Responsive Ad Slot

HMAR AUTONOMOUS COUNCIL THU BAWIZUINA GUWAHAT IAH NEI

Monday, February 1, 2021

/ Published by Simon L Infimate

Guwahati, February 1, 2021, Virthli (ONP): Inremna thuthlung a um vat theina ding thu bawzuiin liemtah zirtawpni ni 29 January 2021 khan SB office fethlengin Assam rama Hmar Autonomous Council (Core & Sattellite) chunchâng ah Pu David L Hmar, Chairman, HPC(D), Assam Region le Pu Remsang Joute Secretary HPC(D) Assam Region inrawinain Guwahati-a mi pawimaw ṭhenkhat hai le inrawnna nei ani bakah Tripartite (Central-State-HPC-D )settlement talks nei a hun nawk tah ti leiin a ṭûl danghai bawzuina an nei.



ADGP H. Dutt le inbiekna a chun MLA Election hma ngeia Chief Minister khawm inbiekpui nâwk nisien, chu ding chun appointment lo sukfel dinga ti a nih. CM le inhmu huna hin MoS (Memorandum of Settlement) ziek dinga hmalak in beisei a nih. Status report khawm ADGP a’nthawkin hriet belsa a ni bawk.


Guwahati a fe ei palaihai kuomah ADGP chun central a’nthawk sawrkarin ei demand chungchang ngaiven dingin central palai ama le inhmu dinga a hung tir thuhai an thlun bawk. Hieng hai bâkah, Print Media tienga senior staff reporter hai inpawlpuina tarik 31/1/21 khan nei a ni a, an hmatieng HAC (core & sattelite) demand chungthu mipui le a lo tiemtu taphawt haiin an hriet ding awm le ṭûlhai newspaper ah insuo la hung ning a tih.


Hmar Autonomous Council (Core & Sattelite) Assam a ei ngenna le inzawmin abiktakin tuhin Cachar le NC Hills a hnam ṭhuoituhai inlaichinna chu a fe ṭha peia, hi neka sukhrat tumin Hmar Inpui hnuoiah sawrkara mi pawimaw tak tak hai inhmupui zawm pei dingin hma lak ning a tih tiin HPC(D) hotu hai chun Virthli palai an hril.

Don't Miss
© all rights reserved
made with by Simon L Infimate