Facebook hi HYA website nisien

~ Miss. RN Tusing

Social networking site Facebook ei ti hi HYA website nisien chu ei thahnem pui awm ngei ie. Thu inpeksawng dam, thiltha inchuktirna damin hang hmang inla chu a ropui dan ding hi hril ding vang ngawt a tih.  Hmar (tawng hmang le hmangnaw) popo facebook a in register hi Sing ei hnai thuok ta chu tie. Thenkhat lem lem chun Biekin in ei hmang a, thenkhat in community hall angina, thenkhat nawk chun ngaizawng zawng nan, thenkhat in Zawlbuk angina, thenkhat in Pulpit angina, thenkhatin Park ang damin ei hmang tawl a, a pui mup mup khawpel. Fekhawm vawng inla chu Churachandpur Public Ground khawm a mi ken teu teu naw nih. Facebook a ei fekhawm ang hin hang fekhawm vawng inla chu a MUK awm ngei ka ti. Facebook eiin hnik ang hin ei inchukna, ei Hnam ei Ram le Pathienthu hi inhnik inla chu ropui hleng ei tih. Facebook hi bot hut sien chu Sakawrdai thlanmuol khawm a mi keng kher naw ni ie.