FIELNA
A hmasan Hmar Students’ Association, Mizoram hmingin chibai kan buk cheu.H.S.A Gen Hqrs thuoitu hmasa hai le mithahnemngai hai hmalakna fepei zarin, Mizoram H.S.A hi Date 13,July,1986 khan Aizawl ah indin niin, tukum 2011 hi a Kum 25-na Silver Jubilee a nih a. Harsatna tamtak karah Pathien malsawmna le keithuoina zarin Kum 25 sung zet tluongtaka a fe hi lawm a um takzet a. Thuoitu hmasa hai inpekna le hmalakna tamtak hai lawmum ei ti a. Inchuklai hai le hnam tadinga kawng dang danga H.S.A hmalakna ah mipui beiseina phak naw sinkhawm hlawtlingna tamtak hmuding a um bawk.
Date 13,July, 2011 (Wed) a Mizoram a H.S.A Joint Hqrs pathum (Aizawl, Sinlung le Kolasib) Joint Meeting chun H.S.A Silver Jubilee lawmna nei ngei nisien tiin a lo rel a. Hitaka hin Organising Committee indinin, Silver Jubilee Souvenir buotsai nisien ti le H.S.A Silver Jubilee Lungphun (Monument) Sakawrdai ah siem nisien tiin rel a ni bawk.
Hi rorel haihi bawzui peiin, H.S.A Silver Jubilee lawmna le Cultural Festival chu Date 11,Nov, 2011 (Friday) Dar 11.00 AM hin Vanapa Hall Aizawl-ah hmang dingin inbuotsai a nih a. Pu PC Zoram Sangliana. Minister, Mizoram chu Khuollien a nieng a tih. Hitaka hin Jubilee Souvenir tlangzarna, Cultural Dance, Solo le Item dang dang neiding a niha. Jubilee Ruoi khawm buotsai tum a ni bawk.
Hi Programme a hlawtling theina dingin mipui a tam thei ang tak Vanapa Hall Aizawl ah fekhawm dingin H.S.A mi le sa hai ei infiel takzet a nih. Hi hun hi Hnam anga ei hmel inlangna pawimaw a ni leiin, thahnemngai taka ei hun hlutak hai senga thang ngei dingin nang le i staff hai, ngaina takin kan hung fiel takzet cheua. Mi lopuongzarpek dingin kan hung ngen nghal bawk che.
H.S.A DAMZING RAW SE
Sd/- Sd/-
JC Tlangthansiama Lalringum Riengsete
Chairman Secretary
HMAR STUDENTS’ ASSOCIATION. MIZORAM
SILVER JUBILEE CELEBRATION ORGANIZING COMMITTEE
Note: 1. Programme hi Khuollien neia , Dar 11.00AM a tan ding a ni leiin, mipui chu Dar 10.30 AM ah inkhawmna Hall sunga kim hman vawng dingin ei inbeisei takzet a nih.
2. Hi ni hin Hnam incheina nei hai chun, nei ang ang a inchei nisien.
