Tuithaphai, May 21, 2022 Virthli (ONP): Independent Church of India Tuiṭhaphai Presbytery Kristien Ṭhalai Pawl chun May 9-21, 2022 hun sûng khan PLD Turf Ground, Thingkhangphai, Vision Turf, Rengkai, JJ Plaza Rengkai, SBC Campus, Sielmat le Muolvaiphai Playground a hai hlimtlâng takin SPORTS MEET 2022 an nei.
Hi Sports Meet a hin Tuiṭhaphai Presbytery sûnga KṬP Unit hran hran, 20 lâi an ṭhang a, nuhmei le pasal ta dinga games item chi hran hran huoihawta um ah KṬP Unit hran hran ha'n inelna chi tum tum an nei. Games item tin hi Unit Competition anga fe in point system in a fe a, Sports Meet 2022 a Overall Champion chu Ngurte Unit an ni a, a pahnina le pathumna latu chu Sielmat Unit le Muolvaiphei Hebron Unit hai an nih.
KṬP members hai lai inthuruolna, inunauna, inremna, inhmangaina, inhrietpawna ṭha lem le lungril hmun khata rawng an bâwl tlâng pei theina dinga Sports Meet hi huoihawt a ni thu ICI TPKṬP Sports Meet 2022 Sub-Committee a Convenor- E. Ramngailien Lungṭau le Secretary- Robert Joute hai chun Virthli Palai an hril.
Grand Finale vawisûn Muolvaiphei playground-ah ropuitakin nei a nih. Hi huna hin Sports Meet 2022 nei a ni huna haia Special Guest hai: Pu Finny Lalthansiama,Than Than Drinks, Pu James Cole, Cole Industry, Pu Joseph Santulien Tusing, King Kones, Pu Lalnunmawi Zote, MZote Borewell, Benjamin Zoremsung, Kim's Aqua le Pu Lalrammawi Hmar, KT Spring hai Chawimawina Memento inhlan an nih.
KṬP Hlapui " Lal Iengkim Thawthei" sak a ni zoin Sports Meet 2022 khârna le ruoi inhlânna Rev. Lalneikhum, P/S, Tuiṭhaphai Presbytery ICI in a nei zoin Sports hi khâr niin Muolvaiphei ICI Biekin Campus ah hmangaina ruoi kîltlâng a nih.
