August 9 July anthawka Shillong Hmar Youth Association (HYA) huoihawtna hnuoia football tournament neinaa thang dinga insingsa Mawsbuit ground-a practice a fe Hmar team pahni - Hmar Thlipui FC le Royal FC hai chu practice an zo an kir tieng Assam Regiment Howman Gate kawllai an chuongna Sumo motor a chesuol a, Sumo chu inletin a chunga chuong hai chu a delde niin ei thu dawngna chun a hril.
Sumo-ah hin mi 30 vel an chuonga, a chunga chuong le a hnugtieng a inkhai hi mi 10 bawr vel ni a hril a ni a; a i phur hai a zo naw leiin an letna-ah a chunga chuonghai a del a nih.
Motor changsuolnaa hin tleirawl pakhat Immanuel Lalrokung Sungte (k. 16) S/o Simeon Sungte (Demthring, Shillong) chu Assam Regiment hospital tlungpui a ni hma'n a thi a, a dang mi 4 hai chu na taka hliemin Intensive Care Unit (ICU)-ah enkol mek an nih.
Immanuel ruong hi Additional District Magistrate, East Khasi Hills District kuoma Post-Mortem thaw lo a laksuok dinga phalna lak ani hnungin Madanryting Police a inthawkin laksuok a nih.
A hliem hai hming chu:
Jefenia s/o Remthang Zate
Lallawmzuol s/o Luoia Sungte
Hmangneirum s/o Rotinhmang
Simeon s/o Ruolsumhau
Lalngaidam s/o Rotinhmang
David s/o Lallawmsuong Zote
James Lalramnghak
Jebulon
Jonathan
