[/caption]Vangai Range TD Block Pu Dr Chaltonlien hma lakna zara November ni 1,2007 a Pu O.Ibobi Singh, Manipur Chief Ministerin Patpuihmun Hqrs-a a hawng tuta Office le Quarters hai khawm ṭekleia building 7 (pasari) lai bawl zo tah Pu Ngulkhanthang, BDO in a awp zing chu Vangai biel mipuihai ta dinga vangnei thlak le thil lawmum tak a nih.
Tarik 26th October 2011 a Chief Minister le Pu Chalton an inbieknaa chun Vangai Range TD Block chu Sub-Division-a hlangkai (upgrade) a, SDO mi awp ta dingin Pu Ibobi Singh in a remti thu a hril. Tipaimukh le Thanlon Sub-Division hai inkawpa siem ADC Pherzawl khawm chu District puitlinga hlangkai dingin a hrila. Sadar Hills le Jiribam District hai leh a ruola thaw a remti thu le Cabinet approval zovah puong (declare) a ni ding thu a hril.
Pu Chaltonlienin a hril pei dan chun hieng (1)Pherzawl ADC Office buildings & Quarters (2) Ankhasuo 33/11 KV Power Sub-Station le (3)Vangai Range Sub-Division (Vangai Range TD Block SDO Office a upgrade) hai hi 10th Assembly election ding Code of Conduct impose a ni hma ngeiin Inauguration thaw dingin Chief Minister in a hril.
Pu O. Ibobi Singh hi ei ram mi hmangaitu indiktak chu a nih tiin a chungah lawmthu a hril bawk.
The sender of this news item can be contacted at rralsun@gmail.com
Thu lawmum le ngainuomum thang la hung thar peihai khoma an la hung hril ding chu a nih. Amiruokchu, Thanlon sub-division le inkopa ADC Pherzawl hih nguntluka ngaituo chi a ni hmel. Tuta Tipaimukh area laia ei district ngen leh conflict theina um a tim ti chuh!!!! Anleh a tha ah ngai inla a hming chu Hmar hming ni thei a tim!
ReplyDeleteKan hnik zawng tak le kan vawi chi em em ei hnam ta dinga hamthatna tieng pang hi chu tiem ka chak ngawi ngawi hlak. Inthuruol taka zai khata ei luong kar ka nghakhla ngawt el... Ka khum chungah ha rawtin thawthei nei mang si lova ka dawn chang a tam ngawt el... In ngaituo ve hlak am...
ReplyDeleteAva hei thra lawm lawm de o. Pathien in ami umpui takzet ani. Hun lawm um le hun tha einei suong hi ei Pathien dit zawng takin hei um pei inla lem chu hi neka malsawmna tamlem mi pe pei bawk ati. Lalpa chu inpak in um raw se
ReplyDelete