Aizawl, January 10,2015: Zanizan 7:30 PM vel khan Republic Veng, Aizawl a cheng Pu Sangliansiama, Springfield Higher Secondary School Building neituhai in-ah misual lut in mi 4 an vit hlum. Misuol an lut lai hin an sungkuo member 5 an uma - a in neitupa Pu Siama (57) le a nuhmei Pi Khualthangi (57), Chief Manager, SBI, Mission Veng Branch, Pi Vanlalchhungi (54) Pu Siama farnu, Isaac Lalrinnunga (5) Pu Siama naupa le Samuel Lalrinchhana (14) hai po chu an vit hlum a nih. An umpuinu ruokchu bathroom ah lo tlan lut hmana an kal khuma a him ve hrama chun vangneithlak takin Pu Siama farnu Pi Chhungi naupa chu veng danga bufak dinga an fiel leiin a him ve a nih.
Thudawng danin zan dar 7:30 vel khan Laltlanchhuaha (37) s/o Parzuala, sa zawr hlak Republic veng chu a hmuna hin man nghal a nih. Ama hi police haiin a bul hnai in-a kawlin mipui haiin bei tumin Police hai leh hun iemanizen innawr buoi in zan dar 3 vel in an thuoi dawk thei hrama, Central Jail ah thun nghal a nih.
 |
| Laltlanchhuaha |
Thudawng dan chun tuolthattu a intum, Laltlanchhuaha hi Chem chawiin Pu Siama hai inah hin a lutin Pawisa a ngen nghala Rs.1,000 - an peka, chuonga a ngensa nawk vel chu Pu Siama hi sat ta nghal niin an hril. a farnu Pi Vanlalchhungi chu a tlansuok tuma, hnukkir nawk in kawtkhar kal in a sawt zui nawk nghal a nih. Pu Siama nuhmei bedroom tienga tlanlut chu a hnawtzuia a sat nawka, a sak hnunga Samuela Cl-IX zirlai chu a thaw nawka chu zova an naute kum 6 mi khawm chu a that a nih.
A zan a vek hin a thi hai hi postmortem thaw in vawisun khan Republic Veng thlanmuol-ah vuoiliem an nih.
