Med. Supdt. tharin mipui thlawpna a ngen
CCPUR: District Hospital CCPur Medical Superintendent thar Dr Arke, Senior specialist (Medicine) chun, District Hospital CCPur siemṭhat le hmasawnna dingin mipui le thawktu han an thlawp ṭhat a pawimaw thu a hril a, District Hospital ṭhatna le hmasawnna dinga tuta hmaa Organisations le Kohran pawl tum tum han an lo thlawp ang bawka thlawp zawm pei dingin mipui hai a ngen. Dr Arke hi 1983 a MBBS zo, January, 1987-a a hmasa takna dinga District Hospital, Senapati-a Medical officer-a posting in a um a. May 7, 2001 a inthawka District Hospital, CCPur-a hung posting a ni a, CCPur-a kum 14 a um ta a nih. District Hospital-a Medical Superintendent 19-na a nih. State Health Services, Manipur-a chun medicine/Physician-ah a senior tak dawttu a ni a, a senior tak chu O.Kunjo niin tuhin Leprosy Dept. ah a um mek. Dr Arke hi April, 2018-a pension ding a nih.
CCPUR: District Hospital CCPur Medical Superintendent thar Dr Arke, Senior specialist (Medicine) chun, District Hospital CCPur siemṭhat le hmasawnna dingin mipui le thawktu han an thlawp ṭhat a pawimaw thu a hril a, District Hospital ṭhatna le hmasawnna dinga tuta hmaa Organisations le Kohran pawl tum tum han an lo thlawp ang bawka thlawp zawm pei dingin mipui hai a ngen. Dr Arke hi 1983 a MBBS zo, January, 1987-a a hmasa takna dinga District Hospital, Senapati-a Medical officer-a posting in a um a. May 7, 2001 a inthawka District Hospital, CCPur-a hung posting a ni a, CCPur-a kum 14 a um ta a nih. District Hospital-a Medical Superintendent 19-na a nih. State Health Services, Manipur-a chun medicine/Physician-ah a senior tak dawttu a ni a, a senior tak chu O.Kunjo niin tuhin Leprosy Dept. ah a um mek. Dr Arke hi April, 2018-a pension ding a nih.
DC CCPur a hungtlung
CCPUR: Thaw ding ṭul nei leia an ram Bihar-a inzin Mr P.K. Jha, IAS, DC, Churachandpur chu zanikhan Churachandpur a hungtlung nawk tah.
CCPUR: Thaw ding ṭul nei leia an ram Bihar-a inzin Mr P.K. Jha, IAS, DC, Churachandpur chu zanikhan Churachandpur a hungtlung nawk tah.
Inpawltlangna an nei
CCPUR: Zanikhan BJP CCPur Mandal hotu Isaka in, Rengkai-ah Rengkai BJP Local Commitee hai le BJP hotu Dr DK Mang han inawpltlangna an nei a, member ṭhanemtawk tak an ṭhang.
CCPUR: Zanikhan BJP CCPur Mandal hotu Isaka in, Rengkai-ah Rengkai BJP Local Commitee hai le BJP hotu Dr DK Mang han inawpltlangna an nei a, member ṭhanemtawk tak an ṭhang.
Thilman sukpung lo dingin
CCPUR: UNC in NH Highways haia Economic Blockade an thaw leia thilman sukpung lo dingin Churachandpur Consumers Club (CCC) chun Dawr neitu le sumdawngtuhai an inhriettir nawn. Surprise checking an sunzawm pei ding thu thusuok an siema chun an hril bawk.
CCPUR: UNC in NH Highways haia Economic Blockade an thaw leia thilman sukpung lo dingin Churachandpur Consumers Club (CCC) chun Dawr neitu le sumdawngtuhai an inhriettir nawn. Surprise checking an sunzawm pei ding thu thusuok an siema chun an hril bawk.
AR han silai le an man Pishak Jail-ah
CCPUR: 7th Assam Rifles han Sept. 4, 2014, zantieng 1PM vela Old Bazar-a country made 9mm Pistol 1, magazine 1 le Mobile phone 1 leh an man Huidrom Pishak (24) s/o Huidrom Chandramani of Khuga Tampak Meitei Leikai, CCPur chu Sept. 9, 2014 khan Jail-a thun a ni tah.
CCPUR: 7th Assam Rifles han Sept. 4, 2014, zantieng 1PM vela Old Bazar-a country made 9mm Pistol 1, magazine 1 le Mobile phone 1 leh an man Huidrom Pishak (24) s/o Huidrom Chandramani of Khuga Tampak Meitei Leikai, CCPur chu Sept. 9, 2014 khan Jail-a thun a ni tah.
Mizoram-ah kum 2005 a inthawk mani inthat 661
AIZAWL: Mizorama chun kum 2005 a inthawk tuchena hin nuhmei 112 ṭhangin mani le mani inthat 661 an um tah niin Aizawl based-a um NGO New Life Charity Society (NELICS) a Dr Zawmsanga Sailo chun Pachhunga University College campus-a World Suicide Prevention Day hmangna huna a hril. A tlangpuiin kum tin Mizoramah mi 73 mani le mani inthat an um ang a ni a. Tukum January thlaa inthawk September chena hin nuhmei ṭhangin mani inthat 63 an um ta niin Dr Zawmsanga Sailo chun a hril. Mani le mani inthat tam tak kum chu 2010 kha niin mani inthat 97 an um a, anni lei hin nuhmei 9 an ṭhang tiin a hril.
AIZAWL: Mizorama chun kum 2005 a inthawk tuchena hin nuhmei 112 ṭhangin mani le mani inthat 661 an um tah niin Aizawl based-a um NGO New Life Charity Society (NELICS) a Dr Zawmsanga Sailo chun Pachhunga University College campus-a World Suicide Prevention Day hmangna huna a hril. A tlangpuiin kum tin Mizoramah mi 73 mani le mani inthat an um ang a ni a. Tukum January thlaa inthawk September chena hin nuhmei ṭhangin mani inthat 63 an um ta niin Dr Zawmsanga Sailo chun a hril. Mani le mani inthat tam tak kum chu 2010 kha niin mani inthat 97 an um a, anni lei hin nuhmei 9 an ṭhang tiin a hril.
Mipui laia ziel hawp khapna dan
NEW DELHI: Centre a Modi sawrkar chun mipui laia lekha ziel hawp annawleh dumkhu hawp khapna dan chu khau lema siem a tum. Chun, Cigarettes a tluon annawleh a mala zawr khap dingin rawtna a siem bawk. Mipui umkhawmna hmuna dumziel hawp man an ni changa sum inchawitir hlak Rs. 200 chu Rs. 20,000 a sukpung ni raw seh tia rawtna a um. Chun, Health Ministry -Expert Panel lem chun, tuta vawithum chena bawsetuhai Rs. 5,000 inchawktir hlak chu Rs. 50,000 a sukpung ni raw seh tiin sawrkar kuoma rawtna an peklut a, hieng rawtna um hai hi Parliament Winter Session a hriltlang dinga riruong a nih.
NEW DELHI: Centre a Modi sawrkar chun mipui laia lekha ziel hawp annawleh dumkhu hawp khapna dan chu khau lema siem a tum. Chun, Cigarettes a tluon annawleh a mala zawr khap dingin rawtna a siem bawk. Mipui umkhawmna hmuna dumziel hawp man an ni changa sum inchawitir hlak Rs. 200 chu Rs. 20,000 a sukpung ni raw seh tia rawtna a um. Chun, Health Ministry -Expert Panel lem chun, tuta vawithum chena bawsetuhai Rs. 5,000 inchawktir hlak chu Rs. 50,000 a sukpung ni raw seh tiin sawrkar kuoma rawtna an peklut a, hieng rawtna um hai hi Parliament Winter Session a hriltlang dinga riruong a nih.
EC team in J&K inzin tum an ṭhul
NEW DELHI: Jammu and Kashmir Assembly election hung um ding le inzawma insingsat dan enfel dinga ni 2 sung cham dinga zanita Election Commission (EC) team in Jammu and Kashmir inzin an tum chu an ṭhul. J&K-a tuilien nasa tak um leia EC team in an inzin tum hi an ṭhul nawk a nih. J&K Assembly fe mek hi January, 2015 a tawp ta ding a ni a, tuilien lei hin J&K Assembly election nei hun ding thuah Election Commission chun thutlukna a siem el thei naw a, electoral roll revision chu October thla bul vela zo dinga ti a ni a, sienkhawm tuilien lei hin zo hman lovin a um el thei tiin EC thusuok chun a hril.
NEW DELHI: Jammu and Kashmir Assembly election hung um ding le inzawma insingsat dan enfel dinga ni 2 sung cham dinga zanita Election Commission (EC) team in Jammu and Kashmir inzin an tum chu an ṭhul. J&K-a tuilien nasa tak um leia EC team in an inzin tum hi an ṭhul nawk a nih. J&K Assembly fe mek hi January, 2015 a tawp ta ding a ni a, tuilien lei hin J&K Assembly election nei hun ding thuah Election Commission chun thutlukna a siem el thei naw a, electoral roll revision chu October thla bul vela zo dinga ti a ni a, sienkhawm tuilien lei hin zo hman lovin a um el thei tiin EC thusuok chun a hril.
Truck eksiden-ah mi 2 an thi
AIZAWL: Zani zingkar dar 10 vel khan Tuirial Airfield bul, Mizoramah Hlimen khawsunga hmunhnawk lakhawma peihmangtu Truck chu a eksiden a, lamthlang tienga rawlah a tla thla a, a Driver Vanlalfela (23) of Keitum village le a handyman hai a hmuna an thi.
AIZAWL: Zani zingkar dar 10 vel khan Tuirial Airfield bul, Mizoramah Hlimen khawsunga hmunhnawk lakhawma peihmangtu Truck chu a eksiden a, lamthlang tienga rawlah a tla thla a, a Driver Vanlalfela (23) of Keitum village le a handyman hai a hmuna an thi.
J&K Tuilien ṭhangpuina an pek tawl
CHENNAI: Desiya Murpokku Dravidar Kazhagam (DMDK) founder Vijayakant chun Jammu and Kashmir tuilien leia harsatna tuortu hai ṭhangpui le sawmdawlna dingin Rs. 10 lakh a pek ding thu a puong. Vijayakant chun a sum hi a personal fund a inthawk PMs National Relief Fund fethlenga a pek niin a hril. Assam sawrkar khawmin tuilien leia harsatna tuortu hai sawmdawlna dingin Rs. 5 crore pek dingin a puong. Assam sawrkar chun tuilien leia Assam mi intang hai ṭhangpui dingin Addl. Director General of Police (Vigilance and Anti Corruption) Rajkumar Chandranathan a tir a, zanikhan Jammu & Kashmir a tlung tah.
CHENNAI: Desiya Murpokku Dravidar Kazhagam (DMDK) founder Vijayakant chun Jammu and Kashmir tuilien leia harsatna tuortu hai ṭhangpui le sawmdawlna dingin Rs. 10 lakh a pek ding thu a puong. Vijayakant chun a sum hi a personal fund a inthawk PMs National Relief Fund fethlenga a pek niin a hril. Assam sawrkar khawmin tuilien leia harsatna tuortu hai sawmdawlna dingin Rs. 5 crore pek dingin a puong. Assam sawrkar chun tuilien leia Assam mi intang hai ṭhangpui dingin Addl. Director General of Police (Vigilance and Anti Corruption) Rajkumar Chandranathan a tir a, zanikhan Jammu & Kashmir a tlung tah.
Zu le Drugs addict-hai Invalid pension pek dingin
AIZAWL: September 9, 2014 ni khan Aizawl-ah Mizoram CM Pu Lalthanhawla inrawinain meeting pawimaw tak a um a. Mizoram Home Minister R. Lalzirliana, Home Department, Mizorama top officials le Police Department a Police Officer lienhai an ṭhang. Hi meeting a hin Police Department, Mizoram hnuoia thawk Police iemanizat Zu le Drugs addict leia an sin thaw mumal thei ta lo le mani le mani inthunun (discipline) zo ta lo an um thu hrillang a nih. Hiengang Zu le Drugs addict Police hrim hrim chu an thu le hla lova “Invalid Pension” pek el nihai sienla tiin hi meeting chun rawtna an siem. Hi rawtna hi Police Department-ah thaw ṭan hmasa phawt le a bat batin Department dang dang haia khawm hiengang invalid pension pekna hi thaw pei ni raw seh tiin an rel bawk.
AIZAWL: September 9, 2014 ni khan Aizawl-ah Mizoram CM Pu Lalthanhawla inrawinain meeting pawimaw tak a um a. Mizoram Home Minister R. Lalzirliana, Home Department, Mizorama top officials le Police Department a Police Officer lienhai an ṭhang. Hi meeting a hin Police Department, Mizoram hnuoia thawk Police iemanizat Zu le Drugs addict leia an sin thaw mumal thei ta lo le mani le mani inthunun (discipline) zo ta lo an um thu hrillang a nih. Hiengang Zu le Drugs addict Police hrim hrim chu an thu le hla lova “Invalid Pension” pek el nihai sienla tiin hi meeting chun rawtna an siem. Hi rawtna hi Police Department-ah thaw ṭan hmasa phawt le a bat batin Department dang dang haia khawm hiengang invalid pension pekna hi thaw pei ni raw seh tiin an rel bawk.
Assam sawrkarin a hlip
GUWAHATI: November 30, 2013 nia Assam sawrkarin Barak Valley sunga sawrkar offices le thil thawna haia official language dinga Assamese hmang ni dinga a puong le Order an suo chu Barak Valley a cheng han an pawm theinaw leia dodalna nasa tak a um leiin Assam sawrkar chun Order hi a hlip nawk tah. A hma ang bawkin Barak Valley, Assam a chun Bengali chu official language ni nawk tang a tih tiin Assam sawrkar chun order a tharin an suo nawk.
GUWAHATI: November 30, 2013 nia Assam sawrkarin Barak Valley sunga sawrkar offices le thil thawna haia official language dinga Assamese hmang ni dinga a puong le Order an suo chu Barak Valley a cheng han an pawm theinaw leia dodalna nasa tak a um leiin Assam sawrkar chun Order hi a hlip nawk tah. A hma ang bawkin Barak Valley, Assam a chun Bengali chu official language ni nawk tang a tih tiin Assam sawrkar chun order a tharin an suo nawk.
Sushma Swaraj Afghanistan-ah: Indian Embassy building a hawng
KABUL: Union External Affairs Minister, Sushma Swaraj chun zanikhan New Delhi suoksanin Afghanistan khawpui a pan a, dam le himin Kabul a tlung a, Afghanistan President chel lai Hamid Kar-
zai an hmupui. Afghanistan hi President election nei hmabak an ni a, Afghanistan Foreign Minister hlui, Abdullah le an Finance Minister hlui Ashraf Ghani hai chun President an inchu ding a nih. Sushma Swaraj chun zanikhan US dollar 40 million senga bawl Indian embassy building thar a hawng. Embassy building hi ram 5 acres a lien sunga square metres 8,300-a liena bawl a ni a, security system ṭha tak nei a nih. Embassy building bawlna dinga foundation lung phumna chu kum 2005 a kha Manmohan Singh PM a ni laia a lo phum, kum 2009 a sin ṭan a nih. Building hi Central Public Works Department (CPWD) in an bawl a ni a, integrated security system chu Electronics Corporation of India Limited (ECIL) in an inbuk a nih. Kum 2008 le 2009 haia hi lai hmuna Indian Embassy beina leiin mi 75 zetin thina an tuok ta a nih.
KABUL: Union External Affairs Minister, Sushma Swaraj chun zanikhan New Delhi suoksanin Afghanistan khawpui a pan a, dam le himin Kabul a tlung a, Afghanistan President chel lai Hamid Kar-
zai an hmupui. Afghanistan hi President election nei hmabak an ni a, Afghanistan Foreign Minister hlui, Abdullah le an Finance Minister hlui Ashraf Ghani hai chun President an inchu ding a nih. Sushma Swaraj chun zanikhan US dollar 40 million senga bawl Indian embassy building thar a hawng. Embassy building hi ram 5 acres a lien sunga square metres 8,300-a liena bawl a ni a, security system ṭha tak nei a nih. Embassy building bawlna dinga foundation lung phumna chu kum 2005 a kha Manmohan Singh PM a ni laia a lo phum, kum 2009 a sin ṭan a nih. Building hi Central Public Works Department (CPWD) in an bawl a ni a, integrated security system chu Electronics Corporation of India Limited (ECIL) in an inbuk a nih. Kum 2008 le 2009 haia hi lai hmuna Indian Embassy beina leiin mi 75 zetin thina an tuok ta a nih.
Excise le AR han Ganja leh mi 3 an man
AIZAWL: Mizoram Excise & Narcotics Department le 39th Bn. Assam Rifles ṭhangruol han Sept. 9, 2014 zantieng 5PM-a Sesawng hmuna dappui an thawnaah Ganja Kg. 47 leh mi pathum an man. Mana um hai chu Ramhnemi (38) d/o (L) Dochanga, New Vervek; Lalmungkim (50) d/o (L) Liansang, New Vervek le Lalliansanga (40) s/o Lallungkhama, Sesawng Tlang Veng hai an nih. Ganja hi Manipur-a inthawka an phurlut niin Aizawl rate-a chun Rs. 2,00,000/- manhu vel dinga hisap a nih.
AIZAWL: Mizoram Excise & Narcotics Department le 39th Bn. Assam Rifles ṭhangruol han Sept. 9, 2014 zantieng 5PM-a Sesawng hmuna dappui an thawnaah Ganja Kg. 47 leh mi pathum an man. Mana um hai chu Ramhnemi (38) d/o (L) Dochanga, New Vervek; Lalmungkim (50) d/o (L) Liansang, New Vervek le Lalliansanga (40) s/o Lallungkhama, Sesawng Tlang Veng hai an nih. Ganja hi Manipur-a inthawka an phurlut niin Aizawl rate-a chun Rs. 2,00,000/- manhu vel dinga hisap a nih.
Booker Prize a dingin a ṭhang ve
LONDON: Kum 2014 a Booker Prize dawng thei dinga lekhabu thlangkhawm hai lai Kolkata a pieng, British Author, Neel Mukherjee in a ziek “The Lives of Others” ti khawm a ṭhang sa ve.
LONDON: Kum 2014 a Booker Prize dawng thei dinga lekhabu thlangkhawm hai lai Kolkata a pieng, British Author, Neel Mukherjee in a ziek “The Lives of Others” ti khawm a ṭhang sa ve.
Hiren in a sangpa a vuok hlum
SAIHA: Zani hmasa zan dar 10 vel khan Saiha, Mizoramah Mr Hiren chun a sangpa Mr Mangsu (32) chu thingtum (Duitin) hmangin a luah a vuok a, iengkhawm hril hman lovin a hmuna a thi a, zanikhan a ruong hi vuiliem anih. Mr Hiren le Mr Mangsu hai hin TV an en a, an ennuom an ang naw leiin Remote control inchuin an insuolbuoi a. Hiren lungsen insum zo lo chun a sangpa hi a vuok hlum niin ei thu dawngna chun a hril.
SAIHA: Zani hmasa zan dar 10 vel khan Saiha, Mizoramah Mr Hiren chun a sangpa Mr Mangsu (32) chu thingtum (Duitin) hmangin a luah a vuok a, iengkhawm hril hman lovin a hmuna a thi a, zanikhan a ruong hi vuiliem anih. Mr Hiren le Mr Mangsu hai hin TV an en a, an ennuom an ang naw leiin Remote control inchuin an insuolbuoi a. Hiren lungsen insum zo lo chun a sangpa hi a vuok hlum niin ei thu dawngna chun a hril.
