Responsive Ad Slot

CCPur-ah LIFE CAFE bawl zo

Wednesday, January 14, 2015

/ Published by VIRTHLI
CCPur, January 14, 2015: For One Life, International Ministry ( America ) haiin Rengkai hmuna LIFE CAFE - Thalai le Naupang hai ta ding bik a hun zalen le hun awl tangkai taka an hmang beiseina leia an bawl chu bawl zo alo ni tah. Hi Cafe hi Churachandpur sunga a hmasatak le a pui tak la ni dinga ring a nih.

For One Life International Ministry hai hi Christian NGO an ni a. Ei ram an hung hmua an hang en vel hin Thalai le Naupang tamtak hai hunawl hmangna ding dukdak le mumal, hmuntha ei nei naw an hmu hin hiengang thil indin nuomna an hung nei ta ani thu Joseph R. Joute, Director, For One Life, India chun a hrila, chau chu ni lovin, hi hmuna hin ei hlasakthiem tak tak hai khawma hla sakna hai neiin insersuokna hmun pawimaw pakhat an chang ngei an beisei thu a hril bawk.

Hi bak a hin Saikawt hmuna hai khawm Football Inkhelna Stadium hai chen khawm bawl dinga riruongna an siem taa. Hun liem met hnungah mithiem tak tak hai hungin a hmun le hmang hai enfelna an hung nei vat ta ding thu dawng bawk a nih.

Inputs from FoxJournal
Images: Joseph R. Joute




Don't Miss
© all rights reserved
made with by Simon L Infimate