HSA Shillong in Leader's Training a huoihawt

Shillong: HSA Shillong Jt.Hqrs in hun iemanichen a inthawka alo riruong tah, Leader's Training chu EFCI Centre, Demthring-Shillong hmunah vawisun khan nei a nih. Hi hun ahin resource person in Prof. Vanlalnghak, Louis L. keivom le Rev. Jessai L. Neitham hai hmang an nia, thuoitu nina pawimaw zie, mawphurna hai le kal chawi dan ding pawimaw tak tak hai student fe khawm hai leh hriltlangna an nei.

HSA Shillong Jt.Hqrs hi vawikhat thuoitu inthlak danglam laitak ani leiin, tuta nina chel mek le la hung chel pei ding hai khawm'n an tangkaipui ngei a beisei thu Tv. Vanlalmuon Pakhuongte, Acting President chun a hril.



Hi hun ahin Prof. Vanlalnghak in Indira Gandhi Tribal University, Manipur a  Director dinga ruot a nina chu lawmpuina'n HSA Shillong chun chawimawina thilpek inhlana a nei bawk.