HMAR RETIRED OFFICERS’ CLUB
PRESS RELEASE
Dated, the 12th July, 2014.
Hmar Retired Officers’ Club, tarik 28th June 2014 a Imphal hmuna indin ta chu, tarik 12th July 2014 khan General Body Meeting hmasatak chu Rengkai Community Hall ah nei anih. Hi huna hin ei officer suongum tak tak lo retire tahai Imphal le Churachandpur a mi hai fekhawmin hlim taka inpawl khawmna an neia. Hi inkhawmna hi, Pu.Joseph Lalrothang in a conduct a. Prof.L.Fimate’n Keynote Address a peka. Constitution Bye-law Pu.Prof.L.Fimate’n a lo draft chu entlangna neiin an pass nghal tah .
Hi Club hi, ei Officer suongum tak tak, lo retire ta haiin, inthuruol taka fellowship hai nei tlangin, upa (senior citizen) hai chan siemṭhat dan ngaituo a tum a. Old age home hai indina, Member hai tadinga quality of life siem\hat pek hi a thil tum pakhat a nih. An thawk sunga inlal tak tak, mi pawimaw, rawn kai le mi ṭangkai tak tak hai kha, an zuk retire pha a pil hmang vang vang el hai hi inpam an uma. Anni hai khawma nun (lifestyle) thlak danglam thut (VIP a’nthawka mi naran) hai kha umdan thiem (adjustment) khawm harsa an lo ti thei tah a, beidawngna, khawsawtna(loneliness), ningintelna le mi ngaisak hlaw talo anga inngaina dam an hung nei theia. Chuong harsatna hai po po chu hi club a’nthawk hin thaibo peka insuk harin, an ta ding a Chapter thar hawng pek nawk thei dingin beisei a nih. Hi club hin seminar hai, workshop hai le Guest Lecture hai huoihawt in, picnic hai neiin, member hai lai recreational facility hai siem hlak a tih. Hieng baka hin ei officer, experience tak tak hai varna hai hi a ram le hnam tadinga sawr ṭangkai dan ngaituo hlak bawk a tih.
Membership hi sawrkar le Public Sector Undertaking a officerhai tading a hawng anih. Hi ni hin election nei aniha, a hnuoia hai khu ṭhuoitu dinga thlang an nih :
1.President: Pu. Prof. L.Fimate( Retd Director, RIMS)
2.Vice-Presidents : i. Pu. Josef Lalrothang (Retd. ZEO)
ii. Pu. Darsiemlien Ruolngul (Retd. Undersecretary, GOI)
3.Secretary : Pu. Laldatlien Tusing (Retd Senior Manager, Air India)
4. Joint Secretary : Pu. JL. Malsawm (Retd Asst. Director)
5.Finance Secretary: Pu.Lalrosung (Retd Asst Director)
6.Treasurer : Pu.Doliensung (Retd Headmaster)
7.Committee members:
i. Pu.Darliensung (Retd Professor)
ii. Pu.Lalruotthang (Retd Deputy Director, GOI)
iii. Pu.Lalṭhakim (Retd. MFS)
iv. Pi.Lalthamawi ( Retd. SDC)
v. Pu.H.T.Kaia (Rtd.A.O.)
Hi Club hin politics khel naw niha. Ruoltha inzawmkhawmin, thangpuina thil le charitable work tieng thlur atih. Member hai laia thina tuok an um chun a Club in Rs.10,000/- (cheng singkhat) a ral dingin rel anih. Retired officer hai chu hung ṭhang seng dinga fiel in nih.
Sd/- Prof.L.Fimate Sd/-
President, Hmar Retired Officers’ Club
Laldatlien Tusing
Secretary, Hmar Retired Officers’ Club
Contact Nos. 09612907957, 08413826316, 09856405453, 0841384705
