HSSLC Exam Centre ding sukfel
CCPUR: Council of Higher Secondary Education Manipur (CoHSEM) huoihawtna hnuoia Higher Secondary Examination, 2015 hung um ding le inzawmin zani zantieng 1:00PM khan Mr Lunminthang Haokip, IAS, DC, CCPur inrawinain a office chamber-ah Churachandpur District Higher Sec. School Examination Private Centre Committee meeting nei a nih. Hi huna hin Khen P. Tombing, Principal, Rayburn College, S. Hangshing, Postmaster, Tuibuong/CCPur, Rosiemlien, Treasury Officer/ CCPur, D. Lalneithang, Rengkai Govt. Hr. Sec. School le Dr. Thangchinkhup Guite, CMO/CCPur hai khawm an thang. Private Centre Committee meeting chun CCPur District- a Hr. Secondary Examination, 2015 Exam Centre ‘A’ dingin Rengkai Govt. Hr. Secondary School le Exam Centre ‘B’ dingin Rayburn College hmang dingin an rel bakah Centre-A a Officer incharge dingin L. Ruoivel Pangamte, Associate Profesor, CCPur College le Exam Centre –B a Officer in-charge dingin Paukhankhual Tonsing, Dean of Examination, Rayburn College hai an ruot. Chun, Exam Centre A a dinga Sub-Centre dingin Sielmat Christian Hr. Sec. School le Centre-B a sub-Centre dingin Ebenezer Academy hai an suktluk bawk. DC CCPur chun a tul le pawimaw anga thangpui dingin SP, CCPur le CMO, CCPur hai inhriettirin mawphurna a pek bawk. Higher Secondary Examination hi February 16, 2015 a intahwka tan ding le March 3, 2015 a zo ding a nih. Centre ‘A’ Rengkai Govt. Hr. Sec. School-ah candidates 1174 inthung an ta, Centre ‘B’ Rayburn Collegeah candidates 860 inthung an tih.
Parade Final Rehearsal vawisun nei ding
CCPUR: January 26, 2015 nia Public Ground, CCPur hmuna District level Republic Day lawmna um ding le inzawmin zani zingkar khan Parade-a thang ding contingents han Public Ground hmuna rehearsal an nei. Hi huna hin DC/CCPur le SP/ CCPur hai thangin District level Officer thahnem tawk tak an thang bawk. Tukum Republic Day lawmna huna hin Schools 15 haia inthawk Contingents 30, Ex-Servicement a inthawk contingent 1, Civil Police a inthawk Contingents 5 le Nehru Yuva Kendra (NYK) a inthawk contingent 2 an thang ding niin ei thu dawngna chun a hril. Paradea thang ding contingents hai chun vawisun hin Final rehearsal nei an ta, zanita rehearsal-a thang lo hai chu kim taka thang seng dingin ZEO/CCPur chun an hriettir. Parade Rehearsal hi Parade Commander ding Emmanuel Fimate, SDPO, CCPur inrawinaa nei ning a tih.
DC CCPur khuollien a ni ding
CCPUR: District Administration, CCPur huoihawtnain January 26, 2015 zing dar 9:32 a inthawk khin Public Ground, CCPur-ah District level in Republic Day 2015 hmang ning a tih. Pu Lunminthang Haokip, IAS, DC, CCPur khuollien niin India hnam puonzar keipharin parade hai chibai buk a tih. Chawhnung dar 1 in DC’s Bungalow ah fiel bik hai ta dingin inpawltlangna le sunbu kiltlangna um a tih.
Dog Bite Cellah mi 139 damdawi kap
CCPUR: Churachandpur District-a Ui se inlar mek le inzawmin District Hospitala Dog Bite Cell-a chun Ui se hai damdawi inkapna nei zawm pei a nih. Zanikhan Ui se mi 139 hai damdawi kap an ni a, Damdawi kapa um hai laia 19 hai chu case thar ( 3 hai Mengte se) an nih tiin ei thu dawngna chun a hril. Ui se laka himna dingin Rapid Action Team le Medical Department chun hma nasa taka lain Ui vaitu hai khawlaia insuo zalen lo dinga inhriettir an ni a. Sienkhawm an khattawkin Ui se hi a la um zeu zing tho a nih. Khawpui sunga chun Ui invak thang hmu ding mang um tanaw hai sienkhawm, veng thenkhata chun khawlaia invak hmu an la ni a, Ui thenkhat a tlungna kei bawnga suok an um hlak bawk leiin Ui se case thar hi a la um zing nia hril a nih.
Bungkhawpui Motor Counter
PARBUNG: All India Parbung Convention le inzawmin Parbung khawsung ngeia Motor Service Counter siem dingin January 22, 2015 nia Parbung Village Authority inrawina hnuoia khawsung a Organisation thuoitu hai popo inkhawmna nei a ni a. Hi huna hin Motor service counter hawng ngei dinga relin thuoitu dingin a hnuoia hai hi ruot nghal an nih- Chairman Pu Danielthang, Secretary Pu Lalrinnghet, F. Secy. Lalthiemsang le Treasurer S. Tuothang. Chun, Parbung a inthawk Bungkhawpui (Parbung) pan nuom hai chun Churachandpur- ah Lalthlamuong Keivawm, Rengkai Vengpui (9856252063/8729906656); Parbung- Lalnisuok, Satthiek (# 9612513576) le Aizawl- Lalsangluoi, Vaivakawn Or Lalhnei, Bawngkawn hai kuoma ngaiven dingin Bungkhawpui Motor Counter thuoitu hai chun inhriettirna an siem.
Sketh Competition
CCPUR: 67th Zomi Namicum- Mithun Festival 2015 competition board hmalaknain vawisun 1:00PM hin SSA Residential School, Khominthang, New Lamkaah Sketch Competition um a tih. Competition hi L.B. Sona, Chairman, Zomi Council in hawng a tih.
Orientation an nei
CCPUR: Paite Literature Society (PLS) chun zanita inthawk khan ni 2 sung aw ding “Orientation on Paite” ti chu Dorcas Hall Mini Auditorium hmuna an nei tan.
Thingkunga inthawk a tla hlum
AIZAWL: Jan. 21, 2015 zing dar 8 vel khan K. Rosiama (64), s/o (L) Lalvuani, Chhiatlang Hmarveng chu an panthlanga Kuva hna (pan hna) lo thingkung ft. 30 vela insanga inthawk a tla thla a, ft. 30 vel an hlum thla bawk a, Serchhip Hospital panpui a ni a, sienkhawm a hliemna tuorzo lovin sun dar 12:30 velin a thi. Jan. 20, 2015 zantieng dar 5 vel khan David Zodingliana, s/o Lalduhawma, Mamit High School veng khawm Vawngva khuoa Zawngta a lo laiin changsuolin a tla thla a, a hliemna tuor zo lovin a thi bawk.
Editorial
Hmunhnawk sawngbawl
Manipur a chau ni lovin India ram pumpuia ei harsatpui em em el pakhat chu hmunhnawk hi a nih. Hi lei hin hmunhnawk sawngbawl dan hi ei buoipui a tul a nih. Hmunhnawk lakhawmtu le peihmangtu ei nei. Amiruokchu, hmunhnawk hi ei hau taluo bakah ei thethang taluo bakah ei thethang dan hi an dik naw leiin ei ram, ei khawpui, ei town le a se vel hai suktawptu chu ei hmunhnawk peihai an nih. Khawvela ei damsung hlak chun hmunhnawk bo le nei lovin um nawng ei ta, hmunhnawk hi ei hau deu deu ding a nih. Hi lei hin hmunhnawk sawngbawl dan tha tak ei ngaituo le siem a tul bek bek el a nih. Hmunhnawk sawngbawl dan hi inchuk (training) a tul a ni khawma ei inchuk a, ei inhrilhriet a tul bek bek el a nih. Churachandpur town sung le a se vela chenghai khawmin hmunhnawk hi ei harsatpui bek bek el a nih ti chu a hrietu seng ei nih. Hmunhnawk dehawnna ding thuah harsatna nasa takin ei tuok a, a chang lem chun hmunhnawk dehawn leiin pansak panthlang ei inselin ei inhal a, insuol tawk khawm an bo bik nawh.
Churachandpur town sunga hmunhnawk dehawnna le rawnnaa hmangna nasa tak le a hmunpui chu New Bazar a Bus Station sir le Lighthouse Cinema Hall bul Chiengkawn vadung hai hi an nih. Hieng hmun pahnia chenghai hmunhnawk dehawnna hi an dik naw hul huol a, hmunhnawkhai hi raw an ni hlak leiin a rim a sie a, mihriem hriselna sukse thei ding an nih. Hi lei hin District Administration, a bikin DC sap le Chairman, ADC, CCPur han hieng hmun pahnia hmunhnawk pei le raw hi hung khap hai sienla nuom a um hle. Chuong a ni naw leh a sawngbawl dan ngaituo hai sienla nuom a um.
Churachandpur town sunga ding chun Lighthouse Lane hi ngaisak hlaw lo, buoina chi tum tum tlung le suok ngunna el khelah tribe group hni han ramria an nei le hmang hlak a ni a. Amiruokchu, Churachandpur town le a se vela chenghai ta ding chun a centre tak, ngaisak le ngaipawimaw ding chi a nih. Ruo a sur chang khawm tuihawk tam taluo leia vadung tuilien ang hiela um hlak a nih. Chuleiin, District Administration in Light House Lane hi a siem that le enkawl that dan ding ngaituoin hma hung la hai sienla nuom a um hle.
Churachandpur town sunga hmunhnawk tam taluo leia town sung a suktawp le rimsie em em el sukbona dingin District Administration, tlawmngai Pawl le khawtlang thuoituhai khawmin tuta hma daia intahwk khan an lo buoipui ta hlak a; nisienlakhawm, tuchen hin a ni dan ding ang taka fepui ruok chu ei la harsa hle niin an lang. Hriltlang le a chang pova hnatlang neia sukfai ringawt hin chu hmunhnawk thua ei harsatna hi sutking ngai naw nih. Hmunhnawk sawngbawl dan tha ei ngaituo suok annawleh haptakar tina mipuiin social Work neia sukfaizie dinga hma ei lak ding ti haiah thutlukna ei siem a tul a nih.
Ei town sunga hmunhnawk el chau ni lovin ei damdawiin hmunhnawk sawngbawl dan khawm hi ennawn a, thaw dan thar ei nei a hun ta hle. Chiengkawn vadung hmunhnawk po po dehawnnaa ei hmang khawm hi sim a hun. Tuta Churahandpur khawpui sunga zingkar zata hmunhnawk lakkhawma um hai dehawnna a ei hmangna hmun hi rawut le raw khu zing a ni a. Mihriem hriselna iengangin am a la suksiet ding chu maw? Hmunhnawk hi raw ut pei lo ni ta sienla, hmunhnawk
sawngbawl dan dang fepui ei nei si naw chun, hi lai hmun hi a rimsiein boruok tha lo takel a siem suok tho ding a nih. Hi lei hin hmunhnawk ei rawhmang pei naw a, a sawngbawl dan dang ei nei bawk si naw chun, harsatna pakhata inthawk harsatna dangah ei insawn ang chau a nih tina hung ning a tih.
Thuneitu han thaw ding le thaw lo ding dan zui ding khau tak an siem a, a nina ang taka an bawzui chun, mipui tiengpangin zawm harsa ei ti nawh. Thaw ding le thaw lo ding ei thaw rawpna san chu thuneitu, sawrkarin an bawzui naw lei a nih. CCPur town le a se vela Ui invetin mi an se leia mi 13 lai an thi leiin Manipur sawrkar le ei DC han Ui thlung seng ding ti thupek an siem a, ei zawm seng el. Chuleiin, hmunhnawk sawngbawlna thua hin ei ram sawrkarin mitin zui le zawm ding dan khau tak a siem ngei le chu dan chu hmang dinga a bawzui zing hi a thaw ding makmaw a nih.
CCPUR: Council of Higher Secondary Education Manipur (CoHSEM) huoihawtna hnuoia Higher Secondary Examination, 2015 hung um ding le inzawmin zani zantieng 1:00PM khan Mr Lunminthang Haokip, IAS, DC, CCPur inrawinain a office chamber-ah Churachandpur District Higher Sec. School Examination Private Centre Committee meeting nei a nih. Hi huna hin Khen P. Tombing, Principal, Rayburn College, S. Hangshing, Postmaster, Tuibuong/CCPur, Rosiemlien, Treasury Officer/ CCPur, D. Lalneithang, Rengkai Govt. Hr. Sec. School le Dr. Thangchinkhup Guite, CMO/CCPur hai khawm an thang. Private Centre Committee meeting chun CCPur District- a Hr. Secondary Examination, 2015 Exam Centre ‘A’ dingin Rengkai Govt. Hr. Secondary School le Exam Centre ‘B’ dingin Rayburn College hmang dingin an rel bakah Centre-A a Officer incharge dingin L. Ruoivel Pangamte, Associate Profesor, CCPur College le Exam Centre –B a Officer in-charge dingin Paukhankhual Tonsing, Dean of Examination, Rayburn College hai an ruot. Chun, Exam Centre A a dinga Sub-Centre dingin Sielmat Christian Hr. Sec. School le Centre-B a sub-Centre dingin Ebenezer Academy hai an suktluk bawk. DC CCPur chun a tul le pawimaw anga thangpui dingin SP, CCPur le CMO, CCPur hai inhriettirin mawphurna a pek bawk. Higher Secondary Examination hi February 16, 2015 a intahwka tan ding le March 3, 2015 a zo ding a nih. Centre ‘A’ Rengkai Govt. Hr. Sec. School-ah candidates 1174 inthung an ta, Centre ‘B’ Rayburn Collegeah candidates 860 inthung an tih.
Parade Final Rehearsal vawisun nei ding
CCPUR: January 26, 2015 nia Public Ground, CCPur hmuna District level Republic Day lawmna um ding le inzawmin zani zingkar khan Parade-a thang ding contingents han Public Ground hmuna rehearsal an nei. Hi huna hin DC/CCPur le SP/ CCPur hai thangin District level Officer thahnem tawk tak an thang bawk. Tukum Republic Day lawmna huna hin Schools 15 haia inthawk Contingents 30, Ex-Servicement a inthawk contingent 1, Civil Police a inthawk Contingents 5 le Nehru Yuva Kendra (NYK) a inthawk contingent 2 an thang ding niin ei thu dawngna chun a hril. Paradea thang ding contingents hai chun vawisun hin Final rehearsal nei an ta, zanita rehearsal-a thang lo hai chu kim taka thang seng dingin ZEO/CCPur chun an hriettir. Parade Rehearsal hi Parade Commander ding Emmanuel Fimate, SDPO, CCPur inrawinaa nei ning a tih.
DC CCPur khuollien a ni ding
CCPUR: District Administration, CCPur huoihawtnain January 26, 2015 zing dar 9:32 a inthawk khin Public Ground, CCPur-ah District level in Republic Day 2015 hmang ning a tih. Pu Lunminthang Haokip, IAS, DC, CCPur khuollien niin India hnam puonzar keipharin parade hai chibai buk a tih. Chawhnung dar 1 in DC’s Bungalow ah fiel bik hai ta dingin inpawltlangna le sunbu kiltlangna um a tih.
Dog Bite Cellah mi 139 damdawi kap
CCPUR: Churachandpur District-a Ui se inlar mek le inzawmin District Hospitala Dog Bite Cell-a chun Ui se hai damdawi inkapna nei zawm pei a nih. Zanikhan Ui se mi 139 hai damdawi kap an ni a, Damdawi kapa um hai laia 19 hai chu case thar ( 3 hai Mengte se) an nih tiin ei thu dawngna chun a hril. Ui se laka himna dingin Rapid Action Team le Medical Department chun hma nasa taka lain Ui vaitu hai khawlaia insuo zalen lo dinga inhriettir an ni a. Sienkhawm an khattawkin Ui se hi a la um zeu zing tho a nih. Khawpui sunga chun Ui invak thang hmu ding mang um tanaw hai sienkhawm, veng thenkhata chun khawlaia invak hmu an la ni a, Ui thenkhat a tlungna kei bawnga suok an um hlak bawk leiin Ui se case thar hi a la um zing nia hril a nih.
Bungkhawpui Motor Counter
PARBUNG: All India Parbung Convention le inzawmin Parbung khawsung ngeia Motor Service Counter siem dingin January 22, 2015 nia Parbung Village Authority inrawina hnuoia khawsung a Organisation thuoitu hai popo inkhawmna nei a ni a. Hi huna hin Motor service counter hawng ngei dinga relin thuoitu dingin a hnuoia hai hi ruot nghal an nih- Chairman Pu Danielthang, Secretary Pu Lalrinnghet, F. Secy. Lalthiemsang le Treasurer S. Tuothang. Chun, Parbung a inthawk Bungkhawpui (Parbung) pan nuom hai chun Churachandpur- ah Lalthlamuong Keivawm, Rengkai Vengpui (9856252063/8729906656); Parbung- Lalnisuok, Satthiek (# 9612513576) le Aizawl- Lalsangluoi, Vaivakawn Or Lalhnei, Bawngkawn hai kuoma ngaiven dingin Bungkhawpui Motor Counter thuoitu hai chun inhriettirna an siem.
Sketh Competition
CCPUR: 67th Zomi Namicum- Mithun Festival 2015 competition board hmalaknain vawisun 1:00PM hin SSA Residential School, Khominthang, New Lamkaah Sketch Competition um a tih. Competition hi L.B. Sona, Chairman, Zomi Council in hawng a tih.
Orientation an nei
CCPUR: Paite Literature Society (PLS) chun zanita inthawk khan ni 2 sung aw ding “Orientation on Paite” ti chu Dorcas Hall Mini Auditorium hmuna an nei tan.
Thingkunga inthawk a tla hlum
AIZAWL: Jan. 21, 2015 zing dar 8 vel khan K. Rosiama (64), s/o (L) Lalvuani, Chhiatlang Hmarveng chu an panthlanga Kuva hna (pan hna) lo thingkung ft. 30 vela insanga inthawk a tla thla a, ft. 30 vel an hlum thla bawk a, Serchhip Hospital panpui a ni a, sienkhawm a hliemna tuorzo lovin sun dar 12:30 velin a thi. Jan. 20, 2015 zantieng dar 5 vel khan David Zodingliana, s/o Lalduhawma, Mamit High School veng khawm Vawngva khuoa Zawngta a lo laiin changsuolin a tla thla a, a hliemna tuor zo lovin a thi bawk.
Editorial
Hmunhnawk sawngbawl
Manipur a chau ni lovin India ram pumpuia ei harsatpui em em el pakhat chu hmunhnawk hi a nih. Hi lei hin hmunhnawk sawngbawl dan hi ei buoipui a tul a nih. Hmunhnawk lakhawmtu le peihmangtu ei nei. Amiruokchu, hmunhnawk hi ei hau taluo bakah ei thethang taluo bakah ei thethang dan hi an dik naw leiin ei ram, ei khawpui, ei town le a se vel hai suktawptu chu ei hmunhnawk peihai an nih. Khawvela ei damsung hlak chun hmunhnawk bo le nei lovin um nawng ei ta, hmunhnawk hi ei hau deu deu ding a nih. Hi lei hin hmunhnawk sawngbawl dan tha tak ei ngaituo le siem a tul bek bek el a nih. Hmunhnawk sawngbawl dan hi inchuk (training) a tul a ni khawma ei inchuk a, ei inhrilhriet a tul bek bek el a nih. Churachandpur town sung le a se vela chenghai khawmin hmunhnawk hi ei harsatpui bek bek el a nih ti chu a hrietu seng ei nih. Hmunhnawk dehawnna ding thuah harsatna nasa takin ei tuok a, a chang lem chun hmunhnawk dehawn leiin pansak panthlang ei inselin ei inhal a, insuol tawk khawm an bo bik nawh.
Churachandpur town sunga hmunhnawk dehawnna le rawnnaa hmangna nasa tak le a hmunpui chu New Bazar a Bus Station sir le Lighthouse Cinema Hall bul Chiengkawn vadung hai hi an nih. Hieng hmun pahnia chenghai hmunhnawk dehawnna hi an dik naw hul huol a, hmunhnawkhai hi raw an ni hlak leiin a rim a sie a, mihriem hriselna sukse thei ding an nih. Hi lei hin District Administration, a bikin DC sap le Chairman, ADC, CCPur han hieng hmun pahnia hmunhnawk pei le raw hi hung khap hai sienla nuom a um hle. Chuong a ni naw leh a sawngbawl dan ngaituo hai sienla nuom a um.
Churachandpur town sunga ding chun Lighthouse Lane hi ngaisak hlaw lo, buoina chi tum tum tlung le suok ngunna el khelah tribe group hni han ramria an nei le hmang hlak a ni a. Amiruokchu, Churachandpur town le a se vela chenghai ta ding chun a centre tak, ngaisak le ngaipawimaw ding chi a nih. Ruo a sur chang khawm tuihawk tam taluo leia vadung tuilien ang hiela um hlak a nih. Chuleiin, District Administration in Light House Lane hi a siem that le enkawl that dan ding ngaituoin hma hung la hai sienla nuom a um hle.
Churachandpur town sunga hmunhnawk tam taluo leia town sung a suktawp le rimsie em em el sukbona dingin District Administration, tlawmngai Pawl le khawtlang thuoituhai khawmin tuta hma daia intahwk khan an lo buoipui ta hlak a; nisienlakhawm, tuchen hin a ni dan ding ang taka fepui ruok chu ei la harsa hle niin an lang. Hriltlang le a chang pova hnatlang neia sukfai ringawt hin chu hmunhnawk thua ei harsatna hi sutking ngai naw nih. Hmunhnawk sawngbawl dan tha ei ngaituo suok annawleh haptakar tina mipuiin social Work neia sukfaizie dinga hma ei lak ding ti haiah thutlukna ei siem a tul a nih.
Ei town sunga hmunhnawk el chau ni lovin ei damdawiin hmunhnawk sawngbawl dan khawm hi ennawn a, thaw dan thar ei nei a hun ta hle. Chiengkawn vadung hmunhnawk po po dehawnnaa ei hmang khawm hi sim a hun. Tuta Churahandpur khawpui sunga zingkar zata hmunhnawk lakkhawma um hai dehawnna a ei hmangna hmun hi rawut le raw khu zing a ni a. Mihriem hriselna iengangin am a la suksiet ding chu maw? Hmunhnawk hi raw ut pei lo ni ta sienla, hmunhnawk
sawngbawl dan dang fepui ei nei si naw chun, hi lai hmun hi a rimsiein boruok tha lo takel a siem suok tho ding a nih. Hi lei hin hmunhnawk ei rawhmang pei naw a, a sawngbawl dan dang ei nei bawk si naw chun, harsatna pakhata inthawk harsatna dangah ei insawn ang chau a nih tina hung ning a tih.
Thuneitu han thaw ding le thaw lo ding dan zui ding khau tak an siem a, a nina ang taka an bawzui chun, mipui tiengpangin zawm harsa ei ti nawh. Thaw ding le thaw lo ding ei thaw rawpna san chu thuneitu, sawrkarin an bawzui naw lei a nih. CCPur town le a se vela Ui invetin mi an se leia mi 13 lai an thi leiin Manipur sawrkar le ei DC han Ui thlung seng ding ti thupek an siem a, ei zawm seng el. Chuleiin, hmunhnawk sawngbawlna thua hin ei ram sawrkarin mitin zui le zawm ding dan khau tak a siem ngei le chu dan chu hmang dinga a bawzui zing hi a thaw ding makmaw a nih.
