Tuiṭhaphai, April 12, 2025, Virthli(ONP): Hmar Students' Association Tuiṭhaphai Joint Headquarters Conference 2025 chu HSA Meeting Hall, HSA Campus, Rengkai hmun ah hlawtling taka hmang zo a nih. Hun hmasatieng Pu Jeffrey Saihmang, President, HSA Tuiṭhaphai JHQ in palai hai lawmlûtna le Pathien Thu thienghlim tiemlangna a nei zovin Pu Buonglienṭhuom, Vice President, HSA Tuiṭhaphai JHQ in Conference inhlânna ṭawngṭaina hun a hmang.
May 2024 - March 2025 chena HSA Tuiṭhaphai JHQ hmalâkna report Tv. Ramngaium Songate, General Secretary, HSA Tuiṭhaphai JHQ a'nthawk ngaithlâkna nei a ni bâkah Unit 8 a'nthawk report ngaithlakna a ni bawk a nih.
Hi Conference a hin Unit 11 a'nthawk palai 68 an ṭhanga, Unit palai hai bâk a hin HSA GHQ a'nthawk Pu James Pusing, Asst General Secy., Tv. Immanuel Joute Info & Publicity Secy., Elson Khawbung, CEC Member le Ramneisang Faiheng, Development Secy. hai an ṭhang bawk a nih.
Rorêl inkhawm zo ah HSA Tuiṭhaphai JHQ 2025-2027 term sûnga ṭhuoitu ding thlangna nei a nih. Presiding Officer in Hmar Inpui Tuiṭhaphai Region a President Pu Nathan Sanate a ṭhanga, Recording Secretary in Pu
Sumrosiem Sanate, Secretary, Hmar Inpui Tuiṭhaphai Region a ṭhanga, Election Observer in Pu Ramneisang Faiheng, Development Secretary HSA GHQ chu a ṭhang bawk a nih.
HSA Tuiṭhaphai JHQ 2025-2027 term sûnga ṭhuoitu dinga thlangtling hai chu;
President: Pu Jeffrey Saihmang
Vice President: Pu Buonglienṭhuom
General Secretary: Tv. Ramngaium Songate
Asst.General Secretary: Tv. Enoch Peter
Finance Secretary: Nk. Judith Lalditum
Treasurer: Nk. Catherine Ruolṭhatling
Thlangtlinga um hai ṭawngṭaipekna le Oath - taking hun Pastor Samuel Ramdinthar in a nei a Election hun suktawp a nih.
