Shillong, November 29, 2020; Virthli ONP: Vawisûn zing dâr 11:00 AM khan Upa Dr. Zawlthanglien Changsan, Moderator, ICI in Independent Church of India (ICI) Madanrting Biekin chu Shillong khawpuiah hawngna a lo nei tah.
Hi hunser hi Pu Lambor Malngiang, local MLA (Nongkrem AC), ICI Meghalaya West Presbytery Chairman Upa Lalremthang Zate le Presbytery Secretary Rev. Lalliensung Joute haiin an uop bakah Shillong khawpuia kohran dang dang thuoitu, hieng EFCI Gen. Hqrs. a'nthawk Rev. Zoramsiem Nungate (Moderator) le Rev. C. Kawldinglien (Vice-President), EFCI Shillong Local a'nthawk Pu Ramhlun Darngawn le Upa Lalremthang Varte, EAC Kohran a'nthawk Upa Hrangrolien le Tv. Obed Lalrawngbawl Thomte, EFCI Hebron a'nthawk Upa V.L Ruota le Pu VL Mawia, RPC Kohran a'nthawk Upa Lalmuonthang le Pastor Solomon Lalremthang haiin lawmpuina thucha hrilna le thilpêk inhlanna hai an nei.
Upa Dr. Zawlthanglien in hawngna hunser a nei zova, mipui biekin sûng lûtin, 'Aw Lalpa I Malsawmna Hlu' ti hla sakna nei a ni a, Pathien kuoma biekin inhlanna thusam hrilna, tawngtaina, lawmpuina thucha hai hrilna le ngaithlakna nei a ni zovin, doxological song-in 'Lalpa Ropuina' sak a ni a, Upa Dr. Challiensung in tawngtaina le malsawmna hrilna a nei zovin refreshment kîltlângna nei a nih.
Hi biekin hi October 31, 2016 khan lungphunna nei a ni a, kum 4 sûng nasa taka bâwlna sin nei a ni zo hnunga, vawisûna hawng thei ngirhmuna hung um a nih.
Biekin complex hi a hnuoia ang hin bâwl a nih:
Ground floor: Toilet, Store room, empty lot
1st Floor: Chowkidar quarters, Hall
2nd Floor: Main church area, vestry
3rd Floor: Balcony, PA system control room
4th Floor: Conference hall
Hi hawngna hunser inkhâwm hi COVID-19 hripui inlêng leia sawrkarin protocol (SOPs) a isiem hai thei ang anga kengkaw puma hmang a nih a, social distancing protocol zuiin mipui fekhâwm hai hi bench pakhata mi pahni pei inthungtir an nih.
Shillong khawpuia biekin thar inngîr le hawng theia an um hi ei lawmpui hle a nih.
