Responsive Ad Slot

Dr. Aziz Qureshi Mizoram Governor thar dingin laklut a nih

Friday, January 9, 2015

/ Published by VIRTHLI
Aizawl, 9th January, 2015: Mizoram Larsap thar dinga ruot Dr. Aziz Qureshi chu vawisun zantieng dar 4 khan Raj Bhawan-ah Gauhati High Court Judge thar Justice Michael Zothankhuma in ringumna thu intiem tirin Mizoram Governor 15-na dingin laklut a nih.

Larsap thar laklutna inkhawm-a hin Chief Minister Pu Lal Thanhawla, Assembly Speaker Pu Hiphei, Minister-hai, Parliamentary Secretary-hai le MLA hai bakah Sorkar mi pawimaw thahnem tak an thang.

Larsap thar Dr. Aziz Qureshi hi kum 74 a upa niin February ni 3, 1940 khan Bhopal-ah a pieng a. Government Hamidia College, Bhopal; Agra University; Vikram University, Ujjain; le Bhopal University hai ânthawkin inchukdawkin MA (Political Science), MA (Arabic), MA (Urdu Literature), LL.B., Ph. D (Political Science) le D.Lit. (Honoris Causa, Aligarh Muslim University-in an hlan) degree hai a nei a nih.

Kum 1972 le 1977 inkar khan MLA niin hi sung hin Madhya Pradesh Sawrkar-ah Minister niin Power & Irrigation Minister le Education & Endowments Minister dam a lo ni ta a. Kum 1988 khan Satna biel a inthawkin MP dingin thlang tling a ni bawk. May ni 15, 2012 le December ni 30, 2014 inkar khan Uttarakhand Governor niin June ni 22, 2014 le July ni 22, 2014 inkar khan Uttar Pradesh Governor sin a lo chel ta bawk.
Don't Miss
© all rights reserved
made with by Simon L Infimate