Responsive Ad Slot

Oliver thina thua HPC (D) Press release siem

Thursday, September 20, 2012

/ Published by Simon L Infimate
CCPUR: Lalramnghak, Secretary, Military Affairs, HPC(D) in Sept. 19, 2012 a Press Release a siema chun hieng a hnuoia thuhai hi an ziek:

Hmar People’s Convention- HPC (D) Commander, Oliver thina chungthua mipui tukhawmin in lo chiai nawna dingin hrilfiena kan hung siem. Sipai kan ni angin sipaiin dan kan nei a; sipai tuelkhawm sipai dan bawse chu dan a bawsiet ang dungzuiin hremna pek an ni hlak. Chuongang tak chun, Captain Oliver khawm vawi tam sipai dan bawsiein hremna khawm vawi tam tak pek a ni ta nghe nge.

Amiruokchu, a vawikhat insiem ṭhat a ngaiin HPC (D) designated Camp (Sinlung Camp) a Commander dinga “service’ tir nawk a nih. Nisienlakhawm, insiem ṭhat nekin pawl suksiet zawnga hma a lak el bakah HPC (D) hotulien hai mana an um hnungin sipai dan iengmaa ngai lovin vawi tam hma a lak a nih. Chu le inzawmin ‘warning’ khawm vawi tam pek a ni hnung chenin designated camp a arms (ralthuom) hai le tlanhmangpui a tum rawpna leiin “Capital Punishment” pek a nih. Keini sipai hai khawmin kan Commander suongum pakhat a ni ve leiin kan inpam lai zingin, a pawl, HPC (D) el bakah ram le hnam ta dinga him lo deu a ni leiin sipai dan a rel a nih. Kan inpamin kan inro hle. Amiruokchu, sipai danin a mi khuopde tlat leiin dan chunga rorel thei kan ni naw a nih. Mi tuelkhawm Captain Oliver thina chungthua hin thu le hla siem le neilo dingin hi Chanchinbu hmangin kan inhriettir cheu.

Source: HmasawnnaThar
Don't Miss
© all rights reserved
made with by Simon L Infimate