Eilo nghakhla êm êm el kum khatah vawikhat cho eiin hmukhawm theina hun tha “Freshers’ Meet –cum- Annual Conference 2011" chu hung tlung ding tarik August ni 30 khin U So So Tham Auditorium (State Central Library) ah nei dingin ei insingsa mup mup zing a nih. Hi hun hi kumdang naw ang metin ei hmang ding ani a, Shool le office chawl (Central Holiday) a hall ei chang theinaw ruok hi chu pawi ei ti takzet zet a nih. Meghalaya State sûnga HSA Unit tin ânthawkin report hai ngaitlak ning a tih. Hi khaelah hin thuoitu thar thlangthar haiin Oath Taking nei bawk an tih. HYA khawmin tlawmngai a thisen pe hai chawimawina anei ding a nih. Chawimawina inchukna tienga thawtha zuol bikhai kuomah pêksuok ni bawk a tih.Chief Guest (Khuollien) dingin Pu Prof. Lal Dena, Dept. of History, Manipur University ning a tih. Ama hi Manipur University hnuoiah kum iemanizât a thawk hnungin Head of Dept. History niin a pension a, amiruokchu tuhin a pension hnung khawmin an fiel nâwk leiin ala thawk nâwk a nih. Saptawngin lekha inchûktuhai ta dinga tangkai êmêm lekhabu puitling pa 8 lai a ziek ta a, International le National level a hai khawm Seminar paper hai buotsaiin a fe hlak a, nina pawimawtak tak hai chellin Award khawm alo dawng ve nuol tah a nih. Guest of Honour (Khuol inzâum) dingin Pu. DNW Momin Director, Agriculture, Govt. of Meghalaya ning ata, ama hi eini ding chun ei mâkpa ding ana, a nuhmei chu Pi Singi ani a, Tura a um a nih. Ei inkhawmpui ni hin a pasal hung tawiawm ve dingin a hmel hmu ei beisei bawk a nih.
INCHEI DÂN LE NUNGCHANG
Hi ni hin T- Shirt le mak deudeu a incheia fe ei phal naw a, hnam thuom le puon iemani bêk inbel a formal deu a fe seng dingin ei inhriettir bawk a nih. Chun nuhmei khawm a mawinaw khawp hiela inchei ei phal naw a, kekawr bun phal ni bawk nawng a tih. Inruithei chu khap tawp ani a, alo thaw a mi pangai anglo rak a lo khawsa ei um ani chun khawtlâng thuoitu haiin bawzui an tih.Ei chawl vawng theinaw ding ani leiin hi ni hi inchûklai hai khawm ngaipawimaw a mani nikhat chu HSA ta ding a inhlân a thang ngei ngei ding a inhriettir ei nih. Chun thawkna nei hai Nu le Pa hai khawm hi ni hin chu châwl lo la lâwk a in nauhai mi hung uop ding kan fiel takmeu meu cheu.
TLÂNGSIN
Hung tlung ding Thlazîng (August) tarik ni 29 zantieng dâr 4 ah hin Hall decoration dingin member a thei ang ang U So So Tham Auditorium pan seng dinga inhriettir ei ni bawk a nih. Zantieng dâr 3 ah EFCI Centre a innghakkhâwm ding a nih.
FRESHERS HAI INHRIETTIRNA
A biktakin Freshers hai ta dinga programme lientak huoihawt a um ani leiin Freshers hai popo thangnaw phal ninaw ni a, damnawna lei le Exam lei ani ngawt naw chun. Alo thangnaw hai chu hrietthiem ni nawng an tih. In ni hi ngaipawimaw a kim taka fe seng dingin eiin hriettir nawn a nih.
MEMBERSHIP FEES & REGISTRATION
Annual Membership Fees petu hai popo kuomah lawmthu ei hril a, chun ala penaw khawm iemanizât eila um rawp a, pe ngei ngei dinga inhriettir ei ni bawk a nih. Chun Hung thar hai Registration la tahwlo eila um a anhma tieng a thawfel dingin eiin ngenin eiin hriettir bawk a nih. ID card dittu hai le membership fee ngaivenna ding chu Gen. Secretary Tv. Vanlalmuon Pakhuongte, 97747 48872 ning a tih.
Sd/-
Tv. James Ralsun
Secretary, Information & Publicity
HSA Jt. Hqrs., Shillong.
