MPSC in Exam-a hlawtling hai sin ding a siem fel tah. Pu Zosanglur in MCS le Tv. E. Lalringum in MPS a hmu

CCPur, 19 Nov., 2014 (HT): Manipur Publice Service Commission (MPSC) in Manipur Civil Services Combined Competitive Examination, 2014 Personality Test/Interview Oct. 13-17, 2014 sunga a huoihawtnaa merit list a puong zo hnungin merit list-a inthawk Manipur Civil Services (MCS), Manipur Police Service (MPS) le Election Officer (EO) hmu ding hai sin siemfelin zanikhan Offer Form a sem dawk tah. Hi le inzawma zanita Order insuoa um le Offer form semdawk a ni dungzuiin Pu Zosanglur Joute chun Manipur Civil Services (MCS) a hmu a, Tv (Pu) E. Lalringum Pulamte chun Manipur Police Service (MPS) a hmu. Pu Zosanglur hi Manipur Finance Service (MFS) lo hmu tah, tuta Lamphel Treasury Office-a Treasury Officer sin thaw lai mek a nih. Tv. E. Lalringum khawm hi Central Goverment hnuoia sin lo thaw tasa, a sina inthawk inbana Manipur Civil Services exam-a thang, tuta Appollo veng-a khawsa mek a nih.

Eini tlangmi MCS le MPS hmu hai chu hieng a hnuoia hai hi an nih-

Manipur Civil Services (MCS)
1. N. Shokhongam Baite
2. S. Ginmuan Ngaihte
3. Lamminlal Samte
4. Elvina Lalmuanpuii Leivon
5. James Doujapau Haokip
6. Mangminlian Vaiphei
7. Zosanglur Joute
8. Rang David Kung

Manipur Police Service (MPS)
1. Nimmi Azingwungshi Khamram
2. CL Thotreithang
3. Mangvung Tongminthang Haokip
4. Josiah Thuiguangpou Pamei
5. Sony Siem Go Sang
6. E.Lalringum Pulamte