HNA in remna palai sin

HNA thusuok chun, HPC (D) sunga ṭhuoitu inkar inhrietthiemnawna leia hringna iemanizat zet chan ani ta hi pawi a ti takzet a ti thu a puonga, anni (HPC-D ) sunga remna siem chu ram le hnam ta dinga thaw ding ṭul le makmaw hmasatak nia an hriet leiin 22nd April 2012 khan, Pu Lalhmingthang Sanate pawl le Pu Zosangbera pawl inkara REMNA PALAI sin chu thawa sukpuitling ngei dingin, Pathien le mipui ringsanin thutlukna chu alo siem tah ti thu chu H.R Khawbung, Secy. Info & Publicity chun a hril.

HNA hin a thiltum hi a sukpuitling ngei theina dingin, abikin Hmar hnam sunga kohran tinhai chu ṭawngtainaa ṭhangpui dingin a fiel bawk. Chun,tlawmngai pawl le political party, Hmar Inpui, HCLF, HYA, HSA, HWA, HNU, HPU le Khawtlang thuoitu bakah mimal tin hai khawm mani theina zawn sengah lo ṭhangpui dingin fielna a siem bawk.