Shillong, June 8, 2014 (Tlangsam): Tuta kar June 2-7 sung khan, famtah T. Chinminlian hrietzingna dinga huoihawt T. Chinminlian Memorial Football Tournament voi 3-na chu Motinagar Football Ground, Shillong-ah nei a ni a, hi tournament a hin Shillong-a um Zohnahthlak team 17 zet championship inchu’n an inkhel niin ei thu lakna chun a hril.
Zani khan hi tournament final-ah Hmar team JFC Knights le KFLAM hai an inkhinga, goal pakhat ve ve pet lutin, penalty shoot-out nei a ni a, JFC Knights chun goal 4-3 in hnena nopui an lo vawr ta a nih. Championship latu JFC Knights hai hin medal, certificate le trophy bak-ah sumfai Rs. 17,000 an hawn bok a nih. First runners-up KFLAM team-in sumfai Rs. 10,000 an hawn bawk. Chun JFC Knights a mi ve ve Ramfanglien Hmar-in Best Striker nina a dong a, Best Goal Keeper-ah Emanuel Hmar thlang ani bawk.
Tournament closing ceremony a hin Shillong Lajong coach Thangboi Singto chu khuollien-a hmang a nih.
JFC Knights hi kum 2010-a indin niin, kum 2012 le 2013-a Shillong HYA football champion nilai mek a nih. Voisun hin JFC Knights manager Robert Keivom compound-ah lawmna ruoi ṭhe ning a tih.
Zani khan hi tournament final-ah Hmar team JFC Knights le KFLAM hai an inkhinga, goal pakhat ve ve pet lutin, penalty shoot-out nei a ni a, JFC Knights chun goal 4-3 in hnena nopui an lo vawr ta a nih. Championship latu JFC Knights hai hin medal, certificate le trophy bak-ah sumfai Rs. 17,000 an hawn bok a nih. First runners-up KFLAM team-in sumfai Rs. 10,000 an hawn bawk. Chun JFC Knights a mi ve ve Ramfanglien Hmar-in Best Striker nina a dong a, Best Goal Keeper-ah Emanuel Hmar thlang ani bawk.
Tournament closing ceremony a hin Shillong Lajong coach Thangboi Singto chu khuollien-a hmang a nih.
JFC Knights hi kum 2010-a indin niin, kum 2012 le 2013-a Shillong HYA football champion nilai mek a nih. Voisun hin JFC Knights manager Robert Keivom compound-ah lawmna ruoi ṭhe ning a tih.
