~Rothangvung
Mi hai chu an vote Laptop, Bufai bag, Colour TV, Bawngpum, Buherkhawl etc ti dam in an zawr a eini cu vai hai thil zawr nep zek hnung angina Cheng 50/ 100 dam in ei hang zawr hi chu zawr laklaw si chun a hmingsiet tlak ngei el ie maw. Vai hai hi an vote a hlu bik am ani ding chu lukhawng aniei bik khawpel. One Man One Vote seng seng Pa le Pa ei inthlau rep rep ngei. Anchawtu hai hlak chun an thling pha mi hriefu talo. Ei Tipaimukh Road hlakchu Mawtawr ke pali nei an thlan le an tang naw le a petek a, Truck hai dam hi a lailung cho a ke nei um sien ei nuom chang bo lo. Khawvel a national Highway a chu a mak danglam bik rieu- Tluong taka infepawna ding a hranpa lieu a NH 150 Special Vehicle ti inbuk a design angai awm. Ei leilak hai hlak a kal ding ei fe malamin ei phur sa naw le sir ding umlo. Cl- X exam ding hlak chun Tuiṭhaphai a harsa hlum vang le inthlahrung ngawi ngawi a va exam a ngai. Sawrkar School hai hlakchu Bawng in an chang zo. Health center le damdawi in hai hlak chu a rim cho a sie a thlahrang le khawhri’n an hluo zo. Nau nei phat chempui a nau hai laihrui at tan a ngai nawk hlak. Electric in mi a shock hlak an ti hlak chun Hmarbiel le Vangai naupang khuomuol hriielo khawm a awilo. Amak ngei an awi le! Police hlakchu a hming ei hriet tawk. Tui hlak chu ala harsa nawk hrep nghal. Election a hung hnai nawk chu ei bang a hai passport size a tam nawk ta hi. Ei bang inawng hai a hruk a kawngkhat a chu a mawi ie.
