Jiribam, August 25, 2020, Virthli (ONP): Hmar Inpui Coordination Committee hmalakna hnuoia, Jiribam biel sunga Hmar organization popo hai ṭhangruolin Jiri- Tipaimukh road a siet zuolna hmun, B. Huonveng khuo kawl lamtung siemthatna sin vawisun hin thaw a nih. Hi hun a hin hi lai lampui kawla Hmar khuo um hai; B. Huonveng, Tuisuolien, Butangkhal, Phailienthang, Henchungpunji le Muolkhang hai a inthawk mi tlawmngai tam tak an inthawk suok ve. JCB Pu. HT Rothang in a thlawnin lampui siemna a hin a thawlawm a nih.
JT road hi Barak circle mipui le Vangai mipui hai chakkhai lakna lampui tak ani a, hieng neka tha lem lampui siem pek dingin mipui in sawrkar thuneitu hai an ngen tak zet a nih.
