CHIBAI BÛKNA
A hmasa in ei Lalpa Isu Krista hmingin chibai ka bûk cheu.
Martyrs' Day yawi 36-na hung tlung ding a hin ei ram le hnam ta dinga hringna hlutak lo inhlantu hai po po inzana chibai ka bûk a, ram le hnam ta dinga an tha le zung tam tak seng a ke lo pên suok hlak ei Returnees hai khawm inzana chibai ka bûk bawk a nih. An inpêkna hlutak leiin thangthar haiin ei vawisunni hi thlamuong takin ei hmang thei a nih, ti hi hre thar nâwk seng ei tiu.
Kum 2025, May ni 16 hin Sinlung Hills Council bultumin Saipum khuo ah Martyrs' Day hmang a ni ding a, hi hun a hin Sinlung Hills Council area sunga mipui hai a thei taphaŵt hmang dingin ei in fiel a nih.
Martyrs' Day yawi 36-na hi Sinlung Hills Council area sunga khawtin haiin VC hai keithuoina hnuoiah mani remchang dan ang peiin ursun taka lo hmang seng dingin ka ngên bawk a ni.
Ei Martyrs hai le ram le hnam ta dinga ke lo pên suok hai lei a Sinlung Hills Council hi hung pieng a nih, tih hi ei theinghil ngai nawh a, vawisunni a Council Member hai le hun la hung um pei dinga ṭhuoitu la hung ni pei ding hai khawman indik tak le inzuamtak a sin an hung thaw pei theina dingin in ṭawngtaipui pawn pei ei tiu.
Sinlung Hills Council Pathien in malsawm in ṭhuoi pei rawse.
Ricky Lalremsanga
Chief Executive Member
Sinlung Hills Council
