hurriyat Conference \huoitu Masarat Alam Bhat a chengna in, Zaindar Mohalla Tankipora Habbakadal hmuna House Arrest­a sie chu zani hmasa zan sawt hnung khan Police han an man. April 15, 2015 nia  Srinagar hmuna rally an nei huna Pakistan flag a keiphar leia man a nih.

Kel thillim ziek USD 40 peiin

Washington: USA  rama Albuquerque Botanic Garden, New Mexico a um Kel pakhat chun a hmurah brush se putin milim a ziek ve thei. A milim ziek hi US dollar 40 peia zawr a nih. Hi kel training petu chu Kristin Wright a nih.  Kel in milim a ziek lai hi mi tam takin an hmu nuom leiin an va en hlak.

Jayalalitha bail hun suksei

New  Delhi:  Tamil Nadu CM hlui J.Jayalalitha bail­a a suok hun chu zanikhan Supreme  Court in May 12, 2015 chena dingin a suksei nawk. Jayalalitha hi Rs. 66 crore hmang indiklo tia Karnataka High Court  in kum 7 lungin intang dinga thiemnaw an changtir, bail­a suok mek a nih.

Pasal 1 rangkachak 3.5 kg leh man

Kozhikode: Zani hmasa khan  Abu Dhabi a inthawka Air  Etihad flight a hung vuong Safvan Thayyil chu Karipur Airport, Kerala hmuna Air Customs Intelligence officials han rangkachak 3.5 kg, Rs. 95 lakh manhu leh an man. Safvan hi Thaliparamba, Kannur district a um a ni a, rangkachak hi Emergency Lamp sunga a thupruk a nih.

----------------------------------------------------------------------------

VAWISUN THUPUI

Lungril le inngaihlut leia iengkhawm thaw loin, mi tinin inngaitlawmtakin mani nekin mi dang \ha lemah ngai seng raw hai se. Philippi 2:2

Editorial

Overdraft hun kha ngai a um naw ie, ei tuok nawk el dim maw!

Manipur state sawrkar ngirhmun a \ha nawh ti chu ei Chief Minister \awngbau le ei state sawrkarin fund laksuok khap hmakna order an suo haia inthawk hin hriet  theiin a um. Fund laksuok thei lo ding hai lai hin State Plan, Non­Plan, CSS/CPS etc hai a \hang. Amiruokchu, sawrkar thawktuhai le pensioner­hai hlaw ding, loan thungna ding, sum pung pekna le power inchawkna ding sum hai ruok  chu hi khapna hin huom sa naw nih ti a hnungin Commissioner (Finance), Government  of Manipur in April 13, 2015 khan official Order an suo nawk. Fund laksuok  khapna lei hin Manipur sawrkar hnuoia thawktu le pensioners han an hlaw an lak intak pha niin an lang.

      

Manipur sawrkar sum ngirhmun hrie hai chun Overdraft ngirhmun hnai takel niin an hril a, an dik ngei khawm ring a um. Ei state sawrkar sum ngirhmun hi a se takzet a, a sen (red) a kawk ta niin an lang. Ei Chief Minister meu khawma VDF hai thil ngen hi a awm a, nisienlakhawm, ei sum ngirhmun \ha naw leiin tuel hin chu an thil ngen sukpuitling thei a ni nawh tiin mipui hriet thei dingin a puonglang hiel a nih.

      

Plan sum hi hmasawnna sin thawna ding a ni a. Central in a mi pek cheng zakhat peia chengsawm chu ei state sawrkarin sie a laka inthawka ei tum ve ding a nih. Scheme \henkhata chun hi neka tam  tumve a ngaina khawm a um hlak. Zaa sawm chau khawm  ei tum ve thei naw leia ei dawng zat ang sum ei dawng theinaw pha a um rawp hlak. Hi lei hin Manipur state sawrkarin sum ngirhmun siem \ha dinga theitawp takmeu a suo a \ul a nih.

      

Ei state sum ngirhmun hi  siem \hat a ninaw chun sawrkar thlungpui (Central Government) a inthawk fund (sum) hung naw nih. Fund a hung naw chun hmasawnna sin ei thaw  theinaw ding  chau ni lovin sawrkar thawktuhai le pensioners han an thla hlaw lak ding nei lovin um an ta, Manipur mipui  rimsik dingzie chu hrilin a sieknaw ding a nih. Sawrkar thawktu han an hlaw an lak theinaw pha chun mimal, kohran le pawl tum tum hai khawmin ei tuor ngei hlak. Hi thil hi ei tuok nawna dinga ei state sawkarin takchapa tia \hang a lak a \ul takzet a nih.

      

Ei state in overdraft ei tuok ta hlak a, overdraft hun kha ngai a um naw hle. Ei hriet seng angin state sawrkarin a sum nei bak lasuoka sum a hmang pha pha Overdraft hi a hung um hlak a nih. Overdraft­a ei um lai khan sawrkar thawktuhan thla 3/4 a zawnin an hlaw an lak theinaw a, ei rimsik dan kha ei la hriet seng ring a um. Khang hun laia News item pawimaw takel, mitinin ei ngaiven chu hlaw  lak theina ding sawrkarin Order an suo kha a nih.

    

Financial Year huna khan a che thei hai chun a tawm a telin sum an lak a, kha ra le a nghawng kha tuhin ei hung tuok ding niin an lang. Financial Year huna a box box­a Bank­a inthawka sum lasuok hai khan Overdraft hung um sienkhawm harsa naw nihai. A harsa ding chu mipui ei nih. Overdraft inumtirtu chu tu am a na? Annawleh tuhai am an na? A dawnna ding chu mani sengin ngaituo el ding a nih. Overdraft kha  ei dit lo le ngailo a nia chu ei state hin a hung tuok el dim maw!