BJP Mahila Morcha Executive Meeting nei; Thangpuina thahnem tawk tak pek

Tuithaphai, October 29, 2021 Virthli (ONP): Liemtah October 29, 2021 khan Tuithaphai-ah Churachandpur le Pherzawl District Mahila Morcha Mandal Executive Meeting nei a nih. Meeting huna hin BJP Mahil Morcha thuoitu pawimaw tak tak hieng Pi Thangthatling Sinate, President, Mahila Morcha Churachandpur & Pherzawl; Pi Lotika Leima, President Mahila Morcha, Manipur le Manipur state sunga Mahila Morcha thuoitu iemanizat an thang a; Pi  Sumitra Lalooji, National Ex Member le  Mahilla Morcha Manipur In- charge chu khuollien in a thang.

Executive meeting huna hin Churachandpur le Pherzawl District a Mahila morcha mandal thuoitu fekhawm haiin India sawrkarin nuhmeihai a ngaipawimaw thu, ram le hnam le khawtlang ta dinga mi pawimaw le hmasawnna sirbi pawimaw tak pakhat an ni thu le, nuhmeihai hin hmasawnna sirbi ei hraw mekna-ah danglamna intluntu ni dinga thaw ding tam tak an nei thuhai an hril khawm niiin ei thu lakna chun a hril.

Hi huna State Mahila President Smt. Leima in thu a hrilna a chun, hungtlung ding 2022 a Manipur MLA election hung um dinga hin Churachandpur le Pherzawl district Mahila Morcha President Pi Thangthatling Sinate in BJP Ticket an chu ve thu, sawrkarin nuhmei quota a ticket a peksuok dinga hin ditsak a hlaw ding thu le, Tipaimukh biela danglamna intluna hmasawnna sinthawtu dinga ringzo um a ni thu hai uor takin a hril.

BJP Mahila Morcha Executive meeting huna fekhawm mipui tam tak hai lai thilpek thahnem tawk tak pek a ni a; chuong hai lai chun taksa pieng dana ruol ban ta lo Pu Darthangvung, Muolvaiphei chu Wheelchair pek a ni a; kum 70 chungtieng mi sawmhai chu phalbi huna an pawimaw ding puonlum (blanket) pek an ni bawk. Meeting a thanghai hin zantieng ruoi inhnik tak an kiltlang niin ei thu lakna chun a hril.