Responsive Ad Slot

Pu Ngamrothang Hmar in thangpuina le lawmpuina thilpek an hlan

Saturday, August 15, 2020

/ Published by Simon L Infimate

Muolhoi, August 15, 2020 (Virthli ONP): Vawisun khan Pu Ngamrothang Hmar, EM, N.C Hills Autonomous Council chun Muolhoi a Sam vawna (Saloon) hawngtu Pu Nehemia Faiheng le Tv. Gideon Thiek hai kuomah sumfai thangpuina Rs 10000/-  le lawmpuina thilpek Hmarpuon Muffler an hlan ve ve.




Pu Ngamrothang Hmar chun khang chen kha Haflong le a sevel ah sam vawna (saloon) vai hai ti lo chu a hawng ei um ngai naw a, Pu Nehemia Faiheng le Tv. Gideon Thiek haiin vai hai thawthei chu tiin mani ngeia sam vawa fak zawng thei khawpa bul an ṭanna hi mi tamtak chona (challenge) petu anni a a hriet leiin a thangpuina le lawmpuina thilpek hi an hlan thu a hril.  

Pu Ngamrothang Hmar chun thangthar nunghak- tlangval hai sawrkar sin el nghak lova ei ram le hnam ei economic development ei siemthatna ding chun iengkim sumdawngna le thiem thil dang dang hai, sin inhnuoi an sang ti lova vai hai chau thaw thei dinga ngai lova mani khawma thaw ve a, bul ṭana fak khawp hmu thei ding khawpa ṭhang la thar dingin a nuom thu a hril bawk.

Don't Miss
© all rights reserved
made with by Simon L Infimate