Responsive Ad Slot

Hmar Inpui Thusim

Friday, June 11, 2021

/ Published by Joyful Thiek

By Ramthienghlim Varte

Hmar Inpui (Apex body of the Hmar Tribe) hi a bul le bal, a hung intan dan le rorelna mipui ta dinga sinthaw/rawngbawlna le a fe pei dan mitin hriet thei ding awma inlang ziek hi a tha’n ka hriet a. HMAR INPUI THUSIM tiin a tawi thei angin ei suklang tum a nih.



THUHMA :
Khawvela Hmarhai intlungkhawmna le rorelna insangtak HMAR INPUI hi kum 20 a upa a na. Hmar nauhai kei khawma kawng tinrenga hmasawnna intlungtirtu ni ding le hnam ai-aw a kawng iengkima mawphurtu dingin hnam tadinga thahnemngai palai fe khawmin Sielmat, Churachandpur, Manipur ah inthuruol le huoisen takin tarik Ni 30, October 2000 khan ‘HMAR INPUI indin kan rem ti’ tiin a hung pieng suok a. Hmar Inpui Inawpdan Bu (Constitution) drafting committee inruot nghal a ni a. Hnam nunphung (Culture), Ṭawng (Language), nina (identity) le pawimawhai la khawmin hnam zalenna humhaltu dinga dan bu chu phara siem relin Hmar Inpui General Assembly hmasatak November 30, 2002 khan Hmarkhawlien, Assam ah inza taka zawm le hmang dingin thuthlukna siemin pawm a nih. Chuleiin, hungthlung ding tarik Ni 30, October 2021 hi a piengchampha vawi 20na ding a ni tah.
HMAR INPUI (Apex body of the Hmar Tribe) :
Hmar Inpui (Apex body of the Hmar Tribe) hi khawvela Hmar tuelkhawm a chin a lien, a pasie-hausa; sakhuona ah kohran pawl tum tum HCLF (Hmar Christian Leaders’ Forum) hnuoia um le umnaw; Chun, khawtlang le hnam thil a organization lien hieng - Hmar Literature Society (HLS), Hmar Youth Association (HYA), Hmar Artiste Association (HAA), Hmar Students’ Association (HSA), Hmar National Union (HNU), Hmar Peoples’ Convention(HPC) Mizoram, Hmar Peoples’ Union (HPU) Assam le dang danghai inthlungkhawmna INPUI, thuneina insang tak nei dinga buotsai a nih.

Inawpdan bu Chapter - 1 Article 1 : Clause i-vi ah hienghin an ziek.
  1. Khawvela Hmar nau, hmuntin le ramtina chenghai po po inthlungkhawmna IN (House) chu HMAR INPUI hi a nih. Hi chungah Hmar hnam pawl dang ngir thei naw nih.
  2. Hmar Inpui office chu General Asembly-in a thlang President, Vice President, Gen. Secretary, Joint Secretary, Finance Secretary, Treasurer le an ni thlawptu dinga ruot Joint Secretary le department Secretary le Executive member haiin awpin á¹­huoi an tih.
  3. Hmar Inpui chun kawng iengkimah Hmar mipui ai-aw thei an ta, thu hrilin sinthaw thei bawk an tih.
  4. Hmar hnam sunga buoina neu neu le inkhik-inkhalna a tlung chun PA chan changin ro rel a ta, a thuthlukna chu thutawp ning a tih.
  5. Hnam sunga organization/Association haiin an pawl iná¹­huoidan le fe pei danah harsatna/buoina an tuok chang PA chan changin inrawl a ta, a á¹­ul le pawimaw ang dungzuiin buoina chu chingfel a ni theina dingin theitawp suo hlak a tih.
  6. Hmar hnam sunga organisation/association-hai a’n thawk Annual activity Report le á¹­ul le pawimawa a hriethai ‘Account Statement’ chen en pek thei a tih.

HMAR INPUI INṬHUOI DAN TLANGPUI :
Hmar Inpui General Assembly thlang President inrawina hnuoia a tul ang angin Executive committee neiin hma la in iengkima keihruoiin rorelna fe pui a ni a. Vawisun chenin hrat takin ei la’n keihruoi pei thei a lawm a um hle a. Kum 2013 khan General Assembly khan ei inawpdan (Constitution) a pumpuia ennawn ding ti a ni a. Draft & Review Committee ruotin special Assembly vawithum lai nei a ni bakah Hmarkhawlien (Barak Valley) le Muolhoi (N.C.Hills) Assam a hai a hran lieu lieuva consultation Meeting nei a ni hnungin Kum 2015 khan Hmar Inpui General Assembly vawi 7na Hmarkhawlien, Cachar, Assam-ah neiin tuta ei inawpdan (Constitution) hmang lai hih lungruol taka hmang dingin pawm a lo ni tah. A hmaa la nei ngai lo Constitution Draft & Review Committee ri ruong dungzuiin Assembly Secretariat siem a ni bakah hnam sunga thubuoi-hlabuoi rel le chingfeltu ding Hmar Inpui COURT siemsa a ni a, chu taka lukhaitu dingin Assembly Speaker ruot a nih. Inpui Court le inzawm rorel ding a um changa an designation ding siem an naw’n an lang a. Department dang a lo ni leiin siem belsa nisien a tha hmel.
Kum 1986 hnung hun iemani chen lai bawrvel khan Hnam tadinga á¹­hahnemngaia rawngbawltu le á¹­huoitu thangthar fel tak tak ei hung suok a. Ngaidan le thawdan thar neiin hnam damna lampui an mihung dap pui a. Inthuruol takin ei zui duol duol a, á¹­huoitu filawr le a firfiek deu hnam tadinga hringna lo inhlan khawm iemanizat ei um tah a. Ṭhangthar hmathlirna á¹­halem dang an hung suok pei a ei hei insuk deu nawk nawk hun dam, naupang bawk chil innal nun thlaphena buoina tuok pawl ei hung um pha zeu zeu chang dam a um khawm a hawi a. Hnam hmangaina thlarauvin bul ta siin thu’n a hmawr ei inbawk ding khawm nisien a hawi vang chang ei tlung hlak.
Hiengang buoina nek nek le unau danghai laka inhumhalna dinga ram, hnam le á¹­awng humhalna kawnga Hmar Inpui hin a á¹­ul ang peiin nasatakin sin a thaw a. Mipui, mimir le dang dang ta dinghin thilthaw ding a lo tam a. Hieng ei hnam damna le hmasawnna ding ngaituoa hnam pumhuopa Kohran le pawl tum tum indinhai hma lakna sukhrat a, a á¹­ul anga ngaidan á¹­ha pea á¹­hang tlang le hnam dang, á¹­awng dang hmanghai le inngei taka khawsak tlang a in unauna vawng tlat dinga insuikhawmna dinga mawphurtu le hma laa In(house) khawm hluolum hman lova vawisun chena sinthawtu chuh a hung ni ta pei a nih. (Hmar Inpui thusim - II next)
May 30, 2021
Don't Miss
© all rights reserved
made with by Simon L Infimate