New Delhi: 63rd Republic Day le inzawma Gallantry Awards - sipai huoisen hai chawimawina dawng ding thlang suok hai lai Captain (SS-42174F ) Crossmawi Lalnuntluong Hmar S/o Hon.Capt. Lalremlien Nungate, Shillong khawm Sena Medal dawng ve dinga thlang a nih.Captain Crossmawi hi 6th Assam Regiment a a thang lai’n 42nd Battalion Rashtriya Rifles (RR) - Kashmir ah fe in, kum 2011, September thla khan ama inrawina hnuoi a helpawl hai leh an in kap tuo a, helpawl hai umna hluo dawkin an kap hlum vawng nghe nghe a nih. Vangduoi tlak takin silaimu hung khieng kuol velin a nakawr bul takah a hung deng fuk a, a mit khawm a tawk sa bawk. Thataka enkawl a ni hnungin tuhin chu a hung dam nawk ta a. Tukum kum thar a inthawk khan 8th Assam Regiment a bawk an sawn a, tuhin Kolkata hmun a posting mek a nih.
[caption id="attachment_6611" align="aligncenter" width="590" caption="Capt. Crossmawi L Hmar with his father during a Passing-Out Parade at Chennai"]
[/caption]Tukum Gallentry Awards dawng ding hi mi 368 lai thlang dawk an nih. Ashoka Chakra-1, Kirti Chakra-3, Shaurya Chakra-16, Bar to Sena Medal (Gallantry)-3, Sena Medal (Gallantry)-73, Nao Sena Medal (Gallantry)-3, Vayu Sena Medal (Gallantry)-2, Param Vishisht Seva Medal-28, Uttam Yudh Seva Medal-1, Bar to Ati Vishisht Seva Medal-1, Ati Vishisht Seva Medal-45, Yudh Seva Medal-4, Bar to Sena Medal (Devotion to Duty)-3, Sena Medal (Devotion to Duty)-37, Nao Sena Medal (Devotion to Duty)-8, Vayu Sena Medal (Devotion to Duty)-14, Bar to Vishisht Seva Medal-6, 115 Vishisht Seva Medal-115.
(With inputs from SinlengNews)
