Tuithaphai: Zani 21/11/2014 zantieng dar 2pm khan Chairman, ADCC Office Chamber ah Churachandpur khawpui sunga Sam tantu (Barber Association) pawl le ADCC hotuhaiin Joint Meeting an nei a. Hi hun a hin Dec. 1, 2014 a inthawka Sam tan man INR 20/- a inthawk a 40/- a sukpung an tumna le inzawmin inbiekremna an nei tah. Chu dungzui chun, Sam tan man 30/-, Sam Dye man 30/-, Student le Kum upa tienghai chu concession in 20/- le khakhmul met man chu 15/- ning a tih. Sam tantuhai chu thienghlimna ngai pawimaw ding le Licence neilo an um chun an chunga action lak a ni ding thuhai an relsa bawk.
