[March ni 11, 2011 hian Hmar Peoples Convention-Democratic (HPC-D) hotute leh Mizoram sorkar aiawhte chu Aizawl-ah remna zawngin an inbe dawn nia hriat a ni.
HPC(D) leh Mizoram sorkar aiawhte hi kumin January chawlhkar hnihna-ah khan inbe tura ruahmanna siam a ni a, mahse, HPC(D) lamah hian an mi leh sa ni lem lo tel ve tura sawi a awm avangin Mizoram sorkar chuan, Mizoram mi leh sa dik takte lo chu biak an remchang lo tiin inbiak tumna hi thulh a lo ni tawh a ni.
November ni 11 khan HPC (D) leh Mizoram sorkar te hi a vawikhatna atan an lo inbe tawh a. Hetah hian thla ruk chhung atan an operation tihtawp (suspension of operations) an remti a, January, 2011 thla laihawl vela inbe leh turin ruahmanna an siam a. Hei hi thulh leh niin, karleh hian inbiakna chu tharthawh leh tum a ni ta a ni, thudawnna chuan a ti.]
Source:http://www.thezozamtimes.org/
Logo: mizoramexpress.com