Hmar Student’s
Education Board (HSEB), HSA GHQ le HSA NC Hills & Karbi Anglong JHQ hai
duonlâwk angin Jinam Valley (Tuolpui khuo ṭhangin)
Education campaign chu May ni 1, 2014 in Tuolpui, P Hmarlusei, P Hmarlusei, Leiri,
Phaipui, Tattephai, Ramvawm, Mauchar, Muollien, Boro Arkap, Jinam Ghat le
Hnachangzawl fein May ni 6, 2014 khan hlawtling taka zo a nih.
Hi hunah hin
resource person Pu Dr. John H Pulamte, President Hmar Inpui & Chairman
HSEB, Tv. Josef V Tuolor, Secretary Education HSA, GHQ, Tv. Lalringum
Riengsete, Dy. Secretary HSA Assembly Secretariat, Nk. Lalramhnem Buongpui,
Asst. Secretary HWA, NC Hills & Karbi Anglong haiin an hun seng hai an
hmang bawk.
NC Hills & Karbi Anglong a’nthawkin President Pu
H.Sangkhum Riengsete le Tv. Nathanael Ngente, Tv. David Tuollai, Tv. Thanga
Khawbung, Area Representative Pu L Mawia
Pudaite (Tuolpui), Pu Ropieng Hmar (Jinam Valley) hai le hlasak thiem Tv.
Ringsangzuol hai an ni bawk.
Programme hi a
hlawtling hle a “Inch<kna hmangin ei hringnun suk awlsam ei tiu” ti thupui ṭhenawi
hnuoi a Resource person hai a’nthawkin ‘Inchûkna kawng a Nu le Pa mawphurna’,
‘Inchûkna kawng a School le khawtlâng mawphurna’, ‘Inchûklaihai mawphurna’ le
‘Course dang dang le Competitive exam dang dang hai’ ti thupui hi khuo tin a an
hril a, khawsûng mi nu le pa, ṭhalai le inchûklai haiin nasatakin
an hlâwkpui ni a hriet a nih.
HSA Gen. Hqrs.
chun Gao Bura, HSA Unit, NC Hills & Karbi Anglong JHQ, le fangna popo khuo
mipui hai kuomah lâwmthu a hril takzet. Hi programme hlawtlingna dinga hma mi
la puitu Pu Laltlansang EM, NCHAC (Bieltu MAC) mawtawr a hung pêk a, Pu
Ngamrothang Hmar, Chairman NCHAC, mawtawr pakhat a hung pêk bawk a, SP, Dima
Hasao District in pawisa fai ami pêk bawk a chun printing, stationary le banner hai mi sponsor tu Tuolors’ Printing and
Designing hai chungah HSA chu a lâwm takzet a nih.
Source: http://hmarstudents.org/
