ding E-Kiss (internet fetlenga in fawp theina hmangruo a nih) chu Japanese Scientist Nobuhiro Takahasi chun a siem suok tah niin Daily Mail chanchinbu chun 2011, May thla khan alo hril taa. Hi hmangruo hi Kajimoto Research Laboratory Japan ramah siem le ensin mek a nih. Khawvel ram changkang a police haiin an hmang hlak, Breathalyser ( Hi hmangruo hi, inrui sunga motor khal hai an manna hmangruo a nia, zu an inruia, an bau an ka a, zu rim an nam deu chun an hriet thei nghal hlak a nih). Hi e-Kiss khawm hi chu Breathalyser sin thaw dan entawna siem suok chu a nih.E-kiss hi Naute nene nekna anga hmuom ding ani a, chu hmangruo chu a hmangtu ding mi pahni hai chun an nei veve a ngai ding a nih. Chu hmangruo an nei hnunga Internet fetlenga in kiss theina software pakhat an nei veve a ngai bawk. E-kiss hmangruo nau nene nekna anga siem chu hmuom anta, khingtieng ainthawka an lei le hmur in a hung suk vir dan ang ang in khingtieng panga mi khawm alo in vir ve pei ding a nih. Chu chun in kiss huna lei le lei intawk tir ang'n an lo hlimpui/inhawi anlo ti thei ve ding a nih. A tak taka in kiss ang chu ni naw sienkhawm, a ang thei dan ang taka siem chu a nih. Hi thil hi internet fetlenga taksa inthem/intawk theina tienga hmathuoitu (full person-to-person web experience) pakhat a lo ni ta a nih.
A siem dawktu pa Nobuhiro Takahashi chun hun sawtnawte hnunga hi hmangruo hi la suk changkang ni vat ata, in fawp hun, a zaia infawp le nasa deua in fawp hai, inthuok dan hai, thil inhnik hriet theina, lei a hul le hullo hai chen khawm hriet thei ala ni ding thu a hril. Hi hmangruo hi mipui vantlang hmang thei dinga zawr suok vat beisei a nih.
Ahnuoia video hi an demonstrate na a nih.
