Lo inhnu deu ta sienkhawm mi dang dang ânthawkin ngenna a um leiin 53rd HSA Gen. Assembly tlângpui chau report ei hung pêk ani a, kimchang taka report ei pêk theinaw leiin tiemtu hai hrietthiemna ei inngên a nih- VIRTHLI Business Session-
Assembly inthung tan hin ṭhuoitu hlui fam lo chang ta hai sunna hunser (Silent Prayer) nei ani hnungin Pu R.Th Varte Former President in Pathien kuoma ṭhawngṭaina anei zoin zingkâr dâr 11 ânthawk a zantieng dâr 4:30 chen ro rêl a nih.
General Assembly thurêl pawimawzuol ṭhenkhat hai-
- Sinlung Hills Autonomous District Council suk puitlingna dingin Hmar umna taphawtah HSA hmalaknain nikhat bunghei ṭawngtai a rawt. A hun le ni ding chu Central Executive Committee’n hung ruot an tih.
- HSA JHQ hai le Branch tin haiin tuta inthawk Gen. HQ ah fee sung tang an tih.
- HSA Campus, Rengkai a Auditorium bâwl mêk hi HSA Founder President Pu HL Daka hming inputtir a “HL Daka Memorial Hall” ti a ko dingin a rêl.
- Hmar Students’ Association Education Fund Management Board sukfel dinga rêl a nih.
- HSA Education department hi nasataka inchûkna tieng a hma ei lâk thar theina dingin Secretary Education inrawina hnuoia Education Department ah hin Committee siem dinga rêl a nih.
- “Inchûklai Nun” hi internet website hmanga sukhring dingin Shillong HSA hai mawphurna pêk a nih.
- Kum 2012 hi “Indinthar Kum” ti a puong a nih.
- HSA Campus Rengkai, Tribal Hostel a chung sâwng a Hmar Inpui in Office dinga room an hung ngen hi Assembly’n pawm a nih.
- HSA Constitution hmanglai mêk hi sukdik ding le siemṭhat ngaina a um zeu zeu leiin Constitution Review Committee indin dingin rêl a nih.
- HSA Logo mumal tak (common) pakhat siem a nei dingin rêl a nih.
- State pakhat a Joint Headquarters pathum nêka tamlem umna hai a hin a enkaitu ding Vice President General HQ (Nominee) General Headquarters OB haiin ruot an tih.
- Kum 2014 HSA Platinum Jubilee (75 years) hi ropui taka lawm dingin rel ani a, Celebration Committee hi anhma tieng indin ning a tih.
Election-
HSA Gen. Headquarters 2011-15 sûng a ṭuoitu thar ding thlangna chu Pu Ramthanglien Vice President HYA, Gen.HQ in a keihruoi a, hieng a hnuoia hai hi Palai fekhawm hai chun an thlang.
Office Bearers-
President- Pu Lalthlamuana Hmar, Shillong
Vice President- Pu Rochunghnung, Rengkai
Gen. Secretary- Tv. Rothanglien Khawbung, Aizawl
Asst. Gen. Secretary- Tv. Simon L Infimate, Shillong
Finance Secretary- Ms. Mawii Darngawn, Shillong
Assembly Secretariat-
Speaker- Dr. John Pulamte, Imphal
Dy. Speaker- Tv. Joseph R Hmar, Imphal
Secretary- Pu John Vanlalruot, Imphal
Dy. Secretary- Dr. Immanuel Zarzosang Varte
Office bearer thlang thar a um hai hin Assembly ah hin thukham an nei nghal a nih.
Pandal-
Pandal hi danglam bik rieuna a nei a, a dung 120ft. ani a, a khang 100ft. lai ani a, stage hi a khang 24ft. le a dung 108ft. ani bawk a nih. A bawlna hin tha 560 vel a lut a, HSA GHQ ânthawk cheng 1,00000/- dawng a ni bawk a nih.
Mikhuol-
Mikhuol rêng rêng palai hai le mi 1000 a tiem ani a, Counter pathum mikhuol hai in report na ding Sakawrdai khawsûng a hin siem ani a, chuong hai chu hieng ang hi a nih. Counter No. 1- Lalruotmawi Market, Counter No. 2- JYMA Information Centre, Counter No. 3- Sakawrdai Field.
Khuoltha-
Ei inkhâwmpui lien vawi 53 na hi Pu PL Pianmawia, Hon’ble Dy. Govt. Chief Whip, MLA, Govt. of Mizoram, Pu C Lalrosanga, ADG (NER) Prashar Bharati (AIR & Doordarshan), Pu Lalditsang, MDC, Churachandpur, Govt. of Manipur, Pu Ramthanglien, Vice President HYA Gen. HQ, Pu Remruata Varte, Editor ZOLife, Pu Lalmuanpuia Punte, NESO Vice President & Chairman ZORO, Pu Thangliensung, President, HPC Mizoram, Pu Lalkhawmawia, President, Tuaisual Group YMA, Pu Laldinliana, President VC Sakawrdai, MZP Vice President le OB ṭhenkhathai le mi pawimaw tamtak haiin an mi hung uop.
Souvenir-
53rd General Assembly hin Souvenir “Sinlung” a buotsai a, ei inkhâwmpui ah hin tlangzar a nih.
Rimawi-
Ei hlasakthiem inlârhai Pu Laltuoklien, Nk. Lalengvar Sinate, Pu Lalrawngbawla Ralte, Tv Lalsanglien hai le Blessed Choir hai le midang 30 vêlin ei inkhâwmpui lien hi hla’n an min awi bawk. Chun hnam lâm HSA Unit hran hran hieng Churachandpur, Senvawn, Suongpuilawn, Sakawrdai, Vairengte haiin mawitak tak an in entir bawk a nih.
Ṭhangpuina-
HSA Gen. HQ chun Sakawrdai khawsûng ta dingin bufai 50 Quintal le Plastic chair 100 pêk anni a, chun NGO dang dang le VC ânthawkin Water supply le thildang manaw le ṭul hai dawng ani bawk. Bieltu MLA ânthawkin Sakawrdai khuo hnai hai MST bus inkhâwmpui sûnga hmang dingin a pêk dawk bawk.
Media & PA Syatem-
Inkhâwmpui ṭan ânthawk hin chawllovin Sinlung Hills popo huop Local Channel ah Live telecast a insuo char char a nih. PA System khawm aṭha tâwk hle a, Aizawl ânthawk a incha dawk ngat ani leiin a ṭha tâwk hle a, Sakawrdai khawsûng el nilovin a kâwl vêl khuo khawm a khâwk hne hle a nih.
Programme hmangdân tlângpui-
A nikhatni hi Assembly palai hai rorêlna le ṭhuoitu thar inthlangna a hun hmang ani a, zân programme chu innagural function neiin Joint Headquarters le Branch tin hai ânthawk report ngaitlâk a nih.
A nihni na sûn le zân hi Cultural festival a hun hmng ani a, ei hlasakthiem tamtak hai le HSA Unit dang dang hai ânthawkin hla le hman lâm hai mawitak tak sakin anin entir.
A nithumna sûn le zân hi worship service a hmang ani a, Pu C Lalrosanga Speaker niin, Blessed Choir hai le Nk. Lalengvar Sinate haiin hla a rawngbawlna an nei bawk a nih.
Inkhâwmpui hi a hlawtling hle a, mi hai inpâk a hlaw êm êm a nih. Inchûklai pâwl inkhâwmpui a Worship Service um anlo hriet phutna ani bawk leiin Nu le Pa lungril le ei khuolṭha hai lungril a hne hle a nih.
Thlalak: 53rd General Assembly of the Hmar Students' Association 2011(Pics)
