Responsive Ad Slot

Swine Flu

Sunday, March 1, 2015

/ Published by Ralsun Hmar
~  Dr.Rebecca Sinate, MBBS, MCH (Delhi)
TI-TL & Team Leader NERO ( In-charge)
NACO North East Regional Office,
Ministry of Health and Family Welfare



India ram in tulaia natna a thawhla emem chu ‘Swine flu’ (H1N1) hi anih. Punjab, Jammu & Kashmir, Delhi, Haryana, Rajasthan, Gujarat le Telengana state hai ah a zuol kai bik. Test a positive popo chu 15000 vela record an tah. Test lo ringhla tamtak hieng state le hmun danga khawm um dinga ring anih. Hospital record dungzuia thi (dead) chu mi 784 an nih. (Date 23/02/2015)

“Swine Flu” natna hi H1N1 influenza virus lei a ni a, hi virus hi mihriem inthuokna system (respiratory system) natna intlun tu laia pakhat a nih. In kai a awl em em.

Inkai dan:
“Droplet infection”- inkhul pha a mihriem thuok, chil le hnap put, hmai intawn le hnai deua inbiek huna hai hin inkai a awl bik.

Abikin hi natna hi naupang, nuhmei inrai lai, zunthlum invawi, cancer invawi le ei taksa a natna dotu (immune system) chau hai hin an kai awl bik.

Symptoms ( natna inlang dan):
· khuosik insangthut (> 100 degree fahrenheit)
· Lu na (headache)
· Inkhul
· hnap put
· hnuk na
· chau ngawi ngawi
· bau inhnik lo
· sungkhaw
· Thuok insam

Inveng dan ding: 
Inkhul phat leh romola hnar le hmur hup ding, hmai, hnar le mithai them ngun lo ding, mobile, phone, laptop etc ei tawk ngun bik deu hai inhmang tawm lo ding, kut sabawn a sawp ngun ding, mipui pungkhawmna lai fe tam lo ding, bu regular deuva fak ding, in that ding, chun mani le mani insuksawl taluo lo ding nih.

Swine flu invawi hai chun hnar le bau tuom ngei ngei ding, chun athei phawt chun midang kai inveng na dingin, insung a um a tha.

Inenkawl dan ding: 
Hi achunga natna inlang dan hai hi nei ani chun doctor pan vat a tha. Ngaitha lo ding a nih. Thisen test thaw a swine flu natna hmusuok a ni chun antiviral damdawi- Oseltamivir ( Tamiflu) Zanamivir ( Relenza) ti hai hi inchaw a ni deu tak. Mani nuom thu a fak lo ding, doctor hai rawn ngei ngei ding a nih.

Swine flu a inthawka invengna dinga inkapna vaccines- Influvac, Fluarix, Vaxigrip, Agrippal) hai khawm a um. Hi invengna hai inkap ding khawmin doctor rawn a tha.
Don't Miss
© all rights reserved
made with by Simon L Infimate