Kum 1 sungin Case 146 registered; rape case 5 a thang; Kum 1 sungin SF han ralthuom tam tak an man bawk
CCPUR: Churachandpur District Police chun January- December, 2014 kum 1 liemta sung khan case tum tum146 an registered. Hieng hai laia 128 chu IPC hnuoia registered a ni a, hi lai hin tuolthatna case 13, tuolthat tumna (attempted to murder) case 10, kidnapping case 6, road accident case 10, rukrukna case 28, thawluina hmanga sum inlakpekna case 1, inhlemna (cheating) case 5, preparation for dacoity case 21, Burglary case 8, assault case 6, mics IPC case 6, Arson case 2, Forgery case 3, rioting 1, rape case 5, attempt to murder case 10 a thang. Hienghai baka hin LSL hnuoiah case 18 a uma, chu hai chu Arms Act case 4, unlawful prevention Act case 5, ND&PS Act 2, Explosive case 3, PG Act 1 le Foreigners Act case 3 an nih.
Security Forces hai chun January - December 31, 2014 kum 1 liemta sung khan CCPur District sungah ralthuom tam tak manin Police kutah an peklut. Security forces han kum 1 sunga ralthuom chi tum tum an man hai lai Pistol (9mm, pistol, country made, 7.65 mm .22 mm) a rengin 25, magazine 20, a mu 55, AK mu 77, SLR mu 6, M-16 mu 15, 5.56mm MA-III MK-II rifles 7, magazine 14 le a mu 19, SBBL silai 1, SBML silai 1 le a mu 50 bakah Kenwood set 1 a thangsa.
Natl. Integration Camp, 2015 hmang
CCPUR: Zani Jan. 7, 2015, 11:00AM khan Youth Hostel, CCPur-ah National Integration Camp-2015 hawngna hun hmang a nih. Hi huna hin Kamsuanlun, EM/ADCC khuollienin a thang a, functional president in Sahib Singh, Zonal Director, Nehru Yuva Kendra Sangathan a thang. National Integration camp hawngna huna hin Nalbari, Shillong, Meghalaya haia NYK/Youth representatives han Cultural Dance le cultural song inentirna an nei.
Khuollien chun, hi campa hung thang Youth/NYK Volunteers han Cultural exchange an nei hin inhmangaina le inthuruolna tha lem a hung intlun ngei a beisei thu a hril.
Manipur state puotieng mi Shillong-a inthawk Youth Member 10 le Assam Youth members 15 vel an hung thang a nih.
December thla sungin motor 111 registered
CCPUR: District Transport Office, CCPur chun December, 2014 thla sung khan motor 111 an registered. December, 2014 thla sunga motor registered hai lai hin heavy goods vehicle 1, light goods vehicle 3,maxi cab 1,jeep 4, car 11, van 1, auto rickshaw 11, bike/active 79 a thang. Chun, December 2014 thla sung khan DTO CCPur chun Revenue Rs. Rs.10,54,625/- an hmu a. April-December 2014 sung khan Revnue Rs. Rs.1,07,25,787/- hmuin sawrkar kuomah challan in an submit. Hi hun sung ma hin DTO, CCPur chun motor chi tum tum 1465 an registered a, hihai lai hin medium bus 3, heavy goods vehicle 3, medium goods vehicle 7,light goods vehicle 12, maxi cab 17, jeep 59, car 198, van 3, auto rickshaw 74, bike/active 1077 le others 12 a thang.
HPCL in Ambulance inhlanna an nei
CCPUR: K. Lallawmpui, Area Salesman, HPCL chun zani 2:00PM khan YPA
GHQ Hall, Hiangtam Lamka- ah YPA GHQ President kuomah Ambulance inhlanna a nei. Ambulance hi Rev. L. Khamkholun, Director, (M) EBC in Pathien kuoma inhlanna a nei.
MP in Kangvai-ah SAGY a hawng ding
CCPUR: Jan. 8, 2015 vawisun 9:00AM hin Mr Thangso Baite, MP (Lok Sabha) chun Kangvai Community Hall-ah Sansad Adarsh Gram Yojana (SAGY) hawng a tih. Hi huna hin line department- Agriculture, Horti & Soil Conservation, Medical/Veterinary/Forest, PHED, PWD, Electricity, ICDS, Education, PMGSY, DIO, Sports, Social Welfare, CAD & DP officer hai khawm thang an tih.
Assesment Camp a um ding
CCPUR: Secunderabad-a National Institute for Mentally Handicapped (NIMH) huoihawtnain January 16- 17, 2015 inkar sung khin District Hospital building thar-ah Mentally Retarded hai ta dingin Assessment Camp um a tih. Hi huna hin Special Educator le parents hai ta ding khawmin training buotsai ning a tih. Hi camp-in certificate a pek hmangin Disability Certificate hmu thei a ni ding a nih.
Addl. DC office a kai tah
CCPUR: December 20, 2015 a inthawk chawl laa an ram Rajasthan-a inzin Mr Maniram Sharma, IAS, Addl. DC, CCPur chu zanikhan CCPur a hungtlung a, zani ma khan office a kai tan nawk tah.
DLOs meeting
CCPUR: January 26, 2014 nia India Republic Day hmang ding le inzawmin vawisun (Jan. 8, 2015), 11:00AM hin Mr Lunminthang Haokip, IAS,DC, CCPur inrawinain DC Office- a BRGF Resource Centre- ah District Level Officers (DLOs) meeting um a tih. Hi huna hin DLOs tin hai chu kim taka thang seng dingin T.K. Simte, Asst. Commissioner, CCPur chun inhriettirna a siem.
Editorial
Thaw ding le thaw lo ding thenkhat
Mani le mani inpak le insuklar nuom hi pung tieng ei pan pei niin an lang. “Mi invet lungri chu a bauva a um a, mivar bau ruok chu a lungrila a um” an lo ti angin, hriet po po hril pur pur el dam, mani neinaw pui pui le ninaw pui pui dam uongpui ang ziezanga inhril rak hi a tha naw hle. Mi han an ngaithlak sawt pei nawh. Mani chanchin hril a tul a ni khawmin, inthlahrung tak leh tawifel taka hril hlak ding a nih. Chun, mi lungril suknat zawng le intithei awm fahrana titi dam le thuhril dam hi a tha naw a, mihai mi hnamna mei mei a nih ti hi hriet ding a nih. Hienganga tawng uongthuong le mihai tielna tawngbau hmang rawn hai hrim hrim chun ngainat an hlaw ngai nawh.
Midanghai sukzak zawnga an thuhril indiklo lo sukdik pek tum sen dam hi a tha nawh. |hangpui i nuom tak tak chun mipui lai ni lovin, a fala in um pha ditsak tawngbau takin i hril hlak ding a nih. Chun, mi piengphung le indiknawna deu hai hi hrillang fawk fawk a tha nawh. An diknawna dam le a piengphung indiknawna a hriet vawng a; i hrillang khan theida angin um kher naw sienkhawm, a dit dan le a lawm zawng ni der naw nih. Midang an um laia inbiekruk dam, an hriet lo dinga thuhril dam le a san mumal um lova innui huk dam hi ching tam lo le bansan chi tak a nih. Innui huk huk annawleh inbiekruk a lo tul a ni khawma hawihawm taka midanghai hrila inbiekfal hi thil indik a ni lem. Mipui hmaa thuhril changa mani kekawr mansa pur pur dam hi a mawi naw a, a lo en le hmutuhai ta dingin mit a sukkham a, thaw ngailo ding a nih. Nuhmei han mani pasalhai hril hlak ding a nih.
Dilsut taluoa mi chanchin indawn vet dam, an chanchin po po va hriet vawng tum dam khawm hi a tha naw a, miin an nghawk hlak. Chun an lawm zawng a ni nawh. Mi laia nunghak senior deu kum indawn dam, nuthlawi pasal an nei tum le tum naw indawn vet dam le mani ruoltha ni si lo, vawikhat vawihni inhmuna a an chanchin indawn indawn dam hi indawnna invetthlak tak a ni a, ching lo hram hram a tha. Mani sung dinghai annawleh ruoltha sung hai chanchin ei hriet nuom ruok chun a hmun le a hun hriet a, indawn ruok chu a pawina a um nawh.
Ching lo dinga tha deu el pakhat chu inrel annawleh indem hi a nih. Mi inrel annawleh i dem rak chun, a ngaithlatuhai vek kha, a rel le a demsetu ding che an nih. Indem hin ra tha an suo ngai der naw leiin indem lo hi a tha tak a nih. Indem hi intheidatuona le inhmelmakna siemtu a nih.
Chun, mi thuhril lai kha i ngaidan a lo ni kher naw thei a, chuong a lo ni khawmin, hawihawm naw taka i dawn kha a mawi tak naw a, i ngaidan i hril ding khawmin mawihnai taka hril a tha lem rawp hlak. Mi fiemthu thaw lai i lo hriet sa a lo ni khawmin suklang lo a tha. Nuisaw a, i hmei i lo sukdanglam vel khan mihai ngaisang le inza ni nekin mihai hmu pei lo le nghawk ni lem i tih ti kha hriet tlat ding a nih.
CCPUR: Churachandpur District Police chun January- December, 2014 kum 1 liemta sung khan case tum tum146 an registered. Hieng hai laia 128 chu IPC hnuoia registered a ni a, hi lai hin tuolthatna case 13, tuolthat tumna (attempted to murder) case 10, kidnapping case 6, road accident case 10, rukrukna case 28, thawluina hmanga sum inlakpekna case 1, inhlemna (cheating) case 5, preparation for dacoity case 21, Burglary case 8, assault case 6, mics IPC case 6, Arson case 2, Forgery case 3, rioting 1, rape case 5, attempt to murder case 10 a thang. Hienghai baka hin LSL hnuoiah case 18 a uma, chu hai chu Arms Act case 4, unlawful prevention Act case 5, ND&PS Act 2, Explosive case 3, PG Act 1 le Foreigners Act case 3 an nih.
Security Forces hai chun January - December 31, 2014 kum 1 liemta sung khan CCPur District sungah ralthuom tam tak manin Police kutah an peklut. Security forces han kum 1 sunga ralthuom chi tum tum an man hai lai Pistol (9mm, pistol, country made, 7.65 mm .22 mm) a rengin 25, magazine 20, a mu 55, AK mu 77, SLR mu 6, M-16 mu 15, 5.56mm MA-III MK-II rifles 7, magazine 14 le a mu 19, SBBL silai 1, SBML silai 1 le a mu 50 bakah Kenwood set 1 a thangsa.
Natl. Integration Camp, 2015 hmang
CCPUR: Zani Jan. 7, 2015, 11:00AM khan Youth Hostel, CCPur-ah National Integration Camp-2015 hawngna hun hmang a nih. Hi huna hin Kamsuanlun, EM/ADCC khuollienin a thang a, functional president in Sahib Singh, Zonal Director, Nehru Yuva Kendra Sangathan a thang. National Integration camp hawngna huna hin Nalbari, Shillong, Meghalaya haia NYK/Youth representatives han Cultural Dance le cultural song inentirna an nei.
Khuollien chun, hi campa hung thang Youth/NYK Volunteers han Cultural exchange an nei hin inhmangaina le inthuruolna tha lem a hung intlun ngei a beisei thu a hril.
Manipur state puotieng mi Shillong-a inthawk Youth Member 10 le Assam Youth members 15 vel an hung thang a nih.
December thla sungin motor 111 registered
CCPUR: District Transport Office, CCPur chun December, 2014 thla sung khan motor 111 an registered. December, 2014 thla sunga motor registered hai lai hin heavy goods vehicle 1, light goods vehicle 3,maxi cab 1,jeep 4, car 11, van 1, auto rickshaw 11, bike/active 79 a thang. Chun, December 2014 thla sung khan DTO CCPur chun Revenue Rs. Rs.10,54,625/- an hmu a. April-December 2014 sung khan Revnue Rs. Rs.1,07,25,787/- hmuin sawrkar kuomah challan in an submit. Hi hun sung ma hin DTO, CCPur chun motor chi tum tum 1465 an registered a, hihai lai hin medium bus 3, heavy goods vehicle 3, medium goods vehicle 7,light goods vehicle 12, maxi cab 17, jeep 59, car 198, van 3, auto rickshaw 74, bike/active 1077 le others 12 a thang.
HPCL in Ambulance inhlanna an nei
CCPUR: K. Lallawmpui, Area Salesman, HPCL chun zani 2:00PM khan YPA
GHQ Hall, Hiangtam Lamka- ah YPA GHQ President kuomah Ambulance inhlanna a nei. Ambulance hi Rev. L. Khamkholun, Director, (M) EBC in Pathien kuoma inhlanna a nei.
MP in Kangvai-ah SAGY a hawng ding
CCPUR: Jan. 8, 2015 vawisun 9:00AM hin Mr Thangso Baite, MP (Lok Sabha) chun Kangvai Community Hall-ah Sansad Adarsh Gram Yojana (SAGY) hawng a tih. Hi huna hin line department- Agriculture, Horti & Soil Conservation, Medical/Veterinary/Forest, PHED, PWD, Electricity, ICDS, Education, PMGSY, DIO, Sports, Social Welfare, CAD & DP officer hai khawm thang an tih.
Assesment Camp a um ding
CCPUR: Secunderabad-a National Institute for Mentally Handicapped (NIMH) huoihawtnain January 16- 17, 2015 inkar sung khin District Hospital building thar-ah Mentally Retarded hai ta dingin Assessment Camp um a tih. Hi huna hin Special Educator le parents hai ta ding khawmin training buotsai ning a tih. Hi camp-in certificate a pek hmangin Disability Certificate hmu thei a ni ding a nih.
Addl. DC office a kai tah
CCPUR: December 20, 2015 a inthawk chawl laa an ram Rajasthan-a inzin Mr Maniram Sharma, IAS, Addl. DC, CCPur chu zanikhan CCPur a hungtlung a, zani ma khan office a kai tan nawk tah.
DLOs meeting
CCPUR: January 26, 2014 nia India Republic Day hmang ding le inzawmin vawisun (Jan. 8, 2015), 11:00AM hin Mr Lunminthang Haokip, IAS,DC, CCPur inrawinain DC Office- a BRGF Resource Centre- ah District Level Officers (DLOs) meeting um a tih. Hi huna hin DLOs tin hai chu kim taka thang seng dingin T.K. Simte, Asst. Commissioner, CCPur chun inhriettirna a siem.
Editorial
Thaw ding le thaw lo ding thenkhat
Mani le mani inpak le insuklar nuom hi pung tieng ei pan pei niin an lang. “Mi invet lungri chu a bauva a um a, mivar bau ruok chu a lungrila a um” an lo ti angin, hriet po po hril pur pur el dam, mani neinaw pui pui le ninaw pui pui dam uongpui ang ziezanga inhril rak hi a tha naw hle. Mi han an ngaithlak sawt pei nawh. Mani chanchin hril a tul a ni khawmin, inthlahrung tak leh tawifel taka hril hlak ding a nih. Chun, mi lungril suknat zawng le intithei awm fahrana titi dam le thuhril dam hi a tha naw a, mihai mi hnamna mei mei a nih ti hi hriet ding a nih. Hienganga tawng uongthuong le mihai tielna tawngbau hmang rawn hai hrim hrim chun ngainat an hlaw ngai nawh.
Midanghai sukzak zawnga an thuhril indiklo lo sukdik pek tum sen dam hi a tha nawh. |hangpui i nuom tak tak chun mipui lai ni lovin, a fala in um pha ditsak tawngbau takin i hril hlak ding a nih. Chun, mi piengphung le indiknawna deu hai hi hrillang fawk fawk a tha nawh. An diknawna dam le a piengphung indiknawna a hriet vawng a; i hrillang khan theida angin um kher naw sienkhawm, a dit dan le a lawm zawng ni der naw nih. Midang an um laia inbiekruk dam, an hriet lo dinga thuhril dam le a san mumal um lova innui huk dam hi ching tam lo le bansan chi tak a nih. Innui huk huk annawleh inbiekruk a lo tul a ni khawma hawihawm taka midanghai hrila inbiekfal hi thil indik a ni lem. Mipui hmaa thuhril changa mani kekawr mansa pur pur dam hi a mawi naw a, a lo en le hmutuhai ta dingin mit a sukkham a, thaw ngailo ding a nih. Nuhmei han mani pasalhai hril hlak ding a nih.
Dilsut taluoa mi chanchin indawn vet dam, an chanchin po po va hriet vawng tum dam khawm hi a tha naw a, miin an nghawk hlak. Chun an lawm zawng a ni nawh. Mi laia nunghak senior deu kum indawn dam, nuthlawi pasal an nei tum le tum naw indawn vet dam le mani ruoltha ni si lo, vawikhat vawihni inhmuna a an chanchin indawn indawn dam hi indawnna invetthlak tak a ni a, ching lo hram hram a tha. Mani sung dinghai annawleh ruoltha sung hai chanchin ei hriet nuom ruok chun a hmun le a hun hriet a, indawn ruok chu a pawina a um nawh.
Ching lo dinga tha deu el pakhat chu inrel annawleh indem hi a nih. Mi inrel annawleh i dem rak chun, a ngaithlatuhai vek kha, a rel le a demsetu ding che an nih. Indem hin ra tha an suo ngai der naw leiin indem lo hi a tha tak a nih. Indem hi intheidatuona le inhmelmakna siemtu a nih.
Chun, mi thuhril lai kha i ngaidan a lo ni kher naw thei a, chuong a lo ni khawmin, hawihawm naw taka i dawn kha a mawi tak naw a, i ngaidan i hril ding khawmin mawihnai taka hril a tha lem rawp hlak. Mi fiemthu thaw lai i lo hriet sa a lo ni khawmin suklang lo a tha. Nuisaw a, i hmei i lo sukdanglam vel khan mihai ngaisang le inza ni nekin mihai hmu pei lo le nghawk ni lem i tih ti kha hriet tlat ding a nih.
