Responsive Ad Slot

1st Assam Ethnic Festival 2015 ah Diphu Hmar hai thang ve ding

Friday, March 13, 2015

/ Published by VIRTHLI
Diphu, March 13, 2015: Karbi Anglong District Administration le Karbi Anglong Autonomous Council hai huoihawt 1st Assam Ethnic Festival 2015 chu vawisun KPH, Taralangso, Diphu bulah nei tan a nih. Hi festival hi Assam Tourism Department sponsorna hnuoia nei a ni a, March 16 chen aw dinga riruong a nih. Hi festival a thang ding hin Assam sunga tribal le non-tribal hnam 30 laizet fiel an ni a, hnam tin haiin an hnamthuom le thildang dang an suklangna ding hall pek seng an nih. Hi festival a hin cultural programmes, traditional fashion show le seminar hai nei ning a tih.


Hi huna thang ding hin Hmar khawm fiela an um ve angin hnam lam le chidang dang hai hung tlung ding tarik 14 le 15 khin Hmar Cultural Society ,Diphu inrawina hnuoia nei veng an tih.  Ethnic Miss Contest a Hmar hnam aiawa suok dingin nunghak hmeltha Lisa Varte of Diphu chu thang ve dingin ansingsa mek bawk a nih.
Don't Miss
© all rights reserved
made with by Simon L Infimate