Rengkai, November 7, 2021, Virthli (ONP): Independent Church of India, Rengkai Gilgal Kristien Ṭhalai Pawl-in Gilgal KṬP IDOL a huoihawt chu audition round zo fel ni tah in, November ni 7, vawizan dâr 7:00 PM khan Gilgal NSSU Hall ah Live Competition round (Top 10 round) nei a nih. Hi huna hin audition round pal tlenga live Competition a inhlangkai contestant mi 10 haiin KṬP Idol ni ngêi tumin hla sak inelna an nei.
Ṭhalai members hla tienga thiemthil nei hai phawrsuokna dinga KṬP IDOL hi huoihawt a nih.
Live Competition round a hin guiter leh music ṭhangin contestant ha'n live Competition round pal tlang ngei tumin an râwl mawina le an thiemna po po insuoin hlâ an sak a, contestant hai lai hla sak thiem ding beisei um an tam hle.
Gilgal KṬP IDOL a hin endiktuin- Tv. Lalthlawnpek Tusing, L.Z. Hmar, Nk.Erica Zarzokim le Tv. Eljay Ngaite hai an ṭhang a. Gilgal KṬP IDOL hi Nk. Jeneth Hrilnohnemin hne takin a host hlak.
Live competition round (Top Ten Round) a hin Top 5 Result puong nghal a ni a. Top 5 round inhlângkai contestant hai chu~ Michael Lalrorel, Juanita Zoparmawi, Rebecca Lallawmkim, Loretta Ramtharmawi le Chatuon Ramhlunnei hai an nih.
