Interview with Irin Lalrempui Khawral

INTERVIEW WITH IRIN LALREMPUI KHAWRAL (Top-1, Cultural Show, Guwahati University)

VT: Guwahati University (GU) huoihawtna hnuoia Cultural Show ah pakhatna I lak ti kan lo hriet le inruolin Virthli Team chun kan lawmpui takzet che a; hi le inzawm hin hun tawite inpawlpui che kan nuom a, i remchang thei ding am?

Irin: Remchang naw um lo e, in mi lawmpuia kei khawm ka lawm taluo.

VT: A hmasataka dingin, I hming tha, DOB, in sungkuo – I nu le pa, unauhai hming le in khuo I mi hril thei ding am?

Irin: Ka hming tha chu Irin Lalrempui Khawral a na, Ka Pa Stephan Khawral, chun ka Nu chu Lalmalsawm Khawral a nih. Kei hi a upatak ka na, sang pathum ka nei- Nehemia Khawral, Rakil Khawral le Eldad Khawral. 5^th April, 1993 khan ka peing a, Kan khuo chu Electric Veng, Haflong a nih.

VT: Guwahati University a hin iem inchuk ve a tutak hin?

Irin: MA (History) 2^nd Semester inchuklai mek ka nih.

VT: GU a I kai hma hin khawlai lai am inchukna hai I mi hril thei ding am?

Irin: Matric kha CHT Synod, Haflong a’nthwk ka pass out a chun, Degree kha Hendique Girls' College, Guwahati a’nthawk ka zo ve.

VT: Anle, tuta GU Cututlral Show hi kum tina an lo thaw hlak hrim ani am? Ani chun an organize dan a tlangpui i mi hril thei ding am? Selection process iengtinam an thaw hlak? Participants hi ieng ang am an um hlak a?

Irin: Cultural Show hi kum tina an thaw hlak hrim a nih. Selection process hranpa a um chung nawh, hnam thuoma in-elna a nih. North East sunga hnam dang dang hai an participate hlak a, a tam lem chu Assemese an ni hlak.

VT: Hi competition a hin nang i nuom thua thang I ni am, annawle a phuttu che an um lei? Tuta ang hlawtlingna chang hai hin state/national level a show a hai dam hamthatna (privellege) hmu theina an nei am?

Irin: Ka ti ang khan, hnam thuoma in-elna a nih a, kei khawm ei Hmar hnam thuom a mawi zie mihaiin hmu hai sien ka nuom leia ka present ve a nih. Guwahati University representna thei ding a um chun chance tha tak a ni ka ring.

VT: Competition a i suok hlim lai khan lawmman lak in ringna i nei hrim hrim am? Hi show a ding hin an cheitirtu/designer dam I nei am?

Irin: Inringna chu ka nei tho a chu, first em hi chu ka lak kan beisei hran nawh. GU a eini mi, inchuklai um haiin an min cheitir a nih.

VT: 1st i lak i hriet char khan iengtinam i um a?

Irin: Ka hming an hung puong char khan ka chanhai khawp el, ka mang ka sawn vel el a ni tak! Ka lawm bawk si, umdan ding tak khawm ka hriet nawh, ka lungphu dam a hung inrang vel el, hahaha...

VT: I hlawtlingna thuruk i mi hril thei ding am?

Irin: Huoisenna le confidence mi petu Lalpa zar lieu lieu a nih. Chubakah, a rukte a mi lo support a thang milo lapuitu ka ruolhai zar khawm niin ka hriet.

VT: Ei traditional dress (hnam thuom) hai hi hnam dang han an mi chang pek zo pei khawm a hawi a, hi le inzawm hin iem ngaidan i nei a? Traditional dress hai humhalna ding hin iengtin am thaw inla tha i ring a?

Irin: Kei ka ngaidan chun ei hnam thuom hai hi a nal em leiin hnam danghai ngaiven le inbel nuomin a hung um tah a; anni hai chun incheina tak takin in an hung hmang pei ta bawk a, eini hai ve chun only event a inbel dingin ei ngai a, chuleiin, ei hnam thuom hi dittawka advertise a tulin ka hriet a nih.

VT: Tuta I subject History hi inhnik hrim leia inchuk ani am? Degree I lakna ding hin Dissertation dam ziek a ngai hmel a, iem present I tum lungril deu a?

Irin: TDC ka thaw ding khan ka lak tum tak Pol.Science ah seat ka hmu thei naw leiin History hi ka lak a nih. Anachu ka hung thaw pei le kan hnik deu deu pei an ta hih! Dissertation chu Paper pahni kan nei ding a na, Regional a ding chun HMAR Chanchin ziek ka tum a, International a ding ruok hi chu ka la ngaituo hri nawh.

VT: Hmar History hi oral traditions a innghat ni deu takin an lang a, ei history sukdetna ding hin ieng anga hma lak am nisien tha i ring a?

Irin: Lekhabu ziek rawn hi a pawimaw a. Chun, ei pi le puhai ei history a kimchang taka hrie la um hai khawm indawnin, mihai tiem dingin lekhabu insuo  rawn inla tha ka ring.

VT: I aim in life I mi hril thei ding am?  Tuta PG course hi i zo pha iem thaw pei i tum a?

Irin: Sawrkar sin pakhat tak ka hmu thei chun thaw ka nuom ve deu ta tho a, Teacher hi kan hnikna a na, Lecturer dam ni thei lang ka nuom. Pathien zara ka dam pei chun lan chuk zawm pei khawm ka nuom.

VT: I pasal ditzawng I mi hril thei ding am?

Irin: Thei e ah, Pathien ti mi, a mi hmangaitu le duot taka mi enkawl theitu hi ka ditzawng a nih.

VT: Anle hih! Pathien thatna zar I zo nasa bika i hmel khawm a tha in mi tamtak ngainat khawm I hlaw a, i thatna thuruk hi i mi hril thei ding? Ieng sabawn am i hmang? Toothpaste? Lipstick, etc.

Irin: Hehehe… chuong chen chen khawm chu mawh!? Thatna thuruk hranpa khawm chu a um chuong naw eh! Amiruokcu, min hmeltha an mi ti thei ding anga Pathienin a mi siem leiin ka lawm ani el. Ka soap hmang hlak chu Detol a na, toothpaste chu Colgate ka hmanga, chun Lipstick ruok hi chu Lakme a mi ka hmang hlak.

VT: Ngaizawng I lo nei ta hlak am? Inchuklai le ngaizawng nei hi an kalna i hriet am?

Irin: Aw, Ngaizawng chu nei ta tho e, hehehe... Kei ka ngaidan chun, an kalna hran khawm ka hriet chuong nawh, mania innghat niin ka ngai. Thiltum thatak ei neia, tumru deua ei thaw ani phawt chun anni a’nthawk thurawn tha tak tak khawm ei dawng thei lem a nih.

VT: Khawvela ieng ram am hmu I nuom tak a?

Irin: Israel ram hi hmu ka nuom tak. Asanchu, Isu piengna ani leiin.

VT: I hme duzawng I mi hril thei ding am?

Irin:  Vawksa le sizo hmepawk ka du tak. Hahaha…

VT: Hlasak i thiem am?

Irin: Ka thiem bek nawa chu sak cu ka sak ve hlak tho.

VT: I thalai chanpui hai thucha hril nuom I nei am?

Irin: Aw, iengkima taima le tumru taka thang lak ding, ei hmalakna tinrengah Pathien rawn le Ama thu ngai zing ding, chu chun hlawtlingna thuruk khawm a um a nih.

VT: Awleh! Buoitak kara hun remchang I mi siem pek leiin kan lawm hle, hmatieng peia khawm Pathien zara hlawtlingna tha tak hung chang zawm pei dingin ditsakna kan inhlan nghal che.

Irin: Kei khawm ka lawm taluo, Mangtha tak le…