HPC (D)-in an President an ring tâwk

Aizawl: HPC (D) chuan thuchhuah siamin, tuna an President ni mek, Lalhmingthanga Sanate chu an ring tâwk a, rinawm taka an thlawp tlat thu an tarlang.

HPC (D) thuchhuah chuan, "HPC (D)-in demand kan neihnaah kan hmalak zelnaah mipui thlawp kan hlawhna zawng zawngah lawmawm kan ti hle a ni.

"Hetih mek lai hian sorkar nen inbiak dan tur chungchangah Thanglianchhunga hi sorkar nena inbiakna tur buaipui tur leh hma la turin kan tir lo a, anmahni lo inrawlhna tur pawh a awm lo. Mimal hamthatna tur beiseina avanga hnam hminga thil tih hi tha kan ti lo hle a ni. Chuvangin, Thanglianchhunga leh a thuihruaite'n HPC leh HPC (D) hminga thil an tih reng reng remtih a ni tawh lo. An mizia kan hrechiang tawh a, kan mi rin zawng pawh an ni bawk lo. Hmar hnam himna tur leh thatna tura ramhnuaia awm kan ni a, mimal hamthatna zawng thei kan ni lo. Kum 15 ramhnuaiah kan awm tawh a, kum 15 dang pawh ramhnuaiah awm kan la inhuam a ni," an ti.

Source:Vanglaini