Parbung North ICI KṬP huoihawt COFFEE NITE hlawtling taka hmang

Parbung, December 21, 2025, Virthli (ONP): Independent Church of India Parbung North KTP in pieng tîra ruol ban lo hai ṭhangpuina dinga COFFEE NITE a lo huoihawt hlak chu December 20, 2025  dar 7:00 PM khan Sâtṭhiek Zâwl, Parbung-ah hlawtling takin nei a nih. Hun hmangna hi Nk. Lalmalsawm le Tv. Ramkumhlun han an keiṭhuoia, hun hawng ṭawngṭaina Upa Sakhawlien-in a nei zoin lawmlutna thucha Pu Lallawmsang, Local Secretary in hrilna a nei.

Hun hmasa tieng Chief Host~Pu Malsawmthang Infimate, Senior Superintendent, Passport Seva Kendra Aizawl, Ministry of External Affairs anthawkin thuhril ngaithlak a ni a, ama bâka hin Chief Guest~Dr. Laldawmsang, MO, CHC Parbung le Guest of Honour~ Pu Fimlienhrang hai a'nthawk khawmin thuhril ngaithlâk a ni a, Rev. Jehova L. Pudaite a'nthawk khawmin Krismas Messege ropuitak el ngaithlak a nih.

Coffee Nite a hin hlasak thiem~Tv. Amra Sungte, Tv. Lalmalsawm Darngawn, Pi Cindy Khawbung, Nk. Hallelui Ramenkawl le Ms. Zathangpui han inpakna hla hai sakin mipui fêkhawm hai an inawi a, lawmthu hrilna KṬP Chairman~Pu Jehovah Lalringumin a nei zoin ṭawngṭainain hunser hmanga um hi khâr a nih. Coffee Nite a sum hmusuoka um hai hi khawsunga ruol ban lo, mi harsa zuol hai ṭhangpuina dinga hmang hlak a ni a, hi hunser a hin items khawm chi hran hran khawm nei hlak a nih.