Responsive Ad Slot

Parbung-ah Hmarbiel Pastor Organisation indin

Tuesday, June 3, 2014

/ Published by Simon L Infimate
Parbung, June 03, 2014 (Tlangsam): Thla hmasak May 10-a Hmarbiel-a pastor hai inṭhungkhawm sunzomna’n voisun khan Parbung khuo-ah Hmarbiel-a kohran ṭhuoitu, abikin Pastor hai an inṭhungkhawm naw a, taksa le thlarau hmasawnna Hmarbiel-ah a um thei dan ding ngaituo le hriltlang a nih.



Inṭhungkhawmnaa ṭhang hai chun, an thiltum le inzomin pawl tam tak um ta sienkhom Hmarbiel Pastor Organization ti chu ICDP, Parbung Area Office-ah indinin, kum hni sunga ṭhuoitu ding hai an in siem rem nghal bok a nih.

Hi Pastor inzomkhawm pawl indin thara chairman dingin Rev. Hrangchunghnung (EFCI) a ni a, secretary-ah Rev. Lalhninglo (RPC), finance secretary-ah Rev. Lalruotsang (EAC), le treasurer-a dingin Rev. Lalnghillo (ICI) hai chu an insiem rem a nih. Adviser a dingin Rev. Lalrohlu (ICI) le Pu Lalnunthang Songate (RPC) hai ruot nghal an ni bok a nih.

Hi pawl hi hmathlir ṭha tak neia indin an leiin, mitinin thlop seng dingin tiin ṭhuoituhai chun an ngen nghal a; an rawngbawlnaa ṭhangnuom (sum-le-pai donation/advice, etc.) hai khom lawm taka pom zing ani thu an hril bawk.
Don't Miss
© all rights reserved
made with by Simon L Infimate