Responsive Ad Slot

Vawisun hin tu rawng am a na ei bawl ding thlang ei tiu!

Monday, April 25, 2011

/ Published by VIRTHLI
~Darsanglien Khawbung, Aizawl

Lalpa rawngbawl hi tha awm nawa in hrietchun vawisun hin tu rawng am a na in bawlding thlang el ro; in thlatuhaiin vadung rala arawng an bawl hlak pathienhai kha am a ni, inI hluo ram Amor mihai pathien kha? Kei le kasunghai ruok hin chu LALPA rawng anih kanbawl ding chu……(Josua-24:15)

Nehemia:Bung:1-2 na thu ei tiem nawkchun,Jerusalem kul sie ta hnung , inngir nawkdinga a hmalak ṭan dan ei hmu a, a sie tak zetan ta ti a hmu in, a hriet a, a ṭawngṭaia,, Lalpahma ah thupha a chawi a, Jerusalem kul chuinngir that in a um nawk thu ei hmu a nih.

A chunga Bible chang ei tarlang khi inmilnaw a ei ngai el thei, amiruokchu a rawng ani bawl hlak Lalpa’n athangpui in a thlathlamngai naw zie hriettheiin ei hmu a ni leiin eitarlang a nih.

Hang ngaituo ve ta u,Rev.Ngamlalchawlhin a lova hmu lawk thiem in, a lova hriet inril ngei! Thlarau in hriettir an nawh ti ngamruol an le.Ani ngei, ei ram, ei hnam a chim zoin, a siet nawna lai a um ta naw an naw mawunau….. A phuokna san le ieng leia a phuokam ana ti tiengpang sui vak tum lem lo in, ahla hi ei tulai khawvel le hin an mil ta em leiin ka hung ziek ana, Ka pu Thangsawihmanghai ang in hang kawmen hai sien lem chu mitthlitlak na khawp rau ni ngei ngei atih.A hla chu le

1).Ka chansiet zie hi ngaituo tu,

Jerusalem kul ang in;

Eiram ei hnam a chimzo tah,

Thaw ro inngir nawk ei tiu.

Ani ngei, ei chan a sie ti chu ei hriet’in Jerusalemkul anga siemthat nawk hawphur umkhawpin, ei ram ei hman a chimzo ta tak zet tihi, ei hmu a, inngir nawk zai rel din kal ei pennaw ding maw….. tu am nang le kei naw thahnemngai ding dang um chuong an ta. Ka ramka hnam, I ram I hnam ani ve an naw maw?

Thaw ro in ngir tak luong ei tiu,

A siet naw na aum naw;

Hrilsieta ei um naw na din,

Tho ei ta inngir ei tiu.

A nih, ei ram ei hnam, . Mi hrilsiet le deusawa ei um tak tak hma ngei hin thang la tharineiin siem that chu angai an tan naw mani. Eilak naw chun aw….. A ra siek tu ding hlakchu ei ni tho ei ni si.

2).Mitin kul hai a chimzo tah,

Sungtin kulhai a chim tah;

Kohran tin a chim ta bawka,

Mihai suoka ei um tah.

Enta u, ei insungtin hai hi buoina’n a sip zo taa. A lova hang hriet indik ngei de….. Kohranhlak chu aw,Krista mi kohran ang tak in einun ei hmang ta naw ni ti hlak chu, a hmu tule a hretu vawng ei ni si,setan lawm zawngthaw in a suoka ei in tang an tan naw maw!?Eiin en chieng chu ava ngai de.A kohran le apawla ei buoia,Pathien nekin member tam le, hlawtama ei in el ani ta der hi. Foreign eipan sup supa, a rawng ei bawl pek Pathienhin ieng tin am milo inkhi veng ati aw……Khawvel thila hin ei in thlansiek nasa deu chuan ta naw maw. Tangka sum ngainat suol tinreng bul ani ti hrezing si in ei phe suau suauel chu an ta a.

3)Lalpa kei le kappa sunghanI dam kanlo bawsieta;

Sienkhawm aw Lalpa ka ngen che,

Ka mitthli hi theinghil naw.

Ava ṭha ngei aw; ngaidam na thu bek hretheia ei la um hi chu. Bawsietna lei le thawsuolnatam tak um sienkhawm, simna tak tak,mittui luongrak khawpa ngaidam ngen nachun,Lalpa,n ami la ngaidam nuom ani chu!Ei mitthli hi a tlawn in in luong ral tir naw ni.

4).I mihai chu lo suol ta in,

Kawlkil tin lo tlung sienkhawm,

An suolhai sima an kir chun,

“Malsawm ka tih” I tikha.

A chang tawpna hi chu aw…. Ei suolnahai,ngaidam theilo khawp ro a in sang am an taaw,ei ti hai,an sang tieng van chen ang hiel,an thuk tieng chu tuifinriet neka in thukkhawma ei lo ngai thei.Nisienlakhawm,ngaidamna a sip,Lalpa chun,ami la ngaidamthei in,malsawmna a vur mi tiem in, “Malsawmka ti a la tih” Ei va hang vang nei ngeimaw, lung insiet na a sip Pathien ei nei hichu! Alan hnusie naw in,thi tawma piengtharkhawm an um rawp an naw? Ei hmabak chuhre naw inla khawm, insiem that na ding chutuhin ala um ani.

A hla hrim hrim hi a phuoktu hlak chuthlarau a sip, a chanchin kimchang ziek nawinla khawm, anunah an lang. A saktu, MonicaLalhlimpui in aw……mitthli far zawi zawiaa hang sak hmu lem hin chu……Lampui chia ka ngai le kei chu,bawkkhupa hnuoilai pilvutainbuol puma sak chi le mitthli far tuk tukchunga sak chi hrim hrima ka ngai tlat chu ti!A hla hi thuphachawina hla a ni sia. Lampuina ding chun,ani naw deuin ka hriet,ngaidaminhni lai a lam le,hlimtak chu khawvel thilakhawm hin an vang ang reng ka ti. Chuleiintu rawng am ana ei bawl ding ti chu hrechiengin, Lalpa rawng bawl in, ei ram,ei hnamhin malsawmna khawm ei dawng ngei dingani. Lalpa mi ngaituo hnam ei ni ti hi chu achieng an naw a? Hnam tam tak lai a thilmakle, thlaraua sip,mi bik tam tak khawm,ei nia in thawka suok an tam el khela,hla ropuitak tak phuoka,hmun tin ramtin deng suokkhawp le ṭawng hrang hranga in leta sak anina ri ngawt khawm hi. Pathien mi hriet le ahnam tlang,malsawmna tin reng dawng tu eini hi.A rawng bawl lo a ama ei hlat hun hunchu a lung senna ei la tawng ngei awm si a. Arawng chau bawl din ei lungril hai siemthar eitiu. Lalpa chu in pak in um raw seh.

Don't Miss
© all rights reserved
made with by Simon L Infimate