Ui se hai a course kapzo ngei ding a nih: Dr Singh
CCPUR: Dr O. Ibomcha Singh, Director of Health Services, Govt. of Manipur chu zani sun khan District Hospital, CCPur-a hungin tulaia CCPur District-a Ui se (dog bite) inlar em em le inzawmin thil umdan a hmuna a hung enfel a, Rabbies damdawi dose 100 hung chawiin District Hospital a hmang dingin a pek nghal bawk. Dr Ibomcha Singh chun, tulaia CCPur district a Ui se hi Epidemic condition anga um a ni leiin epidemic anga enkawl ngai a ni thu, Official taka Ui se report la hmunaw sienkhawm Chanchinbuhai fethlenga a hriet leia a hmuna enfel dinga hung a ni thu a hril. District Hospital-a doctor hai chu ‘ka sin an nawh’ ti bik lova Ui se leia hospital hung pan hai chu thangruola enkawl dingin doctors hai a ngen a.
District Hospitala Casualty-ah Special Dog Bite Cell hawng a, register tha taka maintain-a Ui se leia hung pan hai hming, address le mobile number hai tha taka record siem dingin Doctor hai an hriettir. Ui se leia Hospital hung pan hai hrim hrim mawngtam ni lovin an ban (arm) taksa ve veah dose 2 kap nghal ding, ni 7 hnunga kap nawk ding le ni 21 hnunga kap nawk ding a nih. Malpuia kap chun a thau deu thenkhat taksaa a lut zonaw leiin bana kap ding a nih tiin Dr Ibomcha chun a hril. Ui invet se hrim hrim hi ni 7 a inthawk kum 7 hnunga chen a hung inlang/tuongsuok thei leiin a course kap zo ngei ngei ding a nih tiin a hril a. Ui se hrim hrim zanita inthawk khan District Immunization Office le District Hospital Casualty-ah a thlawna kap dingin thu a pek/an hriettir. Churachandpur district-a Ui se inlar hi Official-a a hmu hun huna Epidemic a puong thei a ni thu hrilin Ui se hrim hrim hospital pana damdawi inkap dinga mipui hai hrilhriet dingin Doctor hai an hriettir bawk.
Mr Maniram Haryana tieng sawn
CCPUR: Mr Maniram Sharma, IAS, Addl. DC, CCPur chu Haryana tienga sawn a nitah. Haryana tienga sawnna Order hi zanikhan Deputy Secretary (DP), Govt. of Manipur in an suo. Mr Maniram hi August, 2010 a inthawka CCPur District-a hung um a ni a, March, 14, 2013 a inthawk Addl. DC chel, IAS a hmu hnunga CCPur District hi a posting-na hmasa tak a nih. Maniram hi MT:09 Manipur –Tripura Cadre IAS niin DoPT (AIS) division policy guidelines dungzuia Haryana cadre a sawn a nih. January 17, 2015 khin Mr Maniram hin Manipur suoksan a ta, Jan. 19, 2015 khin Haryana hmuna a sint har ding zawm a tih. Pu Michael Ginzasuan, District Supply Officer/ CCPur chun zanikhan an thlanain Mr Maniram hi Puon an siltir.
Dr Amo Bangkok-ah a cham mek
CCPUR: Dr Chaltonlien Amo, Chairman, Hill Areas Committee (HAC), Govt. of Manipur chu January 13, 2015 khan ei ram harsatna le thil dang dang hai Central-a Ministry of Development hotuhai hrilpuia intlun dingin Delhi-ah an zin a. January 15, 2015 nia Bangkok hmuna rambung dang dang inkhawmpui um huna a sin thaw that leia chawimawina Award inhlan a ni ding leiin Jan. 14, 2015, 3AM khan New Delhi suoksanin Bangkok panin a vuongsuok nawk a, tuhin Bangkok hmuna a cham mek tiin Pu Lalvullien, Social Worker chun ei Chanchinbu palai a hril.
A thlawna Ui invet damdawi kapna
CCPUR: Vawisun 11ASM a inthawk hin Pearson, K. Salbung le Muolvaiphei khuo haiah District Veterinary Office, Churachandpur huoihawtnain a thlawna Ui invet ding dangna damndawi kapna um a tih. Ui neihai po po hi damdawi hi inkaptir seng dinga inhriettir an nih. Tuchena hin hi office chun Ui 2613 damdawi an kap tah.
Sectoral Supervisor training nei
CCPUR: January 18, 2015 nia India ram pumpuia National Polio Day (NID)/ Intensified Pulse Polio Immunization (IPPI) 2015 nei ding le inzawmin zani 11:00AM khan CMO Conference Hallah Sectoral Supervisor training nei a ni a, Dr V.C. Pau, DFWO chun document tum tum fill-up dan ding hrilhrietna a nei. CCPur District-a chun IPPI booth 435 hawng ning a ta, damdawi 2872 hmangin naupang kum 5 le a hnuoitieng mi 36679 hai Zenghri (polio) vengna damdawi pek tum a ni a, Divisional Supervisor (Doctor) 19, Sectoral Supervisor 86 le Vaccinator thahnemtak duty dinga ti an nih.
Sialkal Range Devpt. Council lung hawngna
CCPUR: January 20, 2015 khin Mizoram CM Lalthanhawla chun Sialkal Range Development Council lungphum hawngna nei a tih. Hi le inzawm hin zanikhan PTC Office, Hiangtam Lamka-ah zani 11:00AM khan PTC 2nd CWC meeting nei a ni a, hi huna PTC GHQ a inthawk fe ding zat, elected MLA, MDC hai contribution sukpung dan ding le thu pawimaw tum tum an hriltlang.
Parbung Convention Souvenir
CCPUR: All India Parbung Convention (Chanthintha le Parbung) Souvenir dit hai chun Roding Pharmacy, Rengkai Vengpui-ah indawn thei ning a tih tiin Organizing Sub Committee, Tuithaphai chun inhriettirna a siem.
Promotional training
CCPUR: Female Health Workers sin thaw thla 6 sung Promotional training nuom hai ta dingin Medical Directorate, Govt. of Manipur chun huoihawt a tum a, inhnikna nei hai chun Jan. 20, 2014 chen khin Dr O. Ibomcha Singh, Director of Health Services kuoma application peklut thei ning a tih.
Editorial
Indemna le insawiselna hi
Indem le insawisel hi a tha nawh ti chu mitinin ei hriet seng. Amiruokchu, mihai felna le thatna tiengpang hril nekin an felnawna, an thatnawna le an tlinnawna tiengpang hai hi ei hril nuom lem tlat el. Hi hi mihriem hai ei suolna tak a nih. Suol inti naw inlakhawm ei thatnaw lei le ei suol leia indemna le insawiselna tawngbau hi ei saksuok hlak a nih. Mifel famkim le mi tha famkim ni inla chu indemna le insawiselna tawngbau hai hi saksuok ngai nawng ei tih. Ei Bible khawmin “sawisel naw ro, sawisela in um nawna dingin” tiin a min chuktir a, nisienlakhawm a zawm ei um der nawh.
Sawiselna le indemna lawm taka dawngsawng thei chu ei tam naw hle ring a um. Sawisel le dem ei ni hin ei dawngsawng danah a takin amani, lungsenin amani, lawm takin amani ei dawngsang a ni thei. Hienganga a dawnna lak dan ei thlangnaa hin ei thaw fuk naw chun thil pawi tak tlung thei a ni leiin insumtheina nei a tul em em el. Ngaituona sei tak nei hman lova lungsen a lak nghal chu a thapa tak a ni nawh ti chu ei lungrilin a hriet a, sienkhawm mani le mani inthunun zo naw leiin lungsen a lak chu ei fe dan tlangpui niin an lang.
Sawiselna le indemna hai hi sut chieng tum tieng ni lova, a theida zawnga ei lak chun, a tira chun thiem ei chang a ni el thei, huoisen khawm ei inti a ni el thei; nisienlakhawm a hnunga chun a mi sawiseltu le a mi demtu le ei inkar kha kar lien tak ei siemin ei lo sukchat der a ni el thei. Chun, a mi sawiseltuhai kha ei hotuhai an lo ni lem chun, invet taka ei lak chun a man ei chawi tam phien el thei a nih.
A lungawinaw le a lungsen zawnga dawnna ei lak khawmin mani ei inhrem thlawn mei mei a ni thei. Ei lo dawngdawng dan kgha a hriltu tum dan a lo ni naw thei bawk. Chuongang chun, pawnlang taka hril satlie mei mei lem kha ei lo lak thu takin, na ei ti kha a tum tak, ei tuor thlawn el thei bawk a nih. Hieng a ni chun a mi sawiseltu le ei inkar kha ei sukhla sawt tina ang hung ning a tih. Sawiselna lawm taka dawngsawngtu chun midang hai ang bawkin a thaw dik naw thei a nih ti an hriet hlak. Mitinin fel nawna ei nei seng a, ei fel nawna le tlinnawna tam tak hi mani chun ei inhriet chieng tawk naw chawk hlak. Chuleiin, sawisel ei ni hin, “ ka lo thaw dik naw am a ni ding maw? tiin insut let inla a tha lem a nih. A hnunga dingin ei thawfuk lem dai thei a nih.
Hiengang hin sawisel ei nina kawnga hin hienghai hi hriezingin ngun takin ngaituo hlak inla a tha hle ring a um. Mi tukhawm hi mihriem seng ei ni a, sawisel le dem naw tawp ding khawpa fel ei um nawh. Sawisel naw le indem naw dinga inngaina tak hi sawisel le dem tul nina lem a nih, iengti kawng zawng khawmin ei fel famkim naw ding a nih ti inhriet a tha.
Mihai mi sawiselna le demna hai hi mani nun siemna lampuia thangpuina hlu tak a nih ti hrietthiem a tha. Ruol iemznizat hai laia ei fel nawnaa mi sawisel nuomtu taphawt kha ei laka inhawng an ni nuom lem. Sawiselna chu totawka dawngsawng a, mani insut let hi thil fe dan indik le fuk lem a nih. Dawnna innemin lungsen a sukre an ti angin, “ I mi sawiselna chu an dik el awm de e,” annawleh ‘ mi thangpui i nuom ti ka hrietthiem khawp el’ ti haiin dawn lem el rawh. A sawiseltu ngirhmuna hang umla, inhmu fie lem el thei. An mi sawiselna an dik a ni chun, insiem danglam phanaa hmang hin hlawkna le thatna an tlun am? ti dam ngaituo ding a nih.
CCPUR: Dr O. Ibomcha Singh, Director of Health Services, Govt. of Manipur chu zani sun khan District Hospital, CCPur-a hungin tulaia CCPur District-a Ui se (dog bite) inlar em em le inzawmin thil umdan a hmuna a hung enfel a, Rabbies damdawi dose 100 hung chawiin District Hospital a hmang dingin a pek nghal bawk. Dr Ibomcha Singh chun, tulaia CCPur district a Ui se hi Epidemic condition anga um a ni leiin epidemic anga enkawl ngai a ni thu, Official taka Ui se report la hmunaw sienkhawm Chanchinbuhai fethlenga a hriet leia a hmuna enfel dinga hung a ni thu a hril. District Hospital-a doctor hai chu ‘ka sin an nawh’ ti bik lova Ui se leia hospital hung pan hai chu thangruola enkawl dingin doctors hai a ngen a.
District Hospitala Casualty-ah Special Dog Bite Cell hawng a, register tha taka maintain-a Ui se leia hung pan hai hming, address le mobile number hai tha taka record siem dingin Doctor hai an hriettir. Ui se leia Hospital hung pan hai hrim hrim mawngtam ni lovin an ban (arm) taksa ve veah dose 2 kap nghal ding, ni 7 hnunga kap nawk ding le ni 21 hnunga kap nawk ding a nih. Malpuia kap chun a thau deu thenkhat taksaa a lut zonaw leiin bana kap ding a nih tiin Dr Ibomcha chun a hril. Ui invet se hrim hrim hi ni 7 a inthawk kum 7 hnunga chen a hung inlang/tuongsuok thei leiin a course kap zo ngei ngei ding a nih tiin a hril a. Ui se hrim hrim zanita inthawk khan District Immunization Office le District Hospital Casualty-ah a thlawna kap dingin thu a pek/an hriettir. Churachandpur district-a Ui se inlar hi Official-a a hmu hun huna Epidemic a puong thei a ni thu hrilin Ui se hrim hrim hospital pana damdawi inkap dinga mipui hai hrilhriet dingin Doctor hai an hriettir bawk.
Mr Maniram Haryana tieng sawn
CCPUR: Mr Maniram Sharma, IAS, Addl. DC, CCPur chu Haryana tienga sawn a nitah. Haryana tienga sawnna Order hi zanikhan Deputy Secretary (DP), Govt. of Manipur in an suo. Mr Maniram hi August, 2010 a inthawka CCPur District-a hung um a ni a, March, 14, 2013 a inthawk Addl. DC chel, IAS a hmu hnunga CCPur District hi a posting-na hmasa tak a nih. Maniram hi MT:09 Manipur –Tripura Cadre IAS niin DoPT (AIS) division policy guidelines dungzuia Haryana cadre a sawn a nih. January 17, 2015 khin Mr Maniram hin Manipur suoksan a ta, Jan. 19, 2015 khin Haryana hmuna a sint har ding zawm a tih. Pu Michael Ginzasuan, District Supply Officer/ CCPur chun zanikhan an thlanain Mr Maniram hi Puon an siltir.
Dr Amo Bangkok-ah a cham mek
CCPUR: Dr Chaltonlien Amo, Chairman, Hill Areas Committee (HAC), Govt. of Manipur chu January 13, 2015 khan ei ram harsatna le thil dang dang hai Central-a Ministry of Development hotuhai hrilpuia intlun dingin Delhi-ah an zin a. January 15, 2015 nia Bangkok hmuna rambung dang dang inkhawmpui um huna a sin thaw that leia chawimawina Award inhlan a ni ding leiin Jan. 14, 2015, 3AM khan New Delhi suoksanin Bangkok panin a vuongsuok nawk a, tuhin Bangkok hmuna a cham mek tiin Pu Lalvullien, Social Worker chun ei Chanchinbu palai a hril.
A thlawna Ui invet damdawi kapna
CCPUR: Vawisun 11ASM a inthawk hin Pearson, K. Salbung le Muolvaiphei khuo haiah District Veterinary Office, Churachandpur huoihawtnain a thlawna Ui invet ding dangna damndawi kapna um a tih. Ui neihai po po hi damdawi hi inkaptir seng dinga inhriettir an nih. Tuchena hin hi office chun Ui 2613 damdawi an kap tah.
Sectoral Supervisor training nei
CCPUR: January 18, 2015 nia India ram pumpuia National Polio Day (NID)/ Intensified Pulse Polio Immunization (IPPI) 2015 nei ding le inzawmin zani 11:00AM khan CMO Conference Hallah Sectoral Supervisor training nei a ni a, Dr V.C. Pau, DFWO chun document tum tum fill-up dan ding hrilhrietna a nei. CCPur District-a chun IPPI booth 435 hawng ning a ta, damdawi 2872 hmangin naupang kum 5 le a hnuoitieng mi 36679 hai Zenghri (polio) vengna damdawi pek tum a ni a, Divisional Supervisor (Doctor) 19, Sectoral Supervisor 86 le Vaccinator thahnemtak duty dinga ti an nih.
Sialkal Range Devpt. Council lung hawngna
CCPUR: January 20, 2015 khin Mizoram CM Lalthanhawla chun Sialkal Range Development Council lungphum hawngna nei a tih. Hi le inzawm hin zanikhan PTC Office, Hiangtam Lamka-ah zani 11:00AM khan PTC 2nd CWC meeting nei a ni a, hi huna PTC GHQ a inthawk fe ding zat, elected MLA, MDC hai contribution sukpung dan ding le thu pawimaw tum tum an hriltlang.
Parbung Convention Souvenir
CCPUR: All India Parbung Convention (Chanthintha le Parbung) Souvenir dit hai chun Roding Pharmacy, Rengkai Vengpui-ah indawn thei ning a tih tiin Organizing Sub Committee, Tuithaphai chun inhriettirna a siem.
Promotional training
CCPUR: Female Health Workers sin thaw thla 6 sung Promotional training nuom hai ta dingin Medical Directorate, Govt. of Manipur chun huoihawt a tum a, inhnikna nei hai chun Jan. 20, 2014 chen khin Dr O. Ibomcha Singh, Director of Health Services kuoma application peklut thei ning a tih.
Editorial
Indemna le insawiselna hi
Indem le insawisel hi a tha nawh ti chu mitinin ei hriet seng. Amiruokchu, mihai felna le thatna tiengpang hril nekin an felnawna, an thatnawna le an tlinnawna tiengpang hai hi ei hril nuom lem tlat el. Hi hi mihriem hai ei suolna tak a nih. Suol inti naw inlakhawm ei thatnaw lei le ei suol leia indemna le insawiselna tawngbau hi ei saksuok hlak a nih. Mifel famkim le mi tha famkim ni inla chu indemna le insawiselna tawngbau hai hi saksuok ngai nawng ei tih. Ei Bible khawmin “sawisel naw ro, sawisela in um nawna dingin” tiin a min chuktir a, nisienlakhawm a zawm ei um der nawh.
Sawiselna le indemna lawm taka dawngsawng thei chu ei tam naw hle ring a um. Sawisel le dem ei ni hin ei dawngsawng danah a takin amani, lungsenin amani, lawm takin amani ei dawngsang a ni thei. Hienganga a dawnna lak dan ei thlangnaa hin ei thaw fuk naw chun thil pawi tak tlung thei a ni leiin insumtheina nei a tul em em el. Ngaituona sei tak nei hman lova lungsen a lak nghal chu a thapa tak a ni nawh ti chu ei lungrilin a hriet a, sienkhawm mani le mani inthunun zo naw leiin lungsen a lak chu ei fe dan tlangpui niin an lang.
Sawiselna le indemna hai hi sut chieng tum tieng ni lova, a theida zawnga ei lak chun, a tira chun thiem ei chang a ni el thei, huoisen khawm ei inti a ni el thei; nisienlakhawm a hnunga chun a mi sawiseltu le a mi demtu le ei inkar kha kar lien tak ei siemin ei lo sukchat der a ni el thei. Chun, a mi sawiseltuhai kha ei hotuhai an lo ni lem chun, invet taka ei lak chun a man ei chawi tam phien el thei a nih.
A lungawinaw le a lungsen zawnga dawnna ei lak khawmin mani ei inhrem thlawn mei mei a ni thei. Ei lo dawngdawng dan kgha a hriltu tum dan a lo ni naw thei bawk. Chuongang chun, pawnlang taka hril satlie mei mei lem kha ei lo lak thu takin, na ei ti kha a tum tak, ei tuor thlawn el thei bawk a nih. Hieng a ni chun a mi sawiseltu le ei inkar kha ei sukhla sawt tina ang hung ning a tih. Sawiselna lawm taka dawngsawngtu chun midang hai ang bawkin a thaw dik naw thei a nih ti an hriet hlak. Mitinin fel nawna ei nei seng a, ei fel nawna le tlinnawna tam tak hi mani chun ei inhriet chieng tawk naw chawk hlak. Chuleiin, sawisel ei ni hin, “ ka lo thaw dik naw am a ni ding maw? tiin insut let inla a tha lem a nih. A hnunga dingin ei thawfuk lem dai thei a nih.
Hiengang hin sawisel ei nina kawnga hin hienghai hi hriezingin ngun takin ngaituo hlak inla a tha hle ring a um. Mi tukhawm hi mihriem seng ei ni a, sawisel le dem naw tawp ding khawpa fel ei um nawh. Sawisel naw le indem naw dinga inngaina tak hi sawisel le dem tul nina lem a nih, iengti kawng zawng khawmin ei fel famkim naw ding a nih ti inhriet a tha.
Mihai mi sawiselna le demna hai hi mani nun siemna lampuia thangpuina hlu tak a nih ti hrietthiem a tha. Ruol iemznizat hai laia ei fel nawnaa mi sawisel nuomtu taphawt kha ei laka inhawng an ni nuom lem. Sawiselna chu totawka dawngsawng a, mani insut let hi thil fe dan indik le fuk lem a nih. Dawnna innemin lungsen a sukre an ti angin, “ I mi sawiselna chu an dik el awm de e,” annawleh ‘ mi thangpui i nuom ti ka hrietthiem khawp el’ ti haiin dawn lem el rawh. A sawiseltu ngirhmuna hang umla, inhmu fie lem el thei. An mi sawiselna an dik a ni chun, insiem danglam phanaa hmang hin hlawkna le thatna an tlun am? ti dam ngaituo ding a nih.
