Responsive Ad Slot

TRIBAL MUSEUM, PHERZAWL DISTRICT

Friday, August 6, 2021

/ Published by VIRTHLI
TRIBAL MUSEUM, PHERZAWL DISTRICT
Thlazing 6, 2021 

Manipur sawrkar hmalakna hnuoia Manipur sunga ‘recognised tribes’ hai puolin Tribal museum bawl ding ti nikum 2020 khan thutlukna siem a lo nih. Chu dungzui chun tukum 2021 Thlavul thla khan Tribal Museum chu Pherzawl District sung ngeia bawl ding thu sukfel a nih. Museum hi sawrkar ‘design’ pek dawk anga bawl zui a ni bawk. Thlatun thla khan Hmar Inpui, Pherzawl DC, Pherzawl Chief le Pherzawl Village Authority hai inhrepawin  Pherzawl khaw sung ngeia museum hi bawl ţan a lo nih.
 Hmalakna iem ani chen a um hnungin, a hmun sawn ţha ti a ni leiin sawn a lo ni nawk a. Covid-19 hripui leia lockdown um mek kara thei tawp suoin hma lakna chun hmu theiin ra a hung insuo tah leiin lawm a um tak zet. Museum bawlna thua hma mi lapuitu Pherzawl Village Authority chunga le Museum bawlna hmun phaltaka suoi kei ngeia mi petu Chief of Pherzawl Pu Lalramsang Infimate chunga Hmar Inpui chun lawm thu a hril nghal a nih.
Thahnemngai leiin mipui tamtak an bengvarna ei hrietin lawm a um. Hmun danga museum bawl hai khawm a renga zofello a um nuol a, eini tieng khawm cheibawl ding tlawmte chu a la uma, sawt nawte a zo nghal ni bawk a tih. Hi laia thlakhla taka lo thlirtu hai khawma ţhahnem ngaithaka lungrila mi lo hrefu dingin kan hung ngen nghal bawk.

Sd/-

(JOSEPH R HMAR)
President
                 (FRANCIS SONGATE)
 General Secretary
Don't Miss
© all rights reserved
made with by Simon L Infimate