ICI Central Choir le Hmathlir Team Kum Tawp Futsal Fellowship Nei
Tuițhaphai, December 30, 2020, Virthli (ONP): ICI Central Choir le Hmathlir Team chun December 29 khan Kum Tawp Futsal Fellowship hlim tlâng takin Kholmun Futsal Groundah an nei. ICI Central Choir Team hi Tv. Lalthlawnpek Tusing (Choir Conductor) in a'n rawia, Choir team a hin tlangvalhai Lalrosiem, Samuel Lalmalsawm, Eldad Ngaite, Thangrawnlien, Hmingthanglur le Johnny Famhawite hai an țhang. Hmathlir Team tieng hin Upa David L Inbuon (Lecturer, Lamka Gov. College) Tv. E Lalringum Pulamte (Assistant Commandant 1IRB) Dr. David Buhril (Principal Happy Heart Junior College) Pu Lalthanzâm (SDO Thanlon & Mualnuam), Pu David Gangte (Lecturer, Happy Heart Junior College) Tv. Muona Infimate, Tv. Kevin le Rev. Alan L Thiek hai an țhang.
Inkhêl hi insukhlimna, fellowship a ni ang hrimin, hlim taka inkhêl a nia, ICI Central Choir tieng Tv. Lalthlawnpek Tusing in seh (goal) 2, Tv. Lalrosiemin seh (goal) 1 a thuna, Hmathlir Team tieng hin Rev. Alan L Thiek in seh (goal) 1 le Tv. Kevinin seh (goal) 1 a thun. ICI Central Choir in Seh 3-2 in Hmathlir Team hi an hne a nih.
Vawisuna an hung hmangtlâng hi inhawi an ti hle a, hmatieng pei a khawm nei nawk ngei an inbeisei thu Virthli palai an hril.
Thlalak hai a link a enthei a nih.
