Responsive Ad Slot

Muolbem in HSA Platinum Football Final ah hratna an chang

Friday, December 12, 2014

/ Posted by VIRTHLI HMAR

CCPur: HSA Platinum Jubilee (Grand Finale) Football Tournament Final chu Saikot Playground ah Dec. 11, 2014 zantieng dar 2pm khan nei a ni a. Churachandpur Jt. Hqr. sunga mi ve ve Muolbem le Saikot an inkhel a. Inkhel pangngaiin 1-1 in an in draw  leiin Penalty a 3-2 in Muolbem chun an khingpui Saikot chu an lo hneban tah a nih. Champion Team hin Sumfaiin Rs. 75,000/- an dawng ding a nih. Hi huna Chief Guest in Shri Vungzagin Valte Parl. Secy., (Hort. Sc & CADA) in a thanga Champion Team hai Cash Prize hi a tum a nih. Hi huna fiel a a umna le HSA in Platinum Jubilee chen tlung theia a um chu lawmum a ti thu hai hrilin, A Lawmpuinain Kum tin Sang khat pei a thaw anga hisapin, Kum Sawmsari Panga-na hun a Cheng Sing Sari le Sang Nga hi a tuok a ni thuhai a hril a, Ni dang lai inkhel mei mei ti a ni hlak a tulai ruokchu a ni ta naw thu le fak hmuna thei tak tak a ni ta thuhai hrilin, inch├╗kna vawng a ni zie hai a hrilsa bawk. Functional President in Shri Emboi Serto President, ATSUM le Chief Host in Shri Kawlhminglien Chief of Saikot hai chu an thang a. HSA-PJCC chun Memento le Hmar Ngotekher Muffler lawmthu hrilna-in an hlan tawl.


Don't Miss
© all rights reserved
made with by Simon L Infimate