Responsive Ad Slot

Lungthulien le Sipuikawn ah inṭhiṭheina hmanga sum inlâkpek tumna a tlung: Mipuiin an ditnaw zie suklangnain lam hraw

Tuesday, February 22, 2022

/ Published by VIRTHLI
Lungthulien, February 22, 2022, Virthli (ONP):Tarik February ni 20, 2022 zân dar 9:00 p.m. bawr vel khan hmel hrietlo, hmai tuom, ralthuom chawi mi iemanizat ha'n Lungthulien khuoa Upa Jonathan chu a chengna In ah inṭhiṭheina le thawluina hmangin sum an lâk pêk tum, hi zân vêk zân ril dâr 1:00 a.m. bawr vel khan Sipuikawn khuoa BJP Eelection Committee Chairman a chengna In khawm hieng ralthuom chawi pawl hai bawk hin inṭhiṭheina le thawluina hmangin sum lâk pek tumin an rawk pek. Nu le nau sukthlabâr zâwnga hieng ang thil thawtuhai hi mipui chun  an dem hle.


Hi thil tlung an dit naw zie suklangnain vawisun khan Lungthulien khuoah mipuiin lam hrawna an nei a, ralthuom chawia inṭhiṭheina hi an dit naw thu an khekpui. Hieng ang thil thawtuhai hi man dawk ngei an ni theina din thuneituhai kuomah an intlun ding thu le, hma tieng peia mipui suk thlabâr zawnga ralthuom che lek a inṭhitheina le thawluina hai hi mi tuel khawma thaw ta ngai lo dingin an ngen bawk a nih.
Don't Miss
© all rights reserved
made with by Simon L Infimate