Lawmman pawisa sumfai le nopui tamtak hai hi Pu Zosumthang Hmar, Member of Autonomous Council (M.A.C), North Cachar Hills Autonomous Council (NCHAC) in a tum (sponsored) vawng a nih.
Hi tournament hi Jinam Valley a ding chun mipui pungkhawm tamna tak a la ni nghe nghe a, inkheltu hai khawm an thiem tawl a, thlirtu mipui mit a tlai hle a nih.
Football (Pasal) 3rd Place hi Lt. Easter Memorial Team, Muollien le Lt. Rev. Kama Memorial Team Vawngzawl hai inkhel ding an ni a, amiruokchu tukum hi N.C. Hills ah Hmar hai laia chanchinṭha hung lutna Vawngzawl-ah kum 100 tling kum a ni leiin Lt. Easter Memorial Team, Muollien haiin kan rawngbawlna tiin Lt. Rev. Kama Memorial Team Vawngzawl hai chu 3rd Place hi inhnel lovin an inhlan.
Luka 6:31 a ei hmu angin “mîn in chunga an thaw dinga in dit ang peiin mi chunga khawm thaw ve ro” a ti angin unau Vawngzawl hai khawmin kan unaupa Lt. Easter Intoate kan rāl vena tiin dakbawm an inhlān ve thung. 3rd Place lawmman hi sumfai cheng 10,000/- a nih. Hieng ang lungril nei hai hi entawn tlak tak an nih.
Hieng ahnuoia hai hi lawmman dawngtu hai chu an nih:
Football (Pasal)
Winner: Mauchar FC
1st Runner-up: Manmasi FC., Tattephai
2nd Runner-up: Lt. Rev. Kama Memorial Team, Vawngzawl
Volley Ball
Winner: (NDYC), Dijung
1st Runner-up: ZAC, Leiri
Football (Nuhmei)
Winner: Lt. Easter Memorial Team, Muollien
1st Runner-up: ZAC, Leiri
Mimal (Individual) lawmman dawngtu hai:
Best Player (Men’s Football): Mr. John Kennedy Zate, Mauchar
Highest Scorer (Men’s Football): Mr. Lallawmthang Hmar, Manmasi FC., Tattephai
Highest Scorer (Women’s Football): Miss. Crossmoi Intoate, Lt. Easter Memorial Team, Muollien
Best Player (Men’s Volley Ball): Mr. Ipeuwangbe Newme, NDYC, New Born (Dijung)
