HSA Jt Hqrs Guwahati anthawk Fielna

Kumtina HSA Jt. Hqrs Guwahati in alo hmang hlak angin tukum khawm 3rd September, 10:30am hin Shilpgram,Guwahati,Assam  hmuna Freshers Social Meet hmang nading le in zawmin mitin thalai nu le pa, naupang, abiktakin Guwahati a  freshers hai po po thang ngei dinga fiel ei nih. Hi ei nipui ei hmang ding a hin ei renga inthuruol taka thang tlang seng dingin ei in ngen nghal bawk.

Programme chu ahnuoia ang hi ning atih:

Guwahati HSA Freshers Meet 2012 Photos

VENUE: SHILPAGRAM, PANZABARI
DATE: 20th August, 2012
TIME: 10 am

Guwahati HSA Freshers' Meet inhawi taka hmang a nih

Guwahati: HSA Guwahati Joint Headquarter chun August 20, 2012 khan hlim le inhawi titak in Freshers’ Social anlo hmangzo tah; Hi hun a hin Pu Thanghlun Hmar,IRS (Chairman, Hmar Welfare society, Guwahati le HSA Advisor) chief-guest a nih. Programme phuisuitak le ropuitak a hmangzo a nih. Miss le Mr Freshers’ khawm thlangna nei anih. Fashion parade le insuk hlimna chi dang dang aum bawk a nih.
Chief Guest Pu Thanghlun Hmar IRS chun inchuklai hai “taimakna le “tumruna” nei a pawimaw zie subject a hmagin thu hrilna a nei.
Mr Fresher 2012 a dingin Tv Issac Lalmalsawm thlang ania.Ms Fresher a dingin Ms Mary Songate thlang ani bawk.
Inchuklai hai chun Tv John sellete,Nk Ruth Chonzik le Nk Mawi Tusing hai inrawinain fashion parade- Hnam puon chidang danga inthuomin suklangna an nei.
Hi fashion show a hin lawmman siem ania,best model award Pasal tienga Tv Lallukhum Neitham inhlan ania,nuhmei tiengah Ms Christy Hluothangpui Hmar inlan ani bawk.Hi lawmman sponser tu hai chu Ms Chawngparmawi Neitham le Ms Jezreel Lalditpui Hmar hai an nih.
HSA Jt,Hqrs chun meritorious award category dang danga hlawthlingna changtu hai inhlanna anei a,Chun, Category dang danga Ist Divisioner hai pawisa sum le memento inhlan annih.

Fresher hai tadingin tawngtai pekna le thuhril tawi Pastor le midang danga inthawkin ngaithlakna nei ani bawk.

Hi ni hin Hmar Welfare Directory hunsawt taka inthawka buoipuia um chu Dr C.Chonzik in thlangzarna a nei.
Fak le dawn hnienghnar taka buoisai ani bawk.
Mipui Fekhawm hai chu, rimawi le Hnam lam le insuk hlimna chidang dang umhai chun a suk hlim hle. HSA thuoitu hai hieng angah program puitling huihawt theia an um hi lawm an um tak zet.



~http://www.hmarguwahati.com/hsa-freshers-social-meet-2012/